Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകുട്ടികളെ...

കുട്ടികളെ തട്ടിക്കൊണ്ടുപോകുന്നു എന്നാരോപിച്ച്​ ബിഹാർ സ്വദേശിക്ക്​ മർദ്ദനം

text_fields
bookmark_border
കുട്ടികളെ തട്ടിക്കൊണ്ടുപോകുന്നു എന്നാരോപിച്ച്​ ബിഹാർ സ്വദേശിക്ക്​ മർദ്ദനം
cancel

കൂത്തുപറമ്പ്​: കണ്ണൂർ കൂത്തുപറമ്പിലെ മാനന്തേരിയിൽ ബീഹാർ സ്വദേശിയായ യുവാവിനെ നാട്ടുകാർ കൂട്ടമായി മർദിച്ചു. കുട്ടികളെ തട്ടിക്കൊണ്ടുപോകാൻ ശ്രമിച്ചെന്നാരോപിച്ചാണ് ചോട്ടു എന്ന പേരുള്ള​ ബിഹാർ സ്വദേശിയെ നാട്ടുകാർ ക്രൂരമായി മർദിച്ചത്​. 

യുവാവിനെ അക്രമിക്കുന്ന ദൃശ്യങ്ങൾ പകർത്തി കുട്ടികളെ കടത്തുന്നയാളെ പിടികൂടി എന്ന തരത്തിൽ സാമൂഹിക മാധ്യമങ്ങളിൽ പോസ്​റ്റ്​ ചെയ്​തിരുന്നു. ഒരു കുട്ടിക്ക്​ നാല്​ ലക്ഷം രൂപ വരെ വില ലഭിക്കും എന്ന തരത്തിലുള്ള വിവരങ്ങളാണ്​ ഇയാളെ നാട്ടുകാർ ചോദ്യം ചെയ്​തതിൽ നിന്നും ലഭിച്ചതെന്നും സാമൂഹിക മാധ്യമങ്ങളിൽ പറയുന്നുണ്ട്​. മർദ്ദിച്ചതിന്​ ശേഷം യുവാവിനെ കണ്ണവം പൊലീസ്​ സ്​റ്റേഷനിൽ എത്തിക്കുകയായിരുന്നു.

​ എന്നാൽ കുട്ടികളെ തട്ടിക്കൊണ്ടുപോകാൻ ശ്രമിച്ചതിന്​ തെളിവൊന്നും ലഭിച്ചില്ലെന്ന്​ യുവാവിനെ ചോദ്യം ചെയ്​ത പൊലീസ്​ ​ അറിയിച്ചു. പരസ്​പരം ബന്ധമില്ലാതെ​ സംസാരിച്ച ഇയാൾക്ക്​ മാനസിക രോഗമുള്ളതായി​ സംശയിക്കുന്നുണ്ടെന്നും പൊലീസ്​ പറഞ്ഞു. യുവാവി​​​​​​െൻറ കയ്യിൽ നിന്നും കണ്ണാടി പറമ്പ്​ സ്വദേശിയുടെ എ.ടി.എം കാർഡ്​, ഒരു ആധാർ കാർഡി​​​​​​െൻറ കോപി എന്നിവ​ ലഭിച്ചതായും പൊലീസ്​ കൂട്ടിച്ചേർത്തു.

Show Full Article
TAGS:kannur child trafficking kerala news malayalam news 
News Summary - bihar native attacked in kannur - kerala news
Next Story