Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightബോട്ട് തകര്‍ന്ന്...

ബോട്ട് തകര്‍ന്ന് കാണാതായ രണ്ടു പേരുടെ മൃതദേഹങ്ങള്‍ കണ്ടെത്തി; ഒരാളുടെ മൃതദേഹം തീര​െത്തത്തിച്ചു

text_fields
bookmark_border
Boat-Crash
cancel

ബേപ്പൂർ: കപ്പലിടിച്ച്​​ തകര്‍ന്ന മത്സ്യബന്ധന ബോട്ടിൽനിന്ന്​ കാണാതായ നാലു പേരിൽ രണ്ടു​ േപരുടെ മൃതദേഹം കണ്ടെത്തി. ബേപ്പൂർ തീരത്തുനിന്ന്​ 50 നോട്ടിക്കൽ മൈൽ അകലെ കടലിൽ ബോട്ടിനുള്ളിലെ എൻജിനില്‍ കുരുങ്ങിയ നിലയിലായിരുന്നു മൃതദേഹങ്ങൾ. വ്യാഴാഴ്​ച ഉച്ചക്ക് കോസ്​റ്റ്​ ഗാര്‍ഡി​​​െൻറ ഹെലികോപ്​ടറാണ് അപകടത്തിൽപെട്ട ബോട്ട്​ കണ്ടെത്തിയത്.

തുടര്‍ന്ന് സമീപത്ത് മത്സ്യബന്ധനം നടത്തിയ ഗോവിന്ദ് എന്ന ബോട്ടി​​​െൻറ സഹായത്തോടെ രക്ഷാപ്രവര്‍ത്തനം നടത്തുകയായിരുന്നു. ക​െണ്ടത്തിയ മൃതദേഹങ്ങളിൽ ഒന്നു മാത്രമാണ്​ പുറത്തെടുക്കാനായത്​. ഏറെനേരത്തെ ശ്രമങ്ങൾക്കു ശേഷമാണ് മൃതദേഹം കടലിൽ​െവച്ച്​ പുറത്തെടുത്തത്. ഇതുമായി​ ആൻമേരി എന്ന മത്സ്യബന്ധന ബോട്ട്​​ ബേപ്പൂർ തുറമുഖത്തേക്ക് പുറപ്പെട്ടിട്ടുണ്ട്​. മൃതദേഹം ആരുടേതാണെന്ന് ബോട്ട് ബേപ്പൂരിൽ എത്തിയശേഷമേ വ്യക്​തമാവൂ.

എൻജിനിൽ കുരുങ്ങിക്കിടക്കുന്ന രണ്ടാമത്തെ മൃതദേഹവും മത്സ്യത്തൊഴിലാളികളുടെ സഹായത്തോടെ പുറത്തെടുക്കാനുള്ള ശ്രമത്തിലാണ് കോസ്​റ്റ്​ ഗാര്‍ഡ്. കൊച്ചിയില്‍നിന്ന് നാവികസേനയും തിരച്ചിലിന് എത്തിയിട്ടുണ്ട്​. ആറു പേരുണ്ടായിരുന്ന ബോട്ടില്‍നിന്ന് രണ്ടു പേര്‍ രക്ഷപ്പെട്ടിരുന്നു. തമിഴ്നാട് സ്വദേശികളായ കാര്‍ത്തിക് (27), സേവ്യര്‍ (58) എന്നിവരെയാണ് കഴിഞ്ഞദിവസം രക്ഷപ്പെടുത്തിയത്. മലയാളികളായ തിരുവനന്തപുരം സ്വദേശികൾ പ്രിന്‍സ്, ജോണ്‍സ് എന്നിവരും ബോട്ടുടമ ആ​േൻറാ, റമ്യാസ്​ എന്നിവരുമാണ്​ കടലിലകപ്പെട്ടത്​. 

രക്ഷപ്പെട്ട രണ്ടു തൊഴിലാളികളും കോഴിക്കോട് മെഡിക്കല്‍ കോളജ്​ ആശുപത്രിയില്‍ ചികിത്സക്കുശേഷം ഇപ്പോൾ ബേപ്പൂരിൽ തങ്ങുകയാണ്. ബുധനാഴ്ച രാത്രി 8.30ഒാടെയായിരുന്നു അപകടം. തമിഴ്നാട്ടില്‍നിന്നുളള ഇമ്മാനുവല്‍ എന്ന ഫൈബർ ബോട്ടാണ് കപ്പല്‍ ഇടിച്ച് തകർന്നത്​. ബോട്ടിലിടിച്ചത് ചരക്കുകപ്പലാണെന്നാണ് കോസ്​റ്റ്​ ഗാര്‍ഡി​​​െൻറ പ്രാഥമിക നിഗമനം.
 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:fishing boatkerala newsbeyporemalayalam newsShip HitPerson Missing
News Summary - Beypore Boat Crash: 2 Dead body Found - Kerala News
Next Story