ഭാ​ര​ത് അ​രി വി​ത​ര​ണ​ത്തി​ന് ബി.​ജെ.​പി നേ​താ​ക്ക​ൾ; വി​ശ​പ്പ് മാ​റ്റാ​ന​ല്ല, വോ​ട്ട് നേ​ടാ​നെ​ന്ന് വി.​എ​സ്. സു​നി​ൽ​കു​മാ​ർ

തൃ​ശൂ​ർ: തൃ​ശൂ​ർ പാ​ർ​ല​മെ​ന്റ് മ​ണ്ഡ​ല​ത്തി​ൽ അ​രി രാ​ഷ്ട്രീ​യം തി​ള​ച്ചു​മ​റി​യു​ന്നു. കി​ലോ​ക്ക് 29 രൂ​പ നി​ര​ക്കി​ലാ​ണ് ഭാ​ര​ത് അ​രി​യു​ടെ വി​ൽ​പ​ന. ഭാ​ര​ത് അ​രി വി​ശ​പ്പ് മാ​റ്റാ​ന​ല്ല, വോ​ട്ട് പി​ടി​ക്കാ​നാ​ണെ​ന്ന് തൃ​ശൂ​രി​ലെ സി.​പി.​ഐ സ്ഥാ​നാ​ർ​ഥി​യാ​വു​മെ​ന്ന് പ്ര​തീ​ക്ഷി​ക്കു​ന്ന വി.​എ​സ്. സു​നി​ൽ​കു​മാ​ർ പ​റ​ഞ്ഞു. ഇ​ട​തു​പ​ക്ഷ​ത്തി​ന്റെ രാ​ഷ്ട്രീ​യ ആ​രോ​പ​ണ​ത്തെ സാ​ധൂ​ക​രി​ക്കു​ന്ന​താ​ണ് തൃ​ശൂ​രി​ൽ അ​രി വി​ത​ര​ണ​ത്തി​ൽ പ്ര​ക​ട​മാ​കു​ന്ന​ത്.

ബി.​ജെ.​പി നേ​താ​ക്ക​ളാ​ണ് അ​രി വി​ത​ര​ണ​ത്തി​ന്റെ ഉ​ദ്ഘാ​ട​ന​വും ഏ​കോ​പ​ന​വു​മെ​ല്ലാം ന​ട​ത്തു​ന്ന​ത്. വെ​ള്ളി​യാ​ഴ്ച തൃ​ശൂ​ർ ന​ഗ​ര​ത്തി​ലെ അ​രി​വി​ത​ര​ണോ​ദ്ഘാ​ട​നം ബി.​ജെ.​പി​യു​ടെ ജി​ല്ല ജ​ന​റ​ൽ സെ​ക്ര​ട്ട​റി കെ.​ആ​ർ. ഹ​രി, കോ​ർ​പ​റേ​ഷ​നി​ലെ ബി.​ജെ.​പി കൗ​ൺ​സി​ല​റും ബി.​ജെ.​പി​യു​ടെ ജി​ല്ല സെ​ക്ര​ട്ട​റി​യു​മാ​യ ഡോ. ​വി. ആ​തി​ര​യു​ടെ അ​മ്മ​ക്ക് കൈ​മാ​റി​യാ​ണ് നി​ർ​വ​ഹി​ച്ച​ത്.

‘തൃശ്ശൂരിനെ ഇങ്ങ് എടുക്കാൻ 24രൂപയുടെ അരി 29 രൂപക്ക് നൽകുന്നു’

സപ്ലെെകോ വഴി 24രൂപക്ക് വിതരണം ചെയ്യുന്ന അരിയാണ് കേന്ദ്രം ഭാരത് അരിയെന്ന നിലയിൽ 29 രൂപക്ക് നൽകുന്നതെന്ന് ഭക്ഷ്യമന്ത്രി ജി.ആർ. അനിൽ. സംസ്ഥാനത്ത് 14,250 കേന്ദ്രങ്ങളില്‍ റേഷന്‍ കടകളുണ്ട്. ഈ രീതിയില്‍ ഫലപ്രദമായി പ്രവര്‍ത്തിക്കുന്ന സംവിധാനമുള്ള സാഹചര്യത്തിലാണ് തൃശ്ശൂരിനെ ഇങ്ങ് എടുക്കാന്‍വേണ്ടി കേന്ദ്രം അരി വിതരണം നടത്തുന്ന​തെന്ന് മന്ത്രി കുറ്റപ്പെടുത്തി.

നിലവിൽ, റേഷൻ കടയിൽ ലഭിക്കുന്ന അരിയാണ് 29 രൂപക്ക് ഭാരത് അരി എന്ന പേരിൽ വിതരണം ചെയ്യുന്നത്. റേഷന്‍ കടയില്‍ കിട്ടുന്ന ചമ്പാ അരിയല്ല ഇത്. മറിച്ച്, ചാക്കരി എന്ന് നാട്ടില്‍ പറയുന്ന അരിയാണ്. അല്ലാതെ, കൂടിയ ജയ അരി ഒന്നുമല്ല. ഇതേ അരിയാണ് 24 രൂപക്ക് സപ്ലൈക്കോ വഴി നൽകുന്നത്. ഇതേ അരിയാണ് നാല് രൂപയ്ക്ക് റേഷന്‍ കടവഴി നീല കാര്‍ഡുകാര്‍ക്കും 10.90 പൈസക്ക് വെള്ള കാർഡുകാർക്കും നൽകുന്നതെന്നും മന്ത്രി പറഞ്ഞു.

ബൂ​ത്ത് ത​ല​ത്തി​ൽ ബി.ജെ.പി പ്ര​വ​ർ​ത്ത​ക​ർക്ക് വിതരണച്ചു​മ​ത​ല

സം​സ്ഥാ​ന​ത്ത് ബി.​ജെ.​പി പ്ര​തീ​ക്ഷ വെ​ക്കു​ന്ന മ​ണ്ഡ​ല​മാ​യ തൃ​ശൂ​രി​ൽ ത​ന്നെ കേ​ന്ദ്ര​സ​ർ​ക്കാ​റി​ന്റെ ഭാ​ര​ത് അ​രി വി​ത​ര​ണ​ത്തി​ന് തെ​ര​ഞ്ഞെ​ടു​ത്ത​തി​ന് പി​ന്നി​ൽ രാ​ഷ്ട്രീ​യ​മാ​ണെ​ന്ന ആ​രോ​പ​ണം ഇ​ട​തു​പ​ക്ഷം ഉ​യ​ർ​ത്തി​ക്ക​ഴി​ഞ്ഞു. സ​ഞ്ച​രി​ക്കു​ന്ന വാ​ഹ​ന​ങ്ങ​ളി​ല്‍ ജി​ല്ല​യി​ലെ കൂ​ടു​ത​ല്‍ ഇ​ട​ങ്ങ​ളി​ല്‍ അ​രി എ​ത്തി​ക്കു​ന്നു​ണ്ട്. നാ​ഷ​ന​ൽ കോ ​ഓ​പ​റേ​റ്റി​വ് ക​ൺ​സ്യൂ​മ​ർ ഫെ​ഡ​റേ​ഷ​നാ​ണ് വി​ത​ര​ണ​ച്ചു​മ​ത​ല. സം​സ്ഥാ​ന​ത്ത് നി​ല​വി​ൽ തൃ​ശൂ​ർ കേ​ന്ദ്രീ​ക​രി​ച്ച് മാ​ത്ര​മാ​ണ് അ​രി വി​ത​ര​ണം ന​ട​ക്കു​ന്ന​ത്. വ​ൻ​തോ​തി​ൽ ആ​ളു​ക​ളെ എ​ത്തി​ച്ചും ബൂ​ത്ത് ത​ല​ത്തി​ൽ പ്ര​വ​ർ​ത്ത​ക​രെ ചു​മ​ത​ല ഏ​ൽ​പി​ച്ചു​മാ​ണ് വി​ത​ര​ണ പ്ര​വ​ർ​ത്ത​നം.

2021ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ൽ കി​റ്റ് ന​ൽ​കി​യാ​ണ് ഇ​ട​തു​പ​ക്ഷം വോ​ട്ട് നേ​ടി​യ​തെ​ന്ന് വി​മ​ർ​ശി​ച്ച കോ​ൺ​ഗ്ര​സ് ഇ​പ്പോ​ൾ ഇ​തേ ആ​ക്ഷേ​പം ഭാ​ര​ത് അ​രി വി​ത​ര​ണ​ത്തെ ചൂ​ണ്ടി ബി.​ജെ.​പി​ക്ക് നേ​രെ​യും ഉ‍‍യ​ർ​ത്തു​ന്നു​ണ്ട്.

റേ​ഷ​ൻ ക​ട​ക​ൾ മു​ഖേ​ന 10 രൂ​പ നി​ര​ക്കി​ൽ വി​ത​ര​ണം ചെ​യ്യേ​ണ്ട അ​രി ല​ഭി​ക്കാ​ൻ ഓ​പ​ൺ ടെ​ൻ​ഡ​റി​ൽ സ​പ്ലൈ​കോ​ക്ക് പ​ങ്കെ​ടു​ക്കാ​ൻ അ​നു​മ​തി നി​ഷേ​ധി​ച്ച് കേ​ര​ള​ത്തി​ന് അ​ർ​ഹ​മാ​യ​ത് വെ​ട്ടി​ച്ചു​രു​ക്കി 29 രൂ​പ​ക്ക് ഭാ​ര​ത് അ​രി വി​ത​ര​ണം ചെ​യ്യു​ന്ന​ത് ഇ​ര​ട്ട​ത്താ​പ്പാ​ണെ​ന്ന വി​മ​ർ​ശ​നം ഇ​ട​തു​പ​ക്ഷം ഉ‍യ​ർ​ത്തു​ന്നു. വ​രും​നാ​ളു​ക​ളി​ൽ അ​രി​യു​ടെ പേ​രി​ലു​ള്ള പോ​ര് കൂ​ടു​ത​ൽ രൂ​ക്ഷ​മാ​കാ​നാ​ണ് സാ​ധ്യ​ത.