പി​ടി​കൊ​ടു​ക്കാ​തെ ബേ​ലൂ​ർ മ​ഖ്ന

മാ​ന​ന്ത​വാ​ടി: ആ​ളെ​ക്കൊ​ല്ലി​യാ​യ ബേ​ലൂ​ർ മ​ഖ്ന എ​ന്ന കാ​ട്ടാ​ന മ​യ​ക്കു​വെ​ടി​ക്ക് നി​ന്നുകൊ​ടു​ക്കാ​തെ ദൗ​ത്യ​സം​ഘ​ത്തെ വ​ട്ടംക​റ​ക്കു​ന്നു. ഞാ​യ​റാ​ഴ്ച രാ​വി​ലെ ഏ​ഴ​ര​യോ​ടെ ജ​ന​വാ​സ കേ​ന്ദ്ര​മാ​യ കാ​ട്ടി​ക്കു​ളം ചേ​ലൂ​ർ മ​ണ്ണു​ണ്ടി കോ​ള​നി​ക്ക് സ​മീ​പ​ത്തെ തോ​ൽ​പ്പെ​ട്ടി വ​ന്യ​ജീ​വി സ​ങ്കേ​ത​ത്തി​ൽ നി​ല​യു​റ​പ്പി​ച്ച​താ​യി സ്ഥി​രീ​ക​രി​ച്ച​തോ​ടെ ഉ​ത്ത​ര​മേ​ഖ​ല സി.​സി.​എ​ഫ് കെ.​എ​സ്. ദീ​പ, വൈ​ൽ​ഡ് ലൈ​ഫ് സി.​സി.​എ​ഫ് ഷ​ബാ​ബ് മു​ഹ​മ്മ​ദ്, സൗ​ത്ത് വ​യ​നാ​ട് ഡി.​എ​ഫ്.​ഒ. എ. ​ഷ​ജ്ന​ക​രീം, വ​യ​നാ​ട് വൈ​ൽ​ഡ് ലൈ​ഫ് വാ​ർ​ഡ​ൻ പി.​ദി​നീ​ഷ്, വെ​റ്റ​റിന​റി ഡോ. ​അ​ജേ​ഷ് മാ​ധ​വ​ൻ എ​ന്നി​വ​രു​ടെ നേ​തൃ​ത്വ​ത്തി​ൽ മ​യ​ക്കു​വെ​ടി വെ​ക്കാ​നു​ള്ള ശ്ര​മം തു​ട​ങ്ങി. മു​ത്ത​ങ്ങ​യി​ൽ നി​ന്ന് എ​ത്തി​ച്ച നാ​ല് കു​ങ്കി​യാ​ന​ക​ളെ​യും ഉ​പ​യോ​ഗി​ച്ച് വെ​ടി​വെ​ക്കാ​ൻ സൗ​ക​ര്യ​പ്ര​ദ​മാ​യ സ്ഥ​ല​ത്തേ​ക്ക് എ​ത്തി​ക്കാ​ൻ ശ്ര​മം തു​ട​ങ്ങി.

കു​ങ്കി​യാ​ന​ക​ളെ ക​ണ്ട​തോ​ടെ ആ​ന ആ​ക്ര​മ​ണ സ്വ​ഭാ​വം പു​റ​ത്തെ​ടു​ത്ത് വ​ന​പാ​ല​ക​ർ​ക്ക് നേ​രേ തി​രി​ഞ്ഞു. ആ​രോ​ഗ്യ​വാ​നാ​യ ആ​ന അ​തി​വേ​ഗം ഒ​രി​ട​ത്ത് നി​ന്ന് മ​റ്റൊ​രി​ട​ത്തേ​ക്ക് നീ​ങ്ങാ​ൻ തു​ട​ങ്ങി. ഇ​തോ​ടെ ദൗ​ത്യ​സം​ഘം നെ​ട്ടോ​ട്ട​മാ​യി. വൈ​കീ​ട്ട് നാ​ല​ര​യ്ക്ക് ശേ​ഷം ആ​ന​യു​ടെ സി​ഗ്ന​ന​ൽ ല​ഭി​ക്കാ​താ​യ​തോ​ടെ തി​ര​ച്ചി​ൽ താ​ൽ​ക്കാ​ലി​ക​മാ​യി നി​ർ​ത്തു​ക​യും രാ​ത്രി​യി​ൽ നി​രീ​ക്ഷ​ണ​ത്തി​നാ​യി വ​ന​പാ​ല​ക​രെ നി​യോ​ഗി​ക്കു​ക​യും ചെ​യ്തു. ദൗ​ത്യം തി​ങ്ക​ളാ​ഴ്ച രാ​വി​ലെ പു​ന​രാ​രം​ഭി​ക്കും.

ആ​ന വ​ള​രെ വേ​ഗ​ത്തി​ല്‍ സ​ഞ്ച​രി​ക്കു​ന്ന​തി​നാ​ലും അ​ട​ഞ്ഞ അ​ടി​ക്കാ​ടു​ള്ള​തി​നാ​ലും മ​യ​ക്കു​വെ​ടി വെ​ക്കു​ന്ന​ത് ദു​ഷ്‍ക​ര​ദൗ​ത്യ​മാ​ണ്. പ്ര​വ​ര്‍ത്ത​ന പു​രോ​ഗ​തി​യെ ഇ​ത് ബാ​ധി​ക്കു​ന്നു​ണ്ട്. തി​ങ്ക​ളാ​ഴ്ച​ത്തെ തി​ര​ച്ചി​ലി​ൽ മ​ണ്ണ​ാര്‍ക്കാ​ട്, നി​ല​മ്പൂ​ര്‍ മേ​ഖ​ല​ക​ളി​ല്‍ നി​ന്നും കൂ​ടു​ത​ല്‍ വ​നം വ​കു​പ്പ് ഉ​ദ്യോ​ഗ​സ്ഥ​രെ എ​ത്തി​ക്കും. ആ​വ​ശ്യ​മാ​യ ആ​യു​ധ​ങ്ങ​ളും ഉ​പ​ക​ര​ണ​ങ്ങ​ളും ല​ഭ്യ​മാ​ക്കു​ന്ന​തി​നു​ള്ള ന​ട​പ​ടി​ക​ളും സ്വീ​ക​രി​ച്ചി​ട്ടു​ണ്ടെ​ന്നും വ​നം​വ​കു​​പ്പ് അ​റി​യി​ച്ചു.