ബ്യൂട്ടിപാർലർ വെടിവെപ്പ്​ കേസ്​: അന്വേഷണ ഉദ്യോഗസ്ഥനെ സ്ഥലംമാറ്റി

കൊച്ചി: നഗരത്തിലെ ബ്യൂട്ടിപാർലർ വെടിവെപ്പ്​ കേസിലെ അന്വേഷണ ഉദ്യോഗസ്ഥനെ സ്ഥലംമാറ്റി. തൃക്കാക്കര അസിസ്​റ്റൻറ്​ കമീഷണർ പി.പി.ഷംസിനെയാണ്​ സ്ഥലംമാറ്റിയത്​. രവി പൂജാരയെ കേസിൽ പ്രതിചേർത്തത്​ പി.പി ഷംസായിരുന്നു. രവി പൂജാരി വിദേശത്ത്​ അറസ്​റ്റിലായിരുന്നു. ഇയാളെ ചോദ്യം ​െചയ്യാൻ കേരള പൊലീസ്​ നീക്കം തുടങ്ങിയിരുന്നു.

നടി ലീന മരിയ പോളി​​​െൻറ ബ്യൂട്ടി പാർലർ വെടിവെപ്പുമായി ബന്ധപ്പെട്ട്​ കേസിൽ രവി പൂജാരി ആരോപണ വിധേയനാണ്​. ലീന മരിയ പോളിനെ രവി പൂജാരി ഭീഷണിപ്പെടുത്തിയതായി കണ്ടെത്തിയിരുന്നു. ബ്യൂട്ടിപാർലറി​​​െൻറ സമീപത്ത്​ നിന്നും രവിപൂജാരിയുടെ പേരിലുള്ള ഭീഷണികത്തുകളും കണ്ടെത്തിയിരുന്നു.