ശാന്തിവിള ദിനേശിനെതിരെ വീണ്ടും പരാതിയുമായി ഭാഗ്യലക്ഷ്മി

തിരുവനന്തപുരം: സംവിധായകന്‍ ശാന്തിവിള ദിനേശിനെതിരെ വീണ്ടും പരാതിയുമായി ഭാഗ്യലക്ഷ്മി രംഗത്ത്. തന്നെക്കുറിച്ച് അപവാദ പരാമര്‍ശമുള്ള വീഡിയോ യുട്യൂബില്‍ നല്‍കിയെന്നാണ് ഭാഗ്യലക്ഷ്മിയുടെ പരാതി.

മുഖ്യമന്ത്രിക്കും ഡി.ജി.പിക്കുമാണ് പരാതി നല്‍കിയത്. പരാതിയില്‍ സൈബര്‍ ക്രൈം പൊലീസ് കേസെടുത്തു. ഭാഗ്യലക്ഷ്മിയുടെ മൊഴിയെടുക്കുകയും ശാന്തിവിള ദിനേശിനെ വിളിച്ചുവരുത്തി താക്കീത് നല്‍കുകയും ചെയ്തു.

കഴിഞ്ഞ ദിവസമാണ് അശ്ലീല യുട്യൂബര്‍ വിജയ് പി. നായരെ കൈയേറ്റം ചെയ്ത കേസില്‍ ഭാഗ്യലക്ഷ്മിക്ക് കോടതി മുന്‍കൂര്‍ ജാമ്യം അനുവദിച്ചത്.