35 കിലോ ഭാരമുള്ള ഖുർആൻ കയ്യെഴുത്ത്​ പ്രതി തയാറായി VIDEO

പെരിന്തൽമണ്ണ: ആറ്​ വർഷത്തോളം നിരന്തരമായ കഠിനാദ്ധ്വനത്തിലൂടെ ​േലാകത്തി​െല തന്നെ ഏറ്റവും വലുതെന്ന്​ കരുതുന്ന വിശുദ്ധ ഖുർആനി​​​​​​​​െൻറ കയ്യെഴുത്ത്​ പ്രതി പെരിന്തൽമണ്ണയിൽ തയാറായി. 94 സെന്‍റിമീറ്റർ നീളവും 61 സെന്‍റിമീറ്റർ വീതിയും ആറ്​ ​സെന്‍റിമീറ്റർ കട്ടിയുമുള്ള കയ്യെഴുത്ത്​ പ്രതിക്ക്​ 35 കിലോ ഭാരമുണ്ട്​. പെരിന്തൽമണ്ണ മാനത്ത്​ മംഗലം ചാത്തോലിപ്പറമ്പിൽ മമ്മദി (66) ​​​​​​​​െൻറ ത്യാഗനിർഭരമായ മനസാന്നിധ്യമാണ്​ വിശുദ്ധ ഗ്രന്ഥത്തി​​​​​​​​െൻറ കയ്യെഴുത്ത്​ പ്രതിക്ക്​ പിന്നിൽ.

2013 ജനുവരി എട്ടിന്​ തുടക്കം കുറിച്ച്​ ഖുർആൻ പകർത്തൽ ​സെപ്​റ്റംബർ 21ന്​ രാവിലെയാണ്​ പൂർത്തീകരിച്ചത്​. ലോകത്തുടനീളം പ്രചാരത്തിലുള്ളതും സൗദി മതകാര്യവകുപ്പ്​ പ്രസിദ്ധീകരിക്കുന്നതുമായ ‘ഉസ്​മാനി മുസ്ഹഫി’​​​​​​​​െൻറ തനിരൂപത്തിലാണ്​ കയ്യെഴുത്ത്​ ​പ്രതി ഒരുക്കിയത്​. ഉസ്​മാനി മുസ്ഹഫുകൾക്ക്​ 21 സെന്‍റിമീറ്റർ നീളവും 14 സെന്‍റിമീറ്റർ വീതിയുമാണുള്ളത്​. സൗദി അറേബ്യ അടക്കമുള്ള അറബ്​ നാടുകളിൽ ഇത്ര വലിപ്പമുള്ള ഖുർആൻ കയ്യെഴുത്തി പ്രതി ഇല്ലെന്ന് ​രചയിതാവ്​ പറയുന്നു​. മക്കയിലെ ഹറം അധികൃതർക്ക്​ ഇത്​ സമർപ്പിക്കുന്നതിനുള്ള ആഗ്രഹത്തിലാണ്​ ഇദ്ദേഹം.

ബി.എസ്​.എൻ.എല്ലിൽ നിന്നും ജെ.ടി.ഒ. ആയി വിരമിച്ച മമ്മദ്​ കഴിഞ്ഞ ആറ്​​ വർഷമായി ദിവസവും നാലു​ മണിക്കൂറിലേറെ സമയമാണ്​ ഇതിനായി നീക്കിവെച്ചത്​. ഉസ്​മാനി മുസ്ഹഫിലെ അതേ അക്ഷര ശൈലിയാണ്​ ഇതിലും സ്വീകരിച്ചത്​. സൂക്​തങ്ങളുടെ പേരുകൾ, നമ്പറുകൾ, പാരായണ ചിഹ്​നങ്ങൾ തുടങ്ങി സൗദി മുസ്​ഹഫിലെ സുക്ഷ്​മത ആകെയുള്ള 604 പേജുകളിലും അതേപടി പാലിച്ചിട്ടുണ്ട്​. 15 വരികളാണ്​ ഒരോ പേജിലും.

അധ്യായനത്തി​​​​​​​​െൻറ പേര്​, ‘ബിസ്​മി’ എന്നിവയടക്കമാണ്​ 15 വരികൾ. ‘ആയത്തുകൾ’ കൊണ്ട്​ പേജ് ​ആരംഭിക്കുകയും ആയത്തി​​​​​​​​െൻറ അവസാനത്തോടെ പേജ്​ അവസാനിക്കുകയും ചെയ്യും. ഒരുവരി എഴുതാൻ 25 മിനിറ്റാണ്​ ശരശരി സമയം. കട്ടിയുള്ള ചാർട്ട്​ പേപ്പർ പ്രസുകളിൽ നിന്ന്​ പ്രത്യേകം വരുത്തിക്കുകയായിരുന്നു. സൗദിയിലുള്ള മക്കളെത്തിച്ച്​ നൽകുന്ന ‘​േറാക്കോ 20’ കാലിഗ്രാഫ്​ പേനയാണ്​ എഴുതാൻ ഉപയോഗിച്ചത്​. ഏഴാം ക്ലാസ്​ വരെ മാത്രം മദ്​റസ വിദ്യാഭ്യാസമുള്ള മമ്മദ്​, ഖുർആനുമായി ബന്ധപ്പെട്ട്​ ഇൻറർനെറ്റിൽ ലഭ്യമായ മുഴുവൻ വിവരങ്ങളും മക്കൾ മുഖേന ശേഖരിച്ച്​ പഠിച്ചാണ്​ എഴുത്തി​​​​​​​​െൻറ ശൈലി സ്വീകരിച്ചത്​. ഇതി​​​​​​​​െൻറ 11, 12 ഭാഗങ്ങൾ സൗദിയിൽ ജോലി ചെയ്യുന്ന മക്കൾക്കൊപ്പം താമസിച്ചാണ്​ പൂർത്തീകരിച്ചത്​. ഇൗ ഭാഗങ്ങൾ സൗദിയിലെ ചില പണ്ഡിതന്മാരെ കാണിച്ചപ്പോൾ അഭിനന്ദിക്കുകയും ചെയ്​തു.

ഗ്രന്ഥം ബൈൻഡ്​ ചെയ്യാൻ ഇൻഡസ്​ട്രിയൽ, ആ​​ശാരി പണിക്കാരടക്കമുള്ളവരുടെ സേവനവും പ്രയോജനപ്പെടുത്തിയിട്ടുണ്ട്​. സർവീസിൽ നിന്ന്​ വിരമിച്ച്​ പെരിന്തൽമണ്ണ സലഫി മസ്​ജിദിനോട് അനുബന്ധിച്ച ഖുർആൻ ലേണിങ്​ സ്​കൂളിലെ പഠിതാവായ ശേഷമാണ്​ ഖുർആൻ പകർത്തലിലേക്ക്​ തിരിഞ്ഞത്​. എഴുത്തിന്​ മാത്രമായി വീട്ടിൽ ഒരു മുറിയും അതിനനുസൃതമായ സംവിധാനങ്ങളും ഒരുക്കുകയായിരുന്നു.

ഭാര്യ ഫാതിമത്ത്​ സുഹ്​റയും മക്കളായ സമീർ, ബഷീർ, സലീന എന്നിവരടക്കമുള്ളവർ നൽകിയ അകമഴിഞ്ഞ സഹായമാണ്​ ഖുർആൻ കയ്യെഴുത്ത് ഭംഗിയായി പൂർത്തീകരിക്കാൻ സഹായിച്ചതെന്ന്​ മമ്മദ്​ പറയുന്നു. എഴുത്തിന്​ ശേഷം പല തവണ പരിശോധിച്ച്​ പേരായ്​മകൾ തീർത്ത ശേഷമാണ്​ ഗ്രന്ഥരൂപത്തിലാക്കിയത്​.