ബി.ഡി.ജെ.എസിലെ പ്രവർത്തനം അവസാനിപ്പിക്കുന്നുവെന്ന് അക്കീരമൺ

പത്തനംതിട്ട: ബി.ഡി.ജെ.എസിലെ സജീവ പ്രവർത്തനം അവസാനിപ്പിക്കുന്നുവെന്ന്​ വൈസ്​ പ്രസിഡൻറ്​്​ അക്കീരമൺ കാളിദാസ ഭ ട്ടതിരിപ്പാട്​. മുന്നാക്ക സംവരണം, ശബരിമല വിഷയത്തിലെ ബി.ഡി.ജെ.എസ്​ സമീപനം എന്നിവ മുൻ നിർത്തിയാണ്​ പ്രവർത്തനത്തിൽനിന്ന്​ പിന്തിരിയുന്നതെന്ന്​ അക്കീരമൺ ‘മാധ്യമ’ത്തോട്​ പറഞ്ഞു.

യോഗക്ഷേമസഭയുടെ പ്രവർത്തനങ്ങളിൽ കൂടുതൽ സജീവമാകണമെന്ന ആവശ്യം ഉയരുന്നുണ്ട്​. ക്ഷേത്രങ്ങളുടെ താന്ത്രിക ചുമതലയുമുണ്ട്​. ഇവ രണ്ടിനും ഒപ്പം ബി.ഡി.ജെ.എസി​​​െൻറ പ്രവർത്തനം ഏറ്റെടുക്കുന്നതിന്​ ബുദ്ധിമുട്ട്​ നേരിടുന്നുണ്ടെന്നും അദ്ദേഹം പറഞ്ഞു.

സംഘടനയിലെ വൈസ്​ പ്രസിഡൻറ്​ സ്​ഥാനം രാജി​െവച്ചിട്ടില്ല. സജീവ പ്രവർത്തനത്തിൽനിന്ന്​ പിന്തിരിയുന്നുവെന്നേയുള്ളൂ എന്നും അദ്ദേഹം പറഞ്ഞു. ബി.ഡി.ജെ.എസ്​ രൂപവത്​കരിച്ചതുമുതൽ അക്കീരമൺ വൈസ്​ പ്രസിഡൻറായി തുടരുകയായിരുന്നു.