ഇന്ന് ഭാരത്​ ബന്ദ്;​ കേ​ര​ള​ത്തെ ബാ​ധി​ക്കി​ല്ല

തി​രു​വ​ന​ന്ത​പു​രം: കേ​ന്ദ്ര ന​യ​ങ്ങ​ൾ​ക്കെ​തി​രെ സം​യു​ക്ത കി​സാ​ൻ മോ​ർ​ച്ച​യും വി​വി​ധ തൊ​ഴി​ലാ​ളി സം​ഘ​ട​ന​ക​ളും ആ​ഹ്വാ​നം ചെ​യ്‌​ത ഗ്രാ​മീ​ൺ ഭാ​ര​ത് ബ​ന്ദ് കേ​ര​ള​ത്തെ ബാ​ധി​ക്കി​ല്ല. കേ​ര​ള​ത്തി​ൽ പ്ര​ക​ട​നം മാ​ത്ര​മു​ണ്ടാ​കു​മെ​ന്ന് സം​ഘ​ട​ന​ക​ൾ അ​റി​യി​ച്ചു. രാ​വി​ലെ 10ന് ​രാ​ജ്ഭ​വ​ന് മു​ന്നി​ലും ജി​ല്ല കേ​ന്ദ്ര​ങ്ങ​ളി​ലും പ്ര​തി​ഷേ​ധ​മു​ണ്ടാ​കു​മെ​ന്ന് സം​സ്ഥാ​ന​ത്തെ സ​മ​ര​സ​മി​തി കോ​ഓ​ഡി​നേ​ഷ​ന്‍ ചെ​യ​ര്‍മാ​നും കേ​ര​ള ക​ര്‍ഷ​ക സം​ഘം സെ​ക്ര​ട്ട​റി​യു​മാ​യ എം. ​വി​ജ​യ​കു​മാ​ര്‍ അ​റി​യി​ച്ചു.

വ്യാ​പാ​രി സ​മൂ​ഹം ക​ർ​ഷ​ക​ർ​ക്കൊ​പ്പ​മാ​ണെ​ന്നും സ​മ​ര​ത്തി​ന്​ പി​ന്തു​ണ ന​ൽ​കു​ന്ന​താ​യും വ്യാ​പാ​രി വ്യ​വ​സാ​യി ഏ​കോ​പ​ന സ​മി​തി സം​സ്ഥാ​ന പ്ര​സി​ഡ​ന്‍റ്​ രാ​ജു അ​പ്സ​ര അ​റി​യി​ച്ചു. വ്യാ​പാ​ര-​വാ​ണി​ജ്യ സ്ഥാ​പ​ന​ങ്ങ​ൾ പ​തി​വു​പോ​ലെ പ്ര​വ​ർ​ത്തി​ക്കു​മെ​ന്നും അ​ദ്ദേ​ഹം പ​റ​ഞ്ഞു.

ഗ്രാ​മീ​ൺ ബ​ന്ദി​ന് ഐ​ക്യ​ദാ​ര്‍ഢ്യ​മ​റി​യി​ച്ച്​ വെ​ള്ളി​യാ​ഴ്ച ജി​ല്ല-​താ​ലൂ​ക്ക് കേ​ന്ദ്ര​ങ്ങ​ളി​ല്‍ ജീ​വ​ന​ക്കാ​ര്‍ പ്ര​ക​ട​ന​വും ധ​ര്‍ണ​യും ന​ട​ത്തു​മെ​ന്ന് അ​ധ്യാ​പ​ക-​സ​ര്‍വി​സ് സം​ഘ​ട​ന സ​മ​ര​സ​മി​തി ജ​ന​റ​ല്‍ ക​ണ്‍വീ​ന​ര്‍ ജ​യ​ച​ന്ദ്ര​ന്‍ ക​ല്ലിം​ഗ​ലും ആ​ക്ഷ​ന്‍ കൗ​ണ്‍സി​ല്‍ ഓ​ഫ് സ്റ്റേ​റ്റ് എം​പ്ലോ​യീ​സ് ആ​ൻ​ഡ്​ ടീ​ച്ചേ​ഴ്‌​സ് ജ​ന​റ​ല്‍ ക​ണ്‍വീ​ന​ര്‍ എം.​എ. അ​ജി​ത്കു​മാ​റും അ​റി​യി​ച്ചു.

വി​ള​ക​ൾ​ക്ക് മി​നി​മം താ​ങ്ങു​വി​ല ഉ​റ​പ്പാ​ക്കാ​ൻ നി​യ​മം ന​ട​പ്പാ​ക്ക​ൽ ഉ​ൾ​പ്പെ​ടെ 12 ആ​വ​ശ്യ​ങ്ങ​ളു​മാ​യി ക​ർ​ഷ​ക​രു​ടെ സ​മ​രം നാലാം ദിവസത്തിലേക്ക് കടക്കുമ്പോഴാണ് ഭാരത് ബന്ദ് പ്രഖ്യാപിച്ചിരിക്കുന്നത്. ഗ്രാ​മീ​ൺ ഭാ​ര​ത് ബ​ന്ദ് പ്രഖ്യാപിച്ച നാളെ കർഷകർ കൃഷിയിടങ്ങളിൽ ജോലിക്ക് പോകരുതെന്ന് ബി.കെ.യു നേതാവ് രാകേഷ് ടികായത് പറഞ്ഞു.