സി.പി.ഐ കോട്ടയം മണ്ഡലം സമ്മേളനത്തിന്‍റെ പോസ്റ്ററിൽ ഭാരതാംബ; വിവാദം

കോട്ടയം: സി.പി.ഐ കോട്ടയം മണ്ഡലം സമ്മേളനത്തിന്‍റെ പോസ്റ്ററിൽ ഭാരതാംബയുടെ ചിത്രം ഉൾപ്പെടുത്തിയ നടപടി വിവാദത്തിലായതോടെ പോസ്റ്റർ പിൻവലിക്കാൻ ജില്ലാ നേതൃത്വം നിർദേശം നൽകി. ജൂൺ 13, 14, 15 തിയതികളിൽ കോട്ടയത്തിന് സമീപം പാക്കിൽ നിടക്കുന്ന പ്രതിനിധി സമ്മേളനത്തിന്‍റെ ഭാഗമായാണ് പോസ്റ്റർ ഇറക്കിയത്.

ത്രിവർണ പതാകയേന്തിയ ഭാരതാംബയുടെ ചിത്രമാണ് പോസ്റ്ററിൽ ഉണ്ടായിരുന്നത്. ഈ പോസ്റ്റർ മണ്ഡലം കമ്മിറ്റിയുടെ സോഷ്യൽ മീഡിയ പേജുകളിലടക്കം പങ്കുവെക്കുകയും ചെയ്തിരുന്നു. ഇതിനുശേഷമാണ് പിൻവലിക്കാൻ നിർദേശം നൽകിയിരിക്കുന്നത്.

സി.പി.ഐ കോട്ടയം ജില്ല സെക്രട്ടറി വി.ബി. വിനുവാണ് പോസ്റ്റർ പിൻവലിക്കാൻ നിർദേശം നൽകിയത്. പാർട്ടി ചിഹ്നങ്ങളോടോ പരിപാടികളോടോ ദേശീയപതാക കൂട്ടിച്ചേർക്കുന്നത് ശരിയല്ലെന്നും പോസ്റ്ററിനെപ്പറ്റി വിവരം ലഭിച്ചപ്പോൾ തന്നെ അത് പിൻവലിക്കാൻ നിർദേശം നൽകിയെന്നും വി.ബി. വിനു പറഞ്ഞു.

കൃ​ഷി​വ​കു​പ്പി​ന്‍റെ ആ​ഭി​മു​ഖ്യ​ത്തി​ൽ രാ​ജ്​​ഭ​വ​നി​ൽ ന​ട​ത്താ​ൻ നി​ശ്ച​യി​ച്ച ലോ​ക​പ​രി​സ്ഥി​തി ദി​ന​ത്തി​ന്‍റെ സം​സ്ഥാ​ന​ത​ല ഉ​ദ്​​ഘാ​ടനം കാ​വി​ക്കൊ​ടി​യേ​ന്തി​യ ഭാ​ര​ത​മാ​താ​വി​ന്‍റെ ചി​ത്ര​ത്തെ​ച്ചൊ​ല്ലി സർക്കാർ ബ​ഹി​ഷ്ക​രി​ച്ച​തോടെയാണ് ഭാരതാംബ വി​ഷ​യം വി​വാ​ദ​മാ​യ​ത്. ആ​ർ.​എ​സ്.​എ​സ്​ ഉ​പ​യോ​ഗി​ക്കു​ന്ന കാ​വി​ക്കൊ​ടി മാ​റ്റി ത്രി​വ​ർണപ​താ​ക​യേ​ന്തി​യ ഭാ​ര​താം​ബ​യു​ടെ ചി​ത്രം വെ​ക്ക​ണ​മെ​ന്നാ​യി​രു​ന്നു സ​ർ​ക്കാ​ർ നി​ല​പാ​ട്. എന്നാൽ ഇതിന് രാജ്ഭവൻ തയാറായിരുന്നില്ല. തു​ട​ർ​ന്ന്,​ സ്വ​ന്തം​ നി​ല​ക്ക്​ രാ​ജ്​​ഭ​വ​നും സർക്കാറും വെവ്വേറെ പരിപാടികൾ സംഘടിപ്പിക്കുകയായിരുന്നു.