Begin typing your search above and press return to search.
exit_to_app
exit_to_app
Beef to goonda Act: Lakshadweep Administrator has UT in turmoil
cancel
Homechevron_rightNewschevron_rightKeralachevron_rightലക്ഷദ്വീപില്‍ കൂറ്റന്‍ ...

ലക്ഷദ്വീപില്‍ കൂറ്റന്‍ ജയില്‍ നിര്‍മിക്കാനൊരുങ്ങി അഡ്​മിനിസ്​ട്രേറ്റർ; സ്ഥലമുടമകള്‍ വിവരമറിയുന്നത് ടെണ്ടര്‍ വിളിച്ച ശേഷം

text_fields
bookmark_border

കവരത്തി: ലക്ഷദ്വീപില്‍ കൂറ്റന്‍ ജയിൽ വരുന്നു. കവരത്തിയില്‍ ജില്ലാ ജയില്‍ നിര്‍മിക്കാനാണ് ഭരണകൂടത്തിന്‍റെ നീക്കം. ജയില്‍ നിര്‍മാണത്തിനായി 26 കോടി രൂപയുടെ ടെണ്ടര്‍ ക്ഷണിച്ചിട്ടുണ്ട്. കവരത്തി ദ്വീപിന്റെ തെക്കുഭാഗത്തായാണ് പുതിയ ജയില്‍ നിര്‍മിക്കുക. അഡ്​മിനിസ്‌ട്രേറ്റര്‍ പ്രഫുല്‍ പട്ടേലിന്റെ പരിഷ്‌കരണ നടപടികളുടെ തുടര്‍ച്ചയായാണ് ടെണ്ടര്‍ വിളിച്ചത്. നവംബര്‍ എട്ടാം തിയതിയാണ് ടെണ്ടര്‍ സമര്‍പ്പിക്കേണ്ട അവസാന തിയതി.ജയില്‍ നിര്‍മിക്കാനായി തെരഞ്ഞെടുത്തിട്ടുള്ള സ്ഥലത്തിന്റെ ഉടമകള്‍ പോലും ഇ- ടെണ്ടര്‍ വാര്‍ത്ത പുറത്തുവരുമ്പോള്‍ മാത്രമാണ് സംഭവം അറിയുന്നത്.


നിലവിൽ കവരത്തിയിലും ആന്ത്രോത്തിലും ചെറിയ ജയിലുകളുണ്ട്. മറ്റ് ദ്വീപുകളിലെ പൊലീസ് സ്റ്റേഷനുകളോട് ചേര്‍ന്നും ചെറിയ തടവറകളുണ്ട്. ഇവിടെ പോലും കുറ്റവാളികളില്ലാത്ത സ്​ഥിതി നിലനില്‍ക്കുമ്പോഴാണ് പുതിയ നടപടിയുമായി ദ്വീപ് ഭരണകൂടം മുന്നോട്ടുപോകുന്നത്.

കഴിഞ്ഞദിവസം ദ്വീപിന്​ കേരള ജനത നൽകുന്ന പിന്തുണക്ക്​ നന്ദി അറിയിക്കാൻ സംവിധായികയും ലക്ഷദ്വീപ്​ സമരങ്ങളുടെ മുൻനിര പോരാളിയുമായ ഐഷ സുൽത്താന മുഖ്യമന്ത്രി പിണറായി വിജയനെ സന്ദർശിച്ചിരുന്നു. ലക്ഷദ്വീപ് ജനതയുടെ പോരാട്ടങ്ങൾക്ക്​ കേരളം ഒപ്പമുണ്ടെന്ന്​ മുഖ്യമന്ത്രി ഉറപ്പു​നൽകി


ലക്ഷദ്വീപ്​ ജനതയുടെ അതിജീവന പോരാട്ടങ്ങൾക്ക്​ നൽകിവരുന്ന പിന്തുണ ഇനിയും തുടരുമെന്ന്​ മുഖ്യമന്ത്രി വാക്കുനൽകിയെന്ന്​ ഐഷ സുൽത്താന 'മാധ്യമം ഓൺലൈനി​'നോട്​ പറഞ്ഞിരുന്നു. സമരത്തിന്‍റെ ഇതുവരെയുള്ള പുരോഗതിയും നിലവിലെ അവസ്​ഥയും ഐഷയുടെ പോരാട്ട വിശേഷങ്ങളും മുഖ്യമന്ത്രി ചോദിച്ചറിഞ്ഞു.

'ലക്ഷദ്വീപിന്​ ആദ്യം പിന്തുണ അറിയിച്ചത്​ കേരള നിയമസഭയാണ്​. കേരള ജനതയും പോരാട്ടത്തിൽ ഞങ്ങൾക്കൊപ്പം നിന്നു. ഈ ഐക്യദാർഢ്യത്തിന്​ നന്ദി അറിയിക്കാനാണ്​ ഞാൻ മുഖ്യമന്ത്രിയെ സന്ദർശിച്ചത്​. ഇതിനുമുമ്പ്​ ഒന്നുരണ്ടു തവണ അദ്ദേഹത്തെ കാണാൻ ശ്രമിച്ചെങ്കിലും നടന്നില്ല. ദ്വീപിലെ മുഴുവൻ ജനങ്ങൾക്കുവേണ്ടി മുഖ്യമന്ത്രിയോട്​ നേരിട്ട്​ നന്ദി പറയാൻ കഴിഞ്ഞതിൽ അതിയായ സ​േന്താഷമുണ്ട്​. സമരത്തിന്‍റെ കാര്യങ്ങൾ വിശദമായി അദ്ദേഹവുമായി സംസാരിച്ചു. എന്‍റെ കേസ്​ സംബന്ധിച്ച കാര്യങ്ങളും അദ്ദേഹം ചോദിച്ചറിഞ്ഞു. എനിക്കെതിരായ എഫ്.ഐ.ആർ റദ്ദു ചെയ്യണമെന്നാവശ്യപ്പെട്ടുള്ള ഹരജി ഹൈകോടതിയുടെ പരിഗണനയിലാണ്. നിലവിൽ അന്വേഷണ ഏജൻസിയിൽ നിന്നു ബുദ്ധിമുട്ടിക്കുന്ന നടപടികളൊന്നും ഉണ്ടാകുന്നില്ല'- ഐഷ സുൽത്താന പറഞ്ഞു.

പ്രഫുല്‍ പട്ടേല്‍ ഏകാധിപത്യഭരണം നടത്താനാണ് ശ്രമിക്കുന്നതെന്ന് ചുമതലയേറ്റത് മുതല്‍ വ്യാപക വിമര്‍ശനമുയര്‍ന്നിരുന്നു. ലക്ഷദ്വീപിലെ മുന്‍ അഡ്​മിനിസ്‌ട്രേറ്ററായിരുന്ന ദിനേശ്വര്‍ ശര്‍മ്മ ശ്വാസകോശ രോഗത്തെ തുടര്‍ന്ന് മരണപ്പെട്ടതോടെയാണ് ഡിസംബറില്‍ പ്രഫുല്‍ പട്ടേലിനെ പ്രധാനമന്ത്രി നരേന്ദ്രമോദി ലക്ഷദ്വീപിന്റെ അഡ്​മിനിസ്‌ട്രേറ്റര്‍ ചുമതല ഏല്‍പ്പിക്കുന്നത്.

പദവി ഏറ്റെടുത്ത ശേഷമുള്ള അഡ്​മിനിസ്‌ട്രേറ്ററുടെ ആദ്യ നിയമപരിഷ്‌കാരം ഗുണ്ടാ ആക്​ട്​ നടപ്പിലാക്കിയതായിരുന്നു. കുറ്റകൃത്യങ്ങളൊന്നും റിപ്പോര്‍ട്ട് ചെയ്യാറില്ലാത്ത ദ്വീപില്‍ ഗുണ്ടാ ആക്​ട്​ പാസാക്കിയ നടപടി ജനാധിപത്യവിരുദ്ധമാണെന്നാണ് ദ്വീപ് നിവാസികള്‍ പറയുന്നത്.

നിലവിൽ ലക്ഷദ്വീപിൽ ലഗൂൺ വില്ല കെട്ടിപ്പൊക്കാനും​ ഭരണകൂടം ശ്രമിക്കുന്നുണ്ട്​. ലക്ഷദ്വീപിൽ നോർവെ മാതൃകയിലുള്ള വികസനമാണ്​ ആവശ്യമെന്നാണ്​ തദ്ദേശീയർ ആവശ്യപ്പെടുന്നത്​. നോർവെ സർക്കാർ അവിടുത്തെ മത്സ്യബന്ധന തൊഴിലാളികൾക്ക്​ വേ​​​ണ്ടെതെല്ലാം ചെയ്​തുകൊടുക്കുന്നു. അതുകാരണം മത്സ്യബന്ധനത്തിൽ ലോകത്ത്​ മുൻപന്തിയിലാണ്​ ആ രാജ്യം. അതുപോലെ ​നമുക്കും കഴിയും. എന്നാൽ, ലക്ഷദ്വീപിനെ അവിടു​ത്തെ ഭരണകുടം കോർപറേറ്റുകൾക്ക്​​ തീറെഴുതികൊടുക്കുകയാണെന്ന്​ ആരോപണമുണ്ട്​​​. 3000 ആളുകളുടെ തൊഴിലാണ്​ പുതിയ അഡ്​മിനിസ്​ട്രേറ്റർ ഇല്ലാതാക്കിയത്​.

Show Full Article
TAGS:Lakshadweep Administrator jail 
News Summary - Beef to goonda Act and jail: Lakshadweep Administrator has UT in turmoil
Next Story