എന്‍.ഡി.എയില്‍ 40 ശതമാനം സീറ്റില്‍ മത്സരിക്കും -തുഷാര്‍ വെള്ളാപ്പള്ളി

ചേര്‍ത്തല: തദ്ദേശ സ്ഥാപന തെരഞ്ഞെടുപ്പില്‍ എന്‍.ഡി.എയില്‍ 40 ശതമാനം സീറ്റില്‍ അവകാശവാദമുയര്‍ത്തി ബി.ഡി.ജെ.എസ്. ചേര്‍ത്തലയില്‍ നടന്ന സംസ്ഥാന കൗണ്‍സില്‍ യോഗത്തിലാണ് തീരുമാനം. നിയമസഭ ​െതരഞ്ഞെടുപ്പില്‍ 35 ശതമാനം സീറ്റില്‍ മത്സരിച്ച പാര്‍ട്ടിക്ക് 40 ശതമാനം സീറ്റ് അര്‍ഹതപ്പെട്ടതാണെന്ന് സംസ്ഥാന പ്രസിഡൻറ്​ തുഷാര്‍ വെള്ളാപ്പള്ളി മാധ്യമപ്രവര്‍ത്തകരോട്​ പറഞ്ഞു.

28ലെ എന്‍.ഡി.എ യോഗത്തില്‍ വിഷയം അവതരിപ്പിക്കും. ജൂലൈ 30നുമുമ്പ് സ്ഥാനാര്‍ഥികളെ നിശ്ചയിക്കും.

സുഭാഷ് വാസുവിനെ സ്‌പൈസസ്​ ബോര്‍ഡ് ചെയര്‍മാന്‍ സ്ഥാനത്തുനിന്ന്​ മാറ്റുന്ന കാര്യത്തില്‍ വൈകാതെ തീരുമാനമുണ്ടാകും. ഇതിന്​ കേന്ദ്രമന്ത്രി അമിത്ഷാ അടക്കമുള്ളവർക്ക്​ കത്ത്​ നല്‍കിയിട്ടുണ്ടെന്നും അദ്ദേഹം പറഞ്ഞു.