ചുരത്തിൽ ബൈക്ക് യാത്രികരായ രണ്ടുപേർ കൊക്കയിലേക്ക് വീണു

കൽപറ്റ: താമരശ്ശേരി ചുരത്തിൽ ബൈക്ക് യാത്രികരായ രണ്ടുപേർ കൊക്കയിലേക്ക് വീണു. കൽപറ്റയിൽനിന്നെത്തിയ അഗ്നിരക്ഷാ സേന ഇരുവരെയും രക്ഷപ്പെടുത്തി വൈത്തിരി താലൂക്ക് ആശുപത്രിയിൽ എത്തിച്ചു.

തൃശൂർ സ്വദേശി അൽത്താഫ് (20), കൊടുവള്ളി സ്വദേശി ഹിജാസ് (19) എന്നിവരാണ് അപകടത്തിൽപെട്ടത്. തകരപ്പാടിക്കു സമീപത്ത് വെച്ച് ഇവർ സഞ്ചരിച്ച ബൈക്ക് നിയന്ത്രണം വിട്ട് താഴ്ചയിലേക്ക് വീഴുകയായിരുന്നു. ഇരുവരുടെയും പരിക്ക് ഗുരുതരമല്ല.