കോവിഡ് നിരീക്ഷണത്തിലായിരുന്ന സൈനികനും സുഹൃത്തും അപകടത്തിൽ മരിച്ചു

കണ്ണൂര്‍: താഴെ കായലോടുണ്ടായ ബൈക്ക് അപകടത്തിൽ രണ്ട് പേർ മരിച്ചു. കോവിഡ് നിരീക്ഷണത്തിലായിരുന്ന സൈനികൻ വൈശാഖ് (25), സുഹൃത്ത് അഭിഷേക് ബാബു (21) എന്നിവരാണ് മരിച്ചത്. മാവിലായി സ്വദേശികളാണ്.  ഇന്ന് പുലര്‍ച്ചെയാണ് അപകടം നടന്നത്. 

പറമ്പായി റോഡിന് സമീപം മതിലിൽ ഇടിച്ച നിലയിൽ ബൈക്ക് കണ്ടെത്തുകയായിരുന്നു.  നാട്ടുകാരാണ് മൃതദേഹം റോഡരികിൽ കണ്ടെത്തിയത്. മൃതദേഹങ്ങൾ ആശുപത്രിയിലേക്ക് മാറ്റി.