വയനാട് സീറ്റ് വെച്ചുമാറാം; തൃശൂർ ഒഴിച്ചിട്ട്​ ബി.ഡി.ജെ.എസ്​ ​സ്ഥാനാർഥികളെ പ്രഖ്യാപിച്ചു

കൊച്ചി: വയനാട്​, തൃശൂർ സീറ്റുകൾ ഒഴിച്ചിട്ട്​ ബി.ഡി.ജെ.എസ്​ സ്ഥാനാർഥികളെ പാർട്ടി അധ്യക്ഷൻ തുഷാർ വെള്ളാപ്പള്ളി പ്രഖ്യാപിച്ചു. ആലത്തൂരിൽ ടി.വി ബാബു, ഇടുക്കിയിൽ ബിജു കൃഷ്​ണൻ, മാവേലിക്കരയിൽ തഴവ സഹദേവൻ എന്നിവരാണ്​ മത്സരിക്കു ക. വയനാട്​, തൃശൂർ സീറ്റുകളിലെ സ്ഥാനാർഥികളെ രണ്ടുദിവസത്തിനകം സംസ്ഥാന കൗൺസിൽ ചേർന്ന്​ തീരുമാനിക്കുമെന്ന്​ തുഷാർ വെള്ളാപ്പള്ളി വാർത്താസമ്മേളനത്തിൽ അറിയിച്ചു.

വയനാട്​ സീറ്റിൽ കോൺഗ്രസ്​ സ്ഥാനാർഥിയായി രാഹുൽ ഗാന്ധി വരികയാണെങ്കിൽ എൻ.ഡി.എയുമായി ചർച്ച നടത്തി സീറ്റുകൾ വെച്ചുമാറാനും ബി.ഡി.ജെ.എസ്​​ തയാറാണ്​. വയനാട്ടിൽ സീറ്റ്​ വിട്ടു നൽകണമെന്നോ താൻ മത്സരിക്കണമെന്നോ ബി.ജെ.പി ആവശ്യപ്പെട്ടിട്ടില്ല. അക്കാര്യം രാഹുലി​​​​​​െൻറ സ്ഥാനാർഥിത്വം പ്രഖ്യാപിച്ച ശേഷം തീരുമാനിക്കുമെന്നും തുഷാർ പറഞ്ഞു.

എൻ.ഡി.എക്ക്​ വിജയസാധ്യതയുള്ള സീറ്റാണ്​ തൃശൂർ. തൃശൂരിൽ താൻ മത്സരിക്കണമെന്ന്​ ആരും ആവശ്യപ്പെട്ടിട്ടില്ല. സ്ഥാനാർഥിത്വത്തിനായി ഒരു ഉപാധിയും വെച്ചിട്ടില്ലെന്നും തുഷാർ വ്യക്തമാക്കി.

എസ്​.എൻ.ഡി.പിയുടെ നിലപാട്​ ബി.ഡി.ജെ.എസി​​​​​​െൻറ വോട്ടിനെ ബാധിക്കില്ല. മതേതര പാർട്ടിയാണ് ഞങ്ങളുടേത്​.​ എസ്​.എൻ.ഡി.പിയും ബി.ഡി.ജെ.എസും തമ്മിൽ കൂട്ടികുഴ​േ​ക്കണ്ടതില്ല. സമദൂര നിലപാടാണ്​ എസ്​.എൻ.ഡി.പി തുടരുന്നത്​. ഏതു പാർട്ടിക്ക്​ വേണമെങ്കിലും പിന്തുണ നൽകാമെന്നും അദ്ദേഹം കൂട്ടിച്ചേർത്തു.

ബി.ഡി.ജെ.എസ്​ കൃത്യമായ ധാരണയോടെയാണ്​ ഇത്തവണ എൻ.ഡി.എയുമായി ചേർന്ന്​ മത്സരിക്കുന്നത്​. കോർപറേഷൻ, ബോർഡുകൾ, സ്​റ്റാൻഡിങ്​ കമ്മിറ്റികൾ എന്നിവിടങ്ങളിൽ പാർട്ടിക്ക്​ പ്രാതിനിധ്യം വേണമെന്ന്​ ആവശ്യപ്പെട്ടിട്ടുണ്ടെന്നും തുഷാർ പറഞ്ഞു.