യുവാവി​െൻറ കൊല: പ്രതി ജീവൻ പിടിയിൽ

തിരുവനന്തപുരം: ബാർട്ടൺഹില്ലിൽ യുവാവിനെ വെട്ടിക്കൊന്ന കേസിൽ മുഖ്യപ്രതി പിടിയിൽ. ലോകോളജിന്​ സമീപം ബാർട്ടൺ ഹിൽ സ്വദേശി അനിൽകുമാറിനെ വെട്ടിക്കൊലപ്പെടുത്തിയ കേസിലെ പ്രതി ജീവനാണ്​ പിടിയിലായത്. ഒളിവിൽപോയ ഇയാളെ തമിഴ്​ന ാട്​ തിരുനെൽവേലിയിൽനിന്നാ‌ണ് ഷാഡോ പൊലീസ്​ പിടികൂടിയത്. അറസ്​റ്റ്​ രേഖപ്പെടുത്തിയിട്ടില്ല. വെള്ളിയാഴ്​ച അറ സ്​റ്റ്​ രേഖപ്പെടുത്തി തെളിവെടുപ്പിന് എത്തിക്കുമെന്നാണ് സൂചന. ഇതിനുശേഷം കോടതിയിൽ ഹാജരാക്കും.

കഴിഞ്ഞ ഞായറാഴ്ച രാത്രി 11നാണ് ബാർട്ടൺഹിൽ പാർക്കിന്​ സമീപം അനിൽകുമാർ വെ​േട്ടറ്റ്​ മരിച്ചത്​. തലക്ക്​​ എട്ട്​ വെ​േട്ടറ്റു​. ജീവൻ ഒറ്റക്കാണ്​ കൊല നടത്തിയതെന്നാണ്​ പൊലീസ്​ പറയുന്നതെങ്കിലും ഇയാൾക്കൊപ്പം മറ്റ്​ ചിലരുണ്ടായിരുന്നെന്ന്​ ദൃക്​സാക്ഷികൾ മൊഴി നൽകിയിട്ടുണ്ട്​.
സംഭവം നടന്ന്​ നാല്​ ദിവസത്തിനുശേഷമാണ്​ പ്രതിയെ​ പിടികൂടുന്നത്​. മുമ്പ്​ ഒരേ ഗുണ്ടാസംഘത്തിലെ അംഗങ്ങളായിരുന്നു അനിൽകുമാറും ജീവനും. നിരവധി ക്രിമിനൽ കേസുകളിൽ പ്രതികളായിരുന്നു ഇരുവരും. ഗുണ്ടാപകയാണ്​ അനിൽകുമാറി​​െൻറ കൊലപാതകത്തിലേക്ക്​ വഴി​െവച്ചതെന്നാണ്​ പൊലീസ്​ ഭാഷ്യം.

ജീവ​​െൻറ വീടുകയറി അനിൽകുമാർ നടത്തിയ ആക്രമണത്തി​​െൻറ പ്രതികാരമായിരുന്നു കൊലപാതകമെന്നാണ് പൊലീസ് പറയുന്നത്​. ഗുണ്ടാസംഘങ്ങളെ പിടികൂടാൻ പൊലീസ്​ നടത്തുന്ന ‘ഒാപറേഷൻ ബോൾട്ടി​’​െൻറ ഭാഗമായി ജീവനെ കസ്​റ്റഡിയിലെടുത്തിരുന്നു. ​കസ്​റ്റഡിയിൽനിന്ന്​ ശനിയാഴ്​ച വൈകുന്നേരം പുറത്തിറങ്ങിയ ജീവനാണ്​ ഞായറാഴ്​ച കൊല നടത്തിയത്​. മ്യൂസിയം സി.​െഎയുടെ നേതൃത്വത്തിൽ 35 അംഗ സംഘം മൂന്ന്​ ടീമുകളായി നടത്തിയ അന്വേഷണത്തിലാണ്​ ഇയാൾ പിടിയിലായത്​.