ബാണാസുര സാഗർ ഡാം വിവാദം: ഉദ്യോഗസ്ഥർക്ക്​ പിഴവുണ്ടെങ്കിൽ പരിശോധിക്കും-എം.എം. മണി

തിരുവനന്തപുരം: ബാണാസുര സാഗർ ഡാം തുറന്നു വിട്ടതിൽ ഉദ്യോഗസ്ഥരുടെ ഭാഗത്ത് നിന്ന് പിഴവ് ഉണ്ടായിട്ടുണ്ടെങ്കിൽ പരിശോധിക്കുമെന്ന്​ വൈദ്യുതവകുപ്പ്​ മന്ത്രി എം.എം. മണി. പരസ്പരം പഴിക്കാനില്ലെന്നും മന്ത്രി പറഞ്ഞു.മഴ വർധിച്ചതു കൊണ്ട് കെ.എസ്​.ഇ.ബിക്ക് ലാഭമില്ല. ദീർഘകാല വൈദ്യുതി കാറുകൾ ഒഴിവാക്കാൻ കഴിയില്ല. വൈദ്യുതി കൂടുതൽ ഉൽപാദിപ്പിക്കാൻ കഴിയുമെന്നതിൽ സന്തോഷമുണ്ട്​.

മുല്ലപ്പെരിയാറിൽ ജലനിരപ്പ് ഉയർന്നെങ്കിലും ആശങ്കക്ക് അടിസ്ഥാനമി​​െല്ലന്നും ഏത് സാഹചര്യവും നേരിടാൻ തയാറാണ്. കെ.എസ്​.ഇ.ബി ജീവനക്കാർ ഒരു ദിവസത്തെ ശമ്പളം ദുരിതാശ്വാസ നിധിയിലേക്ക് സംഭാവന നൽകിയിട്ടുണ്ടെന്നും എം.എം. മണി കൂട്ടി​േച്ചർത്തു.

ഇടുക്കി ഡാമി​​​െൻറ ഷട്ടറുകൾ തുറന്നതിൽ പിഴവി​ല്ലെന്ന് കെ.എസ്​.ഇ.ബി ചെയർമാൻ മാധ്യമങ്ങളോട്​ പറഞ്ഞു. ഇടമലയാർ നിറഞ്ഞതിനാലാണ് ആദ്യം അത് തുറന്നത്. ആ സാഹചര്യത്തിൽ യുക്തിസഹമായ തീരുമാനമാണ് എടുത്തത്​. 25 മുതൽ 35 മില്യൺ യൂണിറ്റ് വരെ വൈദ്യുതി പ്രതിദിനം ഉത്പാദിപ്പിക്കുന്നുണ്ടെന്നും അദ്ദേഹം പറഞ്ഞു. ബാണാസുര സാഗർ ഡാം തുറക്കുന്നതു സംബന്ധിച്ച്​ അനുവാദത്തിന് കാത്തിരുന്നെങ്കിൽ അപകടത്തിലേക്ക് പോകുമായിരുന്നുവെന്ന്​ കെ.എസ്​.ഇ.ബി എം.ഡി എൻ.എസ്​. പിള്ള അഭിപ്രായപ്പെട്ടു.