'പൊറോട്ടയല്ല... പെരിന്തൽമണ്ണയിൽ കുഴിമന്തിയാണ് ബെസ്റ്റ്...'; രാഹുലിനെ പരിഹസിച്ച് സി.പി.എം ഓഫിസിൽ ബാനർ

മലപ്പുറം: 'ഭാരത് ജോഡോ യാത്ര'ക്കിടെ കോൺഗ്രസ് നേതാവ് രാഹുൽ ഗാന്ധിയെ പരിഹസിച്ച് മലപ്പുറം പെരിന്തൽമണ്ണയിലെ സി.പി.എം ഓഫിസിന് മുമ്പിൽ ബാനർ. ചെറുകരയിലെ ഏലംകുളം സി.പി.എം ലോക്കൽ കമ്മിറ്റി ഓഫിസ് ആയ എ.കെ.ജി സ്മാരക മന്ദിരത്തിലാണ് ഡി.വൈ.എഫ്.ഐയുടെ പേരിൽ ബാനർ കെട്ടിയത്.

'പൊറോട്ടയല്ല... പെരിന്തൽമണ്ണയിൽ കുഴിമന്തിയാണ് ബെസ്റ്റ്...' എന്നാണ് കറുത്ത ബാനറിൽ എഴുതിയിട്ടുള്ളത്. ഡി.വൈ.എഫ്.ഐ ഏലംകുളം കമ്മിറ്റിയുടെ പേരാണ് ബാനറിലുള്ളത്. ഭാ​ര​ത് ജോ​ഡോ ​യാ​ത്ര പു​ലാ​മ​ന്തോ​ൾ ജങ്ഷനി​ൽ നി​ന്ന് പൂ​പ്പ​ല​ത്തേക്ക് വരുന്ന വഴിയാണ് ബാനർ കെട്ടിയിരിക്കുന്നത്.

അതേസമയം, മലപ്പുറം ജി​ല്ല​യി​ൽ പ്രവേശിച്ച ഭാ​ര​ത് ജോ​ഡോ ​യാ​ത്രക്കും രാ​ഹു​ൽ ഗാ​ന്ധിക്കും വൻ വരവേൽപ്പാണ് കോൺഗ്രസ് പ്രവർത്തകർ അടക്കമുള്ളവർ നൽകിയത്. പ്രവർത്തകർ കൈവീശിയും ബാനർ ഉയർത്തിയും മുദ്രാവാക്യം വിളിച്ചും പദയാത്രക്ക് പിന്തുണ അറിയിച്ചു.

രാ​വി​ലെ 6.30ന് ​പു​ലാ​മ​ന്തോ​ൾ ജങ്ഷനി​ൽ നി​ന്നാ​രം​ഭി​ച്ച ജാ​ഥ ഉ​ച്ച​ക്ക് പെ​രി​ന്ത​ൽ​മ​ണ്ണ പൂ​പ്പ​ല​ത്ത് ഉ​ച്ച​ഭ​ക്ഷ​ണ​ത്തി​നും വി​ശ്ര​മ​ത്തി​നു​മാ​യി പി​രി​യും. ഉ​ച്ച​ക്ക് ശേ​ഷം പ​ട്ടി​ക്കാ​ട് നി​ന്ന് ആ​രം​ഭി​ക്കു​ന്ന യാ​ത്ര വൈ​കീ​ട്ട് ഏ​ഴി​ന്​ പാ​ണ്ടി​ക്കാ​ട് സ​മാ​പി​ക്കും. തച്ചിങ്ങനാടം ഹൈസ്കൂളിലാണ് രാത്രി വിശ്രമം.