ബാർ കോഴ: തുടരന്വേഷണത്തിന് മുൻകൂർ അനുമതി ആവശ്യമില്ലെന്ന്​ വിജിലൻസ്​

കൊച്ചി: ബാർ കോഴക്കേസിൽ തുടരന്വേഷണത്തിന് സർക്കാറി​​​െൻറ മുൻകൂർ അനുമതി ആവശ്യമില്ലെന്ന്​ വിജിലൻസ്​ ഹൈകോടതി യിൽ. കോടതി നിർദേശിച്ചാൽ തുടരന്വേഷണത്തിന്​ തയാറാണെന്നും വിജിലൻസ് എസ്.പി കെ.ഇ. ബൈജു നൽകിയ സത്യവാങ്​മൂലത്തിൽ പറയ ുന്നു. മന്ത്രിയായിരിക്കെ കെ.എം. മാണി ബാർ ലൈസൻസ് പുതുക്കിനൽകാൻ ഹോട്ടലുടമകളിൽനിന്ന് കൈക്കൂലി വാങ്ങിയെന്ന കേസില ാണ് വിജിലൻസി​​​െൻറ വിശദീകരണം.

നേര​േത്ത തിരുവനന്തപുരം വിജിലൻസ് കോടതി ഇൗ കേസിൽ തുടരന്വേഷണം വേണമെന്നും സർക് കാറി​​​െൻറ മുൻകൂർ അനുമതിയോടെയാവണമെന്നും വ്യക്തമാക്കിയിരുന്നു. തുടരന്വേഷണത്തെ ചോദ്യം ചെയ്ത് കെ.എം. മാണിയും മു ൻകൂർ അനുമതി വേണമെന്ന നിർദേശം ചോദ്യംചെയ്ത് മുൻ മുഖ്യമന്ത്രി വി.എസ്. അച്യുതാനന്ദനുമടക്കം ഹരജിയുമായി ഹൈകോടതിയെ സമീപിച്ചു. ഈ ഹരജികളിലാണ് വിജിലൻസ്​ വിശദീകരണം നൽകിയിരിക്കുന്നത്​.

ബാർ കോഴ: വിജിലൻസ്​ നിലപാട്​ കേരള കോൺഗ്രസിനു​ തിരിച്ചടിയാകുന്നു
കോട്ടയം: ബാര്‍ കോഴക്കേസിൽ മുന്‍മന്ത്രി കെ.എം. മാണിക്കെതിരെ തുടരന്വേഷണത്തിനു തയാറ​ാണെന്ന വിജിലൻസ്​ നിലപാട്​ മാറ്റം കേരള കോൺഗ്രസിനും ​മാണിക്കും വീണ്ടും തിരിച്ചടിയായേക്കും. ലോക്​സഭ തെരഞ്ഞെടുപ്പിനുള്ള ഒരുക്കം ആരംഭിച്ചിരിക്കെ യു.ഡി.എഫിനും ഇത്​ ക്ഷീണം ചെയ്യും. സീറ്റ്​ വിഭജന ചർച്ചകൾ തുടങ്ങും മുമ്പുതന്നെ വിജിലൻസ്​ നീക്കങ്ങൾ പാർട്ടിയിലും പ്രശ്​നങ്ങൾ സൃഷ്​ടിച്ചേക്കാം. ജോസ്​ കെ. മാണിയുടെ കേരളയാത്ര തുടങ്ങാനിരി​െക്ക ഇത്​ ജാഥക്കും തിരിച്ചടിയാകും.

ബാർ കോഴക്കേസിൽ ഇനി തുടരന്വേഷണത്തിനു​ സര്‍ക്കാര്‍ അനുമതി വേ​െണ്ടന്നാണ്​ വിജിലന്‍സ്​ നിലപാട്​. ഇക്കാര്യം അവർ കോടതിയെയും അറിയിച്ചു. കേസിൽ വേണ്ടത്ര തെളിവി​െല്ലന്ന്​ പലതവണ വ്യക്തമാക്കി​യ വിജിലൻസി​​​െൻറ മനംമാറ്റത്തെ രാഷ്​ട്രീയമായിത്തന്നെ കാണേണ്ടിവരും. കേരള​ കോൺഗ്രസി​​​െൻറ നിലപാടിൽ സി.പി.എമ്മിനുള്ള അതൃപ്​തികൂടി കണക്കിലെടുക്കു​േമ്പാൾ വിജിലൻസ്​ അന്വേഷണം ശക്തമായി മുന്നോട്ടുകൊണ്ടുപോകുമെന്ന സൂചനയാണ്​ ലഭിക്കുന്നത്​. േകസ്​ രാഷ്​ട്രീയമായി ഇടതുമുന്നണി ഉപയോഗിക്കുമെന്ന കാര്യം ഉറപ്പാണ്​.
ഠ
മധ്യകേരളത്തിൽ കേരള കോൺഗ്രസി​​​െൻറയും യു.ഡി.എഫി​​​െൻറയും സ്വാധീനമേഖലകളിൽ ബാർ കോഴ പ്രചാരണ ആയുധമായി തിരിച്ചുവന്നേക്കാം. അഴിമതി നിരോധന നിയമത്തിലെ പുതിയ ഭേദഗതി അനുസരിച്ചുള്ള മുന്‍കൂര്‍ അനുമതി വ്യവസ്ഥ ഈ കേസില്‍ ബാധകമല്ലെന്നും അന്വേഷണവുമായി മുന്നോട്ടുപോകുമെന്നുമാണ്​ വിജിലന്‍സ് വ്യക്തമാക്കിയിട്ടുള്ളത്​.

ആദ്യം സര്‍ക്കാറി​​​െൻറ മുന്‍കൂര്‍ അനുമതിയോടെ ബാര്‍ കോഴക്കേസിൽ തുടരന്വേഷണം നടത്താനായിരുന്നു തിരുവനന്തപുരം വിജിലന്‍സ് കോടതിയുടെ ഉത്തരവ്. ഇതി​െനതിരെ വി.എസ്. അച്യുതാനന്ദനും പരാതിക്കാരനായ ബിജു രമേശും ഹൈകോടതിയെ സമീപിച്ചതോടെയാണ്​ നിലപാട്​ വ്യക്തമാക്കി വിജിലൻസ്​ കോടതി​യിലെത്തിയത്​. കേസ് റദ്ദാക്കണമെന്നായിരുന്നു മാണിയുടെ ഹരജി. ഇത്​ 29ന്​ ഹൈകോടതി പരിഗണിക്കും.