സംസ്​ഥാനത്തെ വികസനം അട്ടിമറിക്കാൻ വൻ ഗൂഢാലോചന, സി.പി.എം ബഹുജന സമരത്തിന്​ -എ. വിജയരാഘവൻ

തിരുവനന്തപുരം: മുഖ്യമന്ത്രിയെ കുരുക്കാനും സംസ്​ഥാന വികസനം അട്ടിമറിക്കാനും കേന്ദ്ര ഏജൻസികൾ നടത്തുന്ന നീക്കത്തിനെതിരെ ബഹുജനസമരത്തിന്​ സി.പി.എം സംസ്​ഥാന സെക്ര​േട്ടറിയറ്റ്​ തീരുമാനിച്ചു. പ്രതിപക്ഷത്തി​െൻറ വികസനവിരുദ്ധ നിലപാടും തുറന്നുകാട്ടും. ഇടതുമുന്നണി യോഗം വിളിച്ച്​ സമര-പ്രചാരണ പരിപാടികൾക്ക്​ രൂപംനൽകും. സംസ്​ഥാന വികസനത്തിൽ തൽപരരായ എല്ലാവിഭാഗം ജനങ്ങളെയും ഇതിൽ ഉൾപ്പെടുത്തും. കിഫ്​ബിക്കെതിരെ വന്ന സി.എ.ജി റിപ്പോർട്ടി​െൻറയും മുഖ്യമന്ത്രിക്കെതിരെ മൊഴി നൽകാൻ പ്രതികളിൽ സമ്മർദമെന്ന വിവരത്തി​െൻറയും സാഹചര്യത്തിലാണ്​ പാർട്ടി തീരുമാനം.

സംസ്​ഥാന വികസനം അട്ടിമറിക്കാൻ വൻ ഗൂഢാലോചന നടക്കുന്നതായി യോഗത്തിനുശേഷം സംസ്​ഥാന സെക്രട്ടറിയുടെ ചുമതല വഹിക്കുന്ന എ. വിജയരാഘവൻ വാർത്തസമ്മേളനത്തിൽ പറഞ്ഞു. വിവിധ കേന്ദ്ര ഏജൻസികൾ അധികാര ദുർവിനിയോഗം ചെയ്​ത്​​ വട്ടമിട്ട്​ പറക്കുന്നു. രാഷ്​ട്രീയ എതിരാളികൾക്കെതിരെ കേന്ദ്ര ഏജൻസികളെ ഉപയോഗിക്കുന്നു. ഭരണനേതൃത്വം നൽകുന്നവർക്കെതിരെ കള്ളത്തെളിവുണ്ടാക്കാൻ ഏജൻസികൾ കൂട്ടായി ശ്രമിക്കുന്നു. ബഹുജനാഭിപ്രായം രൂപപ്പെടുത്തി ഇതിനെ പ്രതിരോധിക്കും. മുഖ്യമന്ത്രിയെ കുടുക്കാനാകുമോയെന്ന വിധം​ അന്വേഷണം വഴി തിരിച്ചുവിടാൻ ശ്രമിക്കുന്നു. സ്വർണക്കടത്തിൽ ശരിയായ അന്വേഷണം വേണമെന്നാഗ്രഹിച്ചാണ്​ മുഖ്യമന്ത്രി കേന്ദ്ര ഏജൻസിയെ വിളിച്ചത്​.

സത്യം കണ്ടെത്തുന്നതിന്​ പകരം രാഷ്​ട്രീയ ലക്ഷ്യം​െവച്ച്​ നീങ്ങിയാൽ എതിർക്കുക സ്വാഭാവികമാണ്​. കിഫ്​ബിയെ ദുർബലപ്പെടുത്താൻ സി.എ.ജിയെ കൂട്ടുപിടിച്ച്​ പ്രതിപക്ഷം ശ്രമിച്ചു. യു.ഡി.എഫും ബി.ജെ.പിയും ഒരേനിലപാടിലാണ്​. വികസനവിരുദ്ധ നിലപാടിനെ ജനങ്ങൾക്കിടയിൽ തുറന്നുകാട്ടും. തദ്ദേശ, നിയമസഭ തെരഞ്ഞെടുപ്പുകളിൽ ആത്മവിശ്വാസത്തോടെ ജനങ്ങളെ അഭിമുഖീകരിക്കാൻ ഇടത്​ മുന്നണിക്ക്​​ സാധിക്കും.

എം.എൽ.എമാരെ വിലക്കുവാങ്ങി സർക്കാറിനെ ദുർബലപ്പെടുത്താനാവി​െല്ലന്ന്​ കണ്ടാണ്​ ബി.ജെ.പി കേന്ദ്ര ഏജൻസികളെ ഉപയോഗിക്കുന്നത്​. രാഷ്​ട്രീയമായി ദുർബലപ്പെട്ട യു.ഡി.എഫ്​, മുസ്​ലിം മത മൗലികവാദികളുമായി രാഷ്​ട്രീയ സഖ്യമുണ്ടാക്കി. ബി.ജെ.പി രഹസ്യ ബാന്ധവ വിശദാംശം വരുംദിവസങ്ങളിൽ വ്യക്തമാകും. രാഷ്​ട്രീയ ചേരിയെന്ന നിലയിൽ യു.ഡി.എഫി​െൻറ ജീർണത എം.എൽ.എമാരുടെ അറസ്​റ്റിൽ വ്യക്തമായി. ഇതി​െൻറ നിരാശയിലാണ്​ അപകടകരമായ രാഷ്​​്ട്രീയ തകരാറുകളിലേക്ക്​ യു.ഡി.എഫ്​ വഴിമാറിയതെന്നും അദ്ദേഹം ആരോപിച്ചു.