കോടതി വിധി സർക്കാറിന് തിരിച്ചടി- എം.എം ഹസൻ

തിരുവനന്തപുരം: ഷുഹൈബ് വധകേസിൽ സി.ബി.ഐ അന്വേഷണത്തിനുത്തരവിട്ട ഹൈകോടതി വിധി പിണറായി സർക്കാറിന് തിരിച്ചടിയാണെന്ന് കെ.പി.സി.സി അധ്യക്ഷൻ എം.എം ഹസൻ. യു.ഡി.എഫ് ആവർത്തിച്ചു പറഞ്ഞതെല്ലാം കോടതി അംഗീകരിച്ചുവെന്നത് വിധിയിൽ വ്യക്തമാണെന്നും ഹസൻ പറഞ്ഞു. നേരത്തെ സി.ബി.ഐ അന്വേഷണത്തെ കുറിച്ച് തീരുമാനമെടുക്കാമെന്ന് മന്ത്രി ബാലൻ ഫോണിലൂടെ  പറഞ്ഞിരുന്നെങ്കിലും അത്തരത്തിലൊന്ന് നടന്നിട്ടില്ലെന്ന്  വാദിച്ച മുഖ്യമന്ത്രി ആസ്ഥാനത്ത് തുടരാൻ യോഗ്യനല്ലെന്നും ഹസൻ കുറ്റപ്പെടുത്തി.