ബാങ്ക്​ നോട്ട്​ പ്രസിൽ ജൂനിയർ ടെക്​നീഷ്യൻ ഓഫിസ്​ അസിസ്​റ്റൻറ്​; 135 ഒഴിവുകൾ

ബാങ്ക്​ നോട്ട്​ പ്രസ്​, ദേവാസ്​ (മധ്യപ്രദേശ്​) വിവിധ തസ്​തികകളിലേക്കുള്ള നിയമനത്തിന്​ ഇന്ത്യൻ പൗരന്മാരിൽനിന്ന്​ അപേക്ഷകൾ ക്ഷണിച്ചു.

കേന്ദ്രസർക്കാർ ആഭിമുഖ്യത്തിലുള്ള സെക്യൂരിറ്റി പ്രിൻറിങ്​ ആൻഡ്​​ മിൻറ്​ കോർപറേഷൻ ഓഫ്​ ഇന്ത്യ ലിമിറ്റഡിന്​ കീഴിലുള്ള ഒരു യൂനിറ്റാണിത്​.

തസ്​തികകളുടെ വിശദാംശങ്ങൾ ചുവടെ.

അപേക്ഷ ഓൺലൈനായി മേയ്​ 12 മുതൽ ജൂൺ 11 വരെ സമർപ്പിക്കാം. വെൽഫെയർ ഓഫിസർ: ഒഴിവ്​ -1, ശമ്പളനിരക്ക്​ 29740-103000 രൂപ. യോഗ്യത: ബിരുദവും സോഷ്യൽ സയൻസിൽ ഡിഗ്രി/ഡിപ്ലോമയും.

ഹിന്ദി ഭാഷ നല്ലവണ്ണം അറിയണം.

പ്രായപരിധി: 30​. സൂപ്പർവൈസർ (ഇങ്ക്​ ഫാക്​ടറി) -1, ശമ്പളനിരക്ക്​ 27600-95910 രൂപ.

യോഗ്യത: ഫസ്​റ്റ്​ ക്ലാസ്​ ഡിപ്ലോമ (പ്രിൻറിങ്​ ടെക്​നോളജി/പെയിൻറ്​ ടെക്​നോളജി), (ബന്ധപ്പെട്ട ബ്രാഞ്ചിൽ ബി.ഇ/ബി.ടെക്​ ബിരുദക്കാരെയും പരിഗണിക്കും). അല്ലെങ്കിൽ ബി.എസ്​സി കെമിസ്​ട്രി.

പ്രായപരിധി: 30​. സൂപ്പർവൈസർ (ഇൻഫർമേഷൻ ടെക്​നോളജി) -1, ശമ്പളനിരക്ക്​ 27600-95910 രൂപ. യോഗ്യത: ഫസ്​റ്റ്​ക്ലാസ്​ ഡിപ്ലോമ (ഐ.ടി/കമ്പ്യൂട്ടർ എൻജിനീയറിങ്​).

ബി.ടെക്​ ബിരുദക്കാർക്കും അർഹതയുണ്ട്​. പ്രായപരിധി: 30. ജൂനിയർ ഓഫിസ്​ അസിസ്​റ്റൻറ്​ -18, ശമ്പളനിരക്ക്​ 21540-77160 രൂപ. യോഗ്യത: 55 ശതമാനം മാർക്കിൽ കുറയാതെ ബിരുദം, കമ്പ്യൂട്ടർ പരിജ്​ഞാനം വേണം. കമ്പ്യൂട്ടറിൽ ടൈപ്പിങ്​ സ്​പീഡ്​ ഇംഗ്ലീഷ്​ 40 wpm/ഹിന്ദി 30 wpm. പ്രായപരിധി: 28. ജൂനിയർ ടെക്​നീഷ്യൻ: (ഇങ്ക്​ ഫാക്​ടറി -60, പ്രിൻറിങ്​ -23, ഇലക്​ട്രിക്കൽ/ഐ.ടി-മെക്കാനിക്കൽ/എ.സി -15), ശമ്പളനിരക്ക്​ 18780-67390 രൂപ.

യോഗ്യത: ഐ.ടി.ഐ (പ്രിൻറിങ്​ ടെക്​നോളജി/പെയിൻറ്​ ടെക്​നോളജി/ഓഫ്​സെറ്റ്​ പ്രിൻറിങ്​/​പ്ലേറ്റ്​ മേക്കിങ്​/ഇലക്​ട്രോ പ്ലേറ്റിങ്​/ഇലക്​ട്രിക്കൽ/ഇലക്​ട്രോണിക്​സ്​/ഫിറ്റർ/മെഷീനിസ്​റ്റ്​/ടർണർ/ഇൻസ്​ട്രുമെൻറ്​ മെക്കാനിക്​/മെക്കാനിക്​ മോ​ട്ടോർവെഹിക്കിൾ) ഒരുവർഷത്തെ നാഷനൽ അപ്രൻറീസ്​ഷിപ്​ സർട്ടിഫിക്കറ്റ്​ ഉണ്ടാകണം. പ്രായപരിധി: 25​. സെക്ര​ട്ടേറിയൽ അസിസ്​റ്റൻറ്​ -1, ശമ്പളനിരക്ക്​ 23910-85570 രൂപ. എല്ലാ തസ്​തികകളുടെയും യോഗ്യത മാനദണ്ഡങ്ങൾ, അപേക്ഷ സമർപ്പണത്തിനുള്ള നിർദേശങ്ങൾ, സെലക്​ഷൻ നടപടിക്രമം മുതലായ വിവരങ്ങൾ https://bnpdewas.spmciy.comൽ ലഭ്യമാണ്​.