You are here

ഒരുസമയം അഞ്ച്​ പേർ മാത്രം; ഒരിക്കൽ വാങ്ങിയാൽ പിന്നെ നാല്​ ദിവസം കഴിഞ്ഞ്​ -ബെവ്​കോ മാർഗനിർദേശങ്ങൾ പുറത്തിറക്കി

18:45 PM
23/05/2020

തിരുവനന്തപുരം: ഒാൺലൈൻ ആപ്പുമായി ബന്​ധപ്പെട്ട അനിശ്​ചിതത്വം നിലനിൽക്കെ സംസ്​ഥാനത്തെ മദ്യവിൽപന സംബന്ധിച്ച് ബിവറേജസ് കോർപറേഷൻ വിശദ മാർഗരേഖ പുറത്തിറക്കി. കോവിഡ്​ മാ‍​‍ർ​ഗനി‍ർദേശം പാലിച്ച് പൂ‍ർണമായും സാമൂഹിക അകലം പാലിച്ചാകും മദ്യവിൽപന. ഹോട്​ സ്പോട്ടിൽ മദ്യവിൽപന ഉണ്ടാകില്ല. രാവിലെ ഒമ്പത് മുതൽ വൈകീട്ട് അഞ്ച് മണി വരെയാവും വിൽപന.  

ഒരു അറിയിപ്പുണ്ടാകുന്നത്​ വരെ സംസ്ഥാനത്ത് മദ്യവിൽപന പൂർണമായും ഓൺലൈൻ വഴിയായിരിക്കുമെന്ന് മാർ​ഗനി‍ർദേശത്തിൽ വ്യക്​തമാക്കുന്നു. വി‍ർച്വൽ ക്യൂ സംവിധാനത്തിലൂടെ ടോക്കൺ എടുത്ത്​ വേണം മദ്യം വാങ്ങാൻ വിൽപനശാലയിലെത്തേണ്ടത്​. അ‍ഞ്ച് പേരെ മാത്രമേ ഒരുസമയം മദ്യശാലയിൽ പ്രവേശിക്കാൻ അനുവദിക്കൂ.

ഒരു തവണ മദ്യം വാങ്ങിയാൽ പിന്നെ നാല് ദിവസം കഴിഞ്ഞാൽ മാത്രമേ ടോക്കൺ എടുക്കാൻ​ ഒരു വ്യക്​തിക്ക്​ അനുമതി ലഭിക്കൂ. മദ്യവിൽപനക്കുള്ള ആപ്​ നി‍ർമാണത്തിൽ പ്രതിപക്ഷ നേതാവ് രമേശ് ചെന്നിത്തല ഉന്നയിച്ച ആരോപണം അടിസ്​ഥാന രഹിതമാണെന്നും ബെവ്കോ അധികൃതർ വ്യക്​തമാക്കുന്നു. മൊബൈൽ ആപ്​ നി‍ർമിച്ച കമ്പനിക്ക് എസ്.എം.എസിൽ നിന്നും വരുമാനം കിട്ടില്ലെന്നാണ്​ ബെവ്കോയുടെ വിശദീകരണം.


 

Loading...
COMMENTS