ആ​ൾ​ക്കൂ​ട്ട മ​ർ​ദനം: ജി​ഷ്ണു​വി​നെതിരെ പരാതി നൽകിയവരിൽ ഡി.​വൈ.​എ​ഫ്.​ഐ പ്രവർത്തകനും

ബാ​ലു​ശ്ശേ​രി: എ​സ്.​ഡി.​പി.​ഐ ഫ്ല​ക്സ് ബോ​ർ​ഡ് ന​ശി​പ്പി​ച്ച​തി​ന്റെ പേ​രി​ൽ ആ​ൾ​ക്കൂ​ട്ടം മ​ർ​ദിച്ച ജി​ഷ്ണു​വി​നെതിരെ പരാതി നൽകിയവരിൽ ഡി.​വൈ.​എ​ഫ്.​ഐ പ്രവർത്തകനും. ഡി.​വൈ.​എ​ഫ്.​ഐ പ്രവർത്തകനായ നജാഫ് ഹാരിസ് ആണ് പരാതി നൽകിയതെന്നാണ് മാധ്യമങ്ങളുടെ റിപ്പോർട്ട്. നജാഫ് നിലവിൽ പൊലീസ് കസ്റ്റഡിയിലാണ്. ഇയാളുടെ മൊഴിയുടെ അടിസ്ഥാനത്തിലാണ് ജിഷ്ണുവിനെതിരെ ബാ​ലു​ശ്ശേ​രി പൊലീസ് കേസെടുത്തത്.

അതേസമയം, നജാഫ് ഡി.​വൈ.​എ​ഫ്.​ഐയുടെ സജീവ പ്രവർത്തകനല്ലെന്ന് സംസ്ഥാന പ്രസിഡന്‍റ് വസീഫ് മാധ്യമങ്ങളോട് പറഞ്ഞു. മൊഴി കൊടുത്ത സാഹചര്യം പരിശോധിക്കും. ആൾക്കൂട്ട ആക്രമണമല്ലെന്നും ബോധപൂർവം ആളുകളെ വിളിച്ചു കൂട്ടിയുള്ള കലാപമാണ് നടന്നതെന്നും വസീഫ് ആരോപിച്ചു.

തൃ​ക്കു​റ്റി​ശ്ശേ​രി വാ​ഴ​യി​ന്റെ വ​ള​പ്പി​ൽ ജി​ഷ്ണു​വി​നെ ആ​ൾ​ക്കൂ​ട്ടം മ​ർ​ദി​ച്ച​ കേസിൽ അഞ്ചു പേർ പൊലീസ് കസ്റ്റഡിയിലാണ്. തിരുവോട് സ്വദേശികളായ മുഹമ്മദ് ഇജാസ്, മുഹമ്മദ് സാലി, നജാലി, റിയാസ്, ഹാരിസ് എന്നിവരാണ് കസ്റ്റഡിയിലുള്ളത്. 29 പേർക്കെതിരെ പൊ​ലീ​സ് ജാമ്യമില്ലാ കേ​സെ​ടു​ത്തിട്ടുണ്ട്.

എ​സ്.​ഡി.​പി.​ഐ​യു​ടെ ഫ്ല​ക്സ് ബോ​ർ​ഡു​ക​ൾ ന​ശി​പ്പി​ച്ച​തു​മാ​യി ബ​ന്ധ​പ്പെ​ട്ട് നി​ല​നി​ന്ന ത​ർ​ക്ക​മാ​ണ് മ​ർ​ദ​ന​ത്തി​ന് കാ​ര​ണ​മെ​ന്നാ​ണ് പൊ​ലീ​സ് പ​റ​യു​ന്ന​ത്. പാ​ലോ​ളി മു​ക്കി​ൽ​വെ​ച്ച് വ്യാ​ഴാ​ഴ്ച പു​ല​ർ​ച്ചെ ജി​ഷ്ണു​വി​നെ പി​ടി​കൂ​ടി​യ സം​ഘം മ​ർ​ദി​ച്ച ശേ​ഷം മൂ​ന്നു മ​ണി​യോ​ടെ​യാ​ണ് ബാ​ലു​ശ്ശേ​രി പൊ​ലീ​സി​ൽ ഏ​ൽപിച്ച​ത്. 30ഓ​ളം പേ​ർ ചേ​ർ​ന്ന് മ​ർ​ദി​ച്ച​താ​യി ജി​ഷ്ണു പ​റ​യുന്നു.

ഫ്ല​ക്സ് ബോ​ർ​ഡു​ക​ൾ ന​ശി​പ്പി​ച്ച​തി​ന് ജി​ഷ്ണു​വി​ന്റെ പേ​രി​ൽ ബാ​ലു​ശ്ശേ​രി പൊ​ലീ​സ് കേ​സെ​ടു​ത്തി​ട്ടു​ണ്ട്. ഫ്ല​ക്സ് ന​ശി​പ്പി​ക്കാ​ൻ വ​ടി​വാ​ളു​മാ​യെ​ത്തി​യ ജി​ഷ്ണു​വി​നെ പി​ടി​കൂ​ടി ചോ​ദ്യം ചെ​യ്യു​ക​യാ​യി​രു​ന്നു​വെ​ന്നും ബോ​ർ​ഡും കൊ​ടി​യും ന​ശി​പ്പി​ക്കാ​ൻ പ​റ​ഞ്ഞു​വി​ട്ട സി.​പി.​എം പ്രാ​ദേ​ശി​ക നേ​താ​ക്ക​ളു​ടെ പേ​ര് ജി​ഷ്ണു വെ​ളി​പ്പെ​ടു​ത്തി​യെ​ന്നും എ​സ്.​ഡി.​പി.​ഐ പ്ര​വ​ർ​ത്ത​ക​ർ പ​റ​യുന്നു.

ബാ​ലു​ശ്ശേ​രി പൊ​ലീ​സ് സ്ഥ​ല​ത്തെ​ത്തി ജി​ഷ്ണു​വി​നെ ക​സ്റ്റ​ഡി​യി​ലെ​ടു​ക്കു​ക​യും സാ​ര​മാ​യ പ​രി​ക്കേ​റ്റ​തി​നാ​ൽ താ​ലൂ​ക്ക് ആ​ശു​പ​ത്രി​യി​ലും പി​ന്നീ​ട് വി​ദ​ഗ്ധ ചി​കി​ത്സ​ക്കാ​യി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലും പ്ര​വേ​ശി​പ്പിക്കുകയായിരുന്നു.