ഹർത്താൽ ജനജീവിതത്തെ ബാധിച്ചില്ല

ന്യൂഡൽഹി / തിരുവനന്തപുരം: ഭീം ആർമിയുടെ ഭാരത്​ ബന്ദിനെ പിന്തുണച്ച്​​ കേരളത്തിൽ ദലിത് സംയുക്ത സമിതി ആഹ്വാനം ചെയ ്​ത ഹർത്താൽ ജനജീവിതത്തെ ബാധിച്ചില്ല. മിക്കയിടങ്ങളിലും സ്വകാര്യ ബസുകളും കെ.എസ്​.ആർ.ടി.സിയും സർവീസ്​ നടത്തുന്നുണ്ട്​. സ്വകാര്യവാഹനങ്ങളും നിരത്തിലുണ്ട്​. സംസ്ഥാനത്ത് രാവിലെ ആറ്​ മുതൽ വൈകീട്ട്​ ആറ്​ വരെയാണ്​ ഹർത്താൽ.

സർക്കാർ ജോലികളിൽ സ്​ഥാനക്കയറ്റത്തിന്​ സംവരണം മൗലികാവകാശമല്ലെന്ന സുപ്രീം കോടതി വിധിക്കെതിരെ പ്രതിഷേധിച്ചാണ് ഭീം ആർമി നേതാവ്​ ചന്ദ്രശേഖർ ആസാദ്​ ഭാരത്​ ബന്ദിന് ആഹ്വാനം ചെയ്​തത്. ജ​സ്​​റ്റി​സ്​ നാ​ഗേ​ശ്വ​ര റാ​വു അ​ധ്യ​ക്ഷ​നാ​യ ബെ​ഞ്ചിന്‍റെ വി​ധി ഭ​ര​ണ​ഘ​ട​ന വി​രു​ദ്ധ​മാ​ണെ​ന്നും തെ​റ്റ്​ തി​രു​ത്ത​ണ​മെ​ന്നും ആ​വ​ശ്യ​പ്പെ​ട്ടാണ് ആസാദ് സമരം പ്രഖ്യാപിച്ചത്.

കേരളത്തിൽ ആദിവാസി ഗോത്രമഹാസഭ, കെ.ഡി.പി, ഭീം ആർമി, കെ.സി.എസ്, ഡി.എച്ച്.ആർ.എം, എ.കെ.സി.എച്ച്.എം.എസ്, ജനാധിപത്യ രാഷ്ട്രീയ പ്രസ്ഥാനം, കെ.പി.എം.എസ്, സാധുജന പരിപാലന സംഘം, എ.എസ്.ഫോർ, എൻ.ഡി.എൽ.എഫ് എന്നീ സംഘടനകളാണ് ഹർത്താൽ പ്രഖ്യാപിച്ചത്.