ബ്യൂട്ടിപാർലർ വെടിവെപ്പ്​: മൂന്ന്​ പ്രതികളുടെ ജാമ്യാപേക്ഷ തള്ളി

കൊച്ചി: ബ്യൂട്ടിപാർലർ വെടിവെപ്പ്​ കേസിൽ അറസ്​റ്റിലായ മൂന്ന്​ പ്രതികളുടെ ജാമ്യാപേക്ഷ കോടതി തള്ളി. കേസിലെ പ ്രതികളായ ആലുവ എൻ.എ.ഡി കോമ്പാറ വെളുക്കോടൻ വീട്ടിൽ ബിലാൽ (25), തേവര വാട്ടർ ടാങ്ക്​ റോഡ്​ വലിയതറ വീട്ടിൽ വിപിൻ വർഗീസ്​ (30), കലൂർ പോണേക്കര സ്വദേശി അൽത്താഫ്​ എന്നിവരുടെ ജാമ്യാപേക്ഷയാണ്​ എറണാകുളം അഡീഷനൽ ചീഫ്​ ജുഡീഷ്യൽ മജിസ്​ട്രേറ്റ്​ (സാമ്പത്തികം) കോടതി തള്ളിയത്​. കേസന്വേഷണം പുരോഗമിക്കുകയാണെന്നും ഈ ഘട്ടത്തിൽ ജാമ്യത്തിൽ വിടുന്നത്​ തുടരന്വേഷണത്തെ ബാധിക്കുമെന്നുമുള്ള പ്രോസിക്യൂഷൻ വാദം അംഗീകരിച്ചാണ്​ കോടതി നടപടി​.

2018 ഡിസംബർ 15നാണ്​ ബൈക്കിലെത്തിയ രണ്ടുപേർ എയർപിസ്​റ്റൾ ഉപയോഗിച്ച്​ നടി ലീന മരിയ പോളി​​െൻറ കടവന്ത്രയിലെ നൈൽ ആ​ർട്ടിസ്​ട്രി എന്ന ബ്യൂട്ടിപാർലറിന്​ നേരെ വെടിയുതിർത്തത്. വെടിവെപ്പിന് ഒരുമാസം മുമ്പ്​ നടി ലീനയെ ഫോണിൽ വിളിച്ച്​ കേസിലെ മൂന്നാം പ്രതി രവി പൂജാരി 25 കോടി രൂപ ആവശ്യപ്പെട്ടിരുന്നു. 2018 നവംബർ നാലുമുതൽ ഡിസംബർ 17 വരെ സെനഗൽ, ​ഫ്രാൻസ്​, മലേഷ്യൻ നമ്പറുകളിൽനിന്ന്​ വിളിച്ചായിരുന്നു ഭീഷണിപ്പെടുത്തൽ.

പണം നൽകാതായപ്പോൾ കൂടുതൽ ഭീതി ഉണ്ടാക്കുന്നതിന്​ ഒന്നും രണ്ടും പ്രതികളെ ഉപയോഗിച്ച്​ ആക്രമണം നടത്തുകയായിരു​െന്നന്നാണ്​ ക്രൈംബ്രാഞ്ചി​​െൻറ കണ്ടെത്തൽ. സംഭവത്തിൽ രവി പൂജാരിയെ മാത്രം പ്രതിയാക്കി പൊലീസ്​ നേരത്തേ പ്രാഥമിക കുറ്റപത്രം നൽകിയിരുന്നു. ഇപ്പോൾ അറസ്​റ്റിലായ പ്രതികൾക്കെതിരെ അന്വേഷണം പൂർത്തിയാകുന്ന മുറക്ക്​ അന്തിമ കുറ്റപത്രം നൽകും.