ജൈ​വ കാ​ലി​ത്തീ​റ്റ നി​രോ​ധ​നം: ടി. ​സി​ദ്ദീ​ഖ് എം.​എ​ല്‍.​എ ക​ര്‍ണാ​ട​ക മു​ഖ്യ​മ​ന്ത്രി​യെ ക​ണ്ടു

ക​ല്‍പ​റ്റ: ചോ​ള​ത്ത​ണ്ട്, പ​ച്ച​പ്പു​ല്ല്, വൈ​ക്കോ​ല്‍ എ​ന്നി​വ വ​യ​നാ​ട്ടി​ലേ​ക്ക് കൊ​ണ്ടു​വ​രു​ന്ന​തി​ന് ക​ര്‍ണാ​ട​ക ഏ​ര്‍പ്പെ​ടു​ത്തി​യ നി​രോ​ധ​നം പി​ന്‍വ​ലി​ക്ക​ണ​മെ​ന്ന് ആ​വ​ശ്യ​പ്പെ​ട്ട് അ​ഡ്വ. ടി. ​സി​ദ്ദീ​ഖ് എം.​എ​ല്‍.​എ ക​ര്‍ണാ​ട​ക മു​ഖ്യ​മ​ന്ത്രി സി​ദ്ധ​രാ​മ​യ്യ​യേ​യും സ്പീ​ക്ക​ര്‍ യു.​ടി. ഖാ​ദ​റി​നേ​യും നേ​രി​ല്‍ ക​ണ്ട് കൂ​ടി​ക്കാ​ഴ്ച ന​ട​ത്തി. ക​ന്നു​കാ​ലി​ക​ള്‍ക്കു​ള്ള കാ​ലി​ത്തീ​റ്റ ആ​വ​ശ്യ​ത്തി​നാ​യി ക​ര്‍ണാ​ട​ക​യി​ല്‍നി​ന്ന് എ​ത്തി​ക്കു​ന്ന ചോ​ള​ത്ത​ണ്ട്, പ​ച്ച​പ്പു​ല്ല്, വൈ​ക്കോ​ല്‍ എ​ന്നി​വ​യാ​ണ് ഉ​പ​യോ​ഗി​ച്ച് വ​രു​ന്ന​ത്. എ​ന്നാ​ല്‍, ഇ​വ ജി​ല്ല​യി​ലേ​ക്ക് കൊ​ണ്ടു​വ​രു​ന്ന​തി​ന് ക​ര്‍ണാ​ട​ക​യി​ല്‍ നി​രോ​ധ​നം ഏ​ര്‍പ്പെ​ടു​ത്തി​യി​രി​ക്കു​ക​യാ​ണ്.

ക്ഷീ​ര​ക​ര്‍ഷ​ക​രേ​യും ക്ഷീ​ര​മേ​ഖ​ല​യേ​യും നി​രോ​ധ​നം പ്ര​തി​കൂ​ല​മാ​യി ബാ​ധി​ച്ചി​രി​ക്കു​ക​യാ​ണ്. ക​ര്‍ണാ​ട​ക​യി​ല്‍ മ​ഴ കു​റ​യു​ക​യും വ​ര​ള്‍ച്ച ഉ​ണ്ടാ​യ സാ​ഹ​ച​ര്യ​ത്തി​ലും ദു​ര​ന്ത നി​വാ​ര​ണ പ്ര​വ​ര്‍ത്ത​ന​ത്തി​ന്റെ ഭാ​ഗ​മാ​യു​ള്ള യോ​ഗ​ത്തി​ലാ​ണ് ന​ട​പ​ടി. അ​ത് പി​ന്‍വ​ലി​ക്കാ​നു​ള്ള റി​പ്പോ​ര്‍ട്ട് തേ​ടി പു​ന​ഃപ​രി​ശോ​ധി​ക്കു​മെ​ന്ന് ക​ര്‍ണാ​ട​ക മു​ഖ്യ​മ​ന്ത്രി പ​റ​ഞ്ഞു. സ്പീ​ക്ക​ര്‍ യു.​ടി ഖാ​ദ​റു​മാ​യും കൂ​ടി​കാ​ഴ്ച ന​ട​ത്തി. എ.​ഐ.​സി.​സി ജ​ന​റ​ല്‍ സെ​ക്ര​ട്ട​റി കെ.​സി. വേ​ണു​ഗോ​പാ​ല്‍ എം.​പി​യു​ടെ നി​ര്‍ദേ​ശ​ത്തെ തു​ട​ര്‍ന്നാ​യി​രു​ന്നു കൂ​ടി​ക്കാ​ഴ്ച.