ബിബിൻ വധക്കേസ്: പ്രതിയെ ഒളിവിൽ കഴിയാൻ സഹായിച്ചയാൾ അറസ്റ്റിൽ

തിരൂർ:  ആർ.എസ്.എസ് പ്രവർത്തകൻ ബിബിൻ വധക്കേസിൽ ഒരാൾ കൂടി അറസ്റ്റിൽ. കേസിലെ പ്രധാന പ്രതിക്ക് ഒളിവിൽ കഴിയാൻ സഹായിച്ച കാടഞ്ചേരി മുഹമ്മദ് അഷ്റഫ് (49) ആണ് കഴിഞ്ഞദിവസം അറസ്റ്റിലായത്. കേസിൽ ഇതുവരെ ആറ് പേരെ അറസ്​റ്റ് ചെയ്തിട്ടുണ്ട്. 

പൊലീസ് കസ്​റ്റഡിയിലായിരുന്ന മുഖ്യപ്രതികളിലൊരാളായ തൃപ്രങ്ങോട് പരപ്പേരി സാബിനൂളിനെ കഴിഞ്ഞദിവസം ജയിലിലടച്ചിരുന്നു. കൃത്യത്തിൽ പങ്കെടുത്ത ആറ് പേരിൽ സാബിനൂളിനെ മാത്രമാണ് പിടികൂടാനായത്. മറ്റുള്ളവർക്കായി അന്വേഷണം തുടരുകയാണ്.