Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightമുഖ്യമന്ത്രിയുടെയും...

മുഖ്യമന്ത്രിയുടെയും മന്ത്രി മൊയ്​തീ​െൻറയും കുടുംബാംഗങ്ങളുടെ സ്വത്ത്​ വർധന അന്വേഷിക്കണം -ബെന്നി ബഹനാൻ

text_fields
bookmark_border
മുഖ്യമന്ത്രിയുടെയും മന്ത്രി മൊയ്​തീ​െൻറയും കുടുംബാംഗങ്ങളുടെ സ്വത്ത്​ വർധന അന്വേഷിക്കണം -ബെന്നി ബഹനാൻ
cancel

തൃശൂർ: മുഖ്യമന്ത്രി, മന്ത്രി എ.സി. മൊയ്​തീൻ, മുൻ പ്രിൻസിപ്പൽ സെക്രട്ടറി ശിവശങ്കർ എന്നിവരുടെ കുടുംബങ്ങളുടെ സ്വത്തിൽ അടുത്ത കാലത്തുണ്ടായ വർധന അന്വേഷിക്കണമെന്ന്​ യു.ഡി.എഫ്​ കൺവീനർ ബെന്നി ബഹനാൻ എം.പി വാർത്തസമ്മേളനത്തിൽ ആവശ്യപ്പെട്ടു. വടക്കാ​ഞ്ചേരി ലൈഫ്​ മിഷൻ ഫ്ലാറ്റ്​ നിർമാണത്തിന്​ റെഡ്​ ക്രസൻറ്​ നൽകിയ 20 കോടി രൂപയിൽനിന്ന്​ എട്ട്​ കോടി രൂപയോളം ചിലർ അടിച്ചു മാറ്റിയിട്ടുണ്ടെന്നും ഇത്​ എവിടേക്ക്​ പോയെന്ന്​ അറിയേണ്ടതുണ്ടെന്നും അദ്ദേഹം പറഞ്ഞു.

എസ്​.എൻ.എസി ​ലാവ്​ലിൻ കേസിൽ പിണറായി വിജയൻ വിചാരണ നേരിടേണ്ടതുണ്ടോ എന്ന്​ രണ്ടര മിനിറ്റു കൊണ്ട്​ തീർപ്പാക്കാവുന്ന വിഷയം സുപ്രീംകോടതിയിൽ രണ്ടര വർഷമായി കെട്ടിക്കിടപ്പാണ്​. ലാവ്​ലിൻ, ലൈഫ്​ മിഷൻ ഫ്ലാറ്റ്​ ഇടപാടുകൾക്ക്​ സമാനതയുണ്ട്​. ലാവ്​ലിൻ കേസി​െൻറ അനുഭവം ഇതിന്​ വരാതിരിക്കാൻ ഹൈകോടതി നിരീക്ഷണത്തിൽ സി.ബി.ഐ അന്വേഷിക്കണം.

ഇൗ വിഷയം ഉന്നയിച്ച്​ യു.ഡി.എഫ്​ ശക്തമായ പ്രക്ഷോഭത്തിലേക്ക്​ നീങ്ങുകയാണെന്നും ബെന്നി ബഹനാൻ പറഞ്ഞു. പ്രക്ഷോഭം തൃശൂർ ജില്ല കോൺഗ്രസ്​ കമ്മിറ്റി ഏറ്റെടുക്കും. ഈമാസം 27ന്​ കെ.പി.സി.സി പ്രസിഡൻറ്​, പ്രതിപക്ഷ നേതാവ്​, മുൻ മുഖ്യമന്ത്രി ഉമ്മൻചാണ്ടി എന്നിവരു​ടെ സാന്നിധ്യത്തിൽ വടക്കാഞ്ചേരിയിൽ കോൺഗ്രസ്​ നേതാക്കളും ജനപ്രതിനിധികളും സത്യഗ്രഹം നടത്തും. അന്ന്​ ജില്ലയിലെ 110 മണ്ഡലം കമ്മിറ്റികളും അനുഭാവ സത്യഗ്രഹം നടത്തും. 24ന്​ വാർഡ്​ അടിസ്ഥാനത്തിൽ യു.ഡി.എഫും സമരം നടത്തും. മുഖ്യമന്ത്രിയെ രാജിവെപ്പിച്ച്​ ഈ സർക്കാരിനെ താഴെയിറക്കുകതന്നെ ​ചെയ്യുമെന്ന്​ ബെന്നി ബഹനാൻ പറഞ്ഞു. ടി.എൻ. പ്രതാപൻ എം.പി, അനിൽ അക്കര എം.എൽ.എ, പത്മജ വേണുഗോപാൽ, ഒ. അബ്​ദുറഹ്​മാൻ കുട്ടി, ജോസഫ്​ ചാലിശ്ശേരി എന്നിവർ പ​ങ്കെടുത്തു.

Show Full Article
TAGS:Benny behnan CM minister moideen pinarayi vijayan life mission flat 
Next Story