Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightപിന്നാക്ക വിദ്യാഭ്യാസ...

പിന്നാക്ക വിദ്യാഭ്യാസ സംവരണം 40 ശതമാനമാക്കണം -വി.ആർ. ജോഷി

text_fields
bookmark_border
പിന്നാക്ക വിദ്യാഭ്യാസ സംവരണം 40 ശതമാനമാക്കണം -വി.ആർ. ജോഷി
cancel

തിരുവനന്തപുരം: വിദ്യാഭ്യാസ സംവരണത്തിൽ പിന്നാക്ക വിഭാഗങ്ങളോട്​ കാണിക്കുന്ന വിവേചനവും അനീതിയും അവസാനിപ്പിക്കണമെന്ന്​ പിന്നാക്ക വികസന വകുപ്പ്​ മുൻ ഡയരക്​ടർ വി.ആർ. ജോഷി മുഖ്യമന്ത്രി പിണറായി വിജയന്​ അയച്ച കത്തിൽ ആവശ്യപ്പെട്ടു. പിന്നാക്ക വിദ്യാഭ്യാസ സംവരണം 40 ശതമാനമാക്കണം. ജനസംഖ്യയിൽ 65 ശതമാനത്തിൽ അധികം വരുന്ന മൊത്തം പിന്നാക്ക സമുദായങ്ങൾക്ക്​ ആകെ ഒമ്പത്​ ശതമാനം മാത്രമാണ്​ എം.ഡി/ എം.എസ്​ കോഴ്​സിൽ സംവരണമുള്ളത്. അതേസമയം ഇവരുടെ മൂന്നിൽ ഒന്നുമാത്രം ജനസംഖ്യയുള്ള മുന്നാക്ക സമുദായത്തിന്​ 10 ശതമാനമാണ്​ സംവരണം.

മിക്ക കോഴ്​സുകളുടെയും സംവരണത്തിൽ ഈ വിവേചനം കാണാം. എഞ്ചിനീയറിങ്ങിന്​ കേവലം 5 ശതമാനം മാത്രമാണ് പിന്നാക്ക സംവരണം. ആർട്സ്​ ആൻഡ്​ സയൻസ് കോളജുകളിലും സർവകലാശാലകളിലും ബിരുദ, ബിരുദാനന്തര കോഴ്സുകൾക്ക് 20 ശതമാനവും പ്രഫഷനൽ ബിരുദ കോഴ്സുകൾക്ക് 30 ശതമാനവും ആണ് സംവരണം. എച്ച്.എസ്.എസ്, വി.എച്ച്.എസ്.ഇ തുടങ്ങിയ കോഴ്​സുകൾക്കും വ്യത്യസ്ത തോതാണ്. അതേസമയം ഒ.ബി.സി ജനസംഖ്യയുടെ മൂന്നിൽ ഒന്നുമാത്രം വരുന്ന മുന്നാക്ക സമുദായങ്ങൾക്ക് എല്ലാ കോഴ്​സുകൾക്കും 10 ശതമാനം സംവരണം അനുവദിച്ചു. ഈ കടുത്ത വിവേചനവും അനീതിയും പരിഹരിക്ക​േണ്ടതുണ്ടെന്ന കാര്യത്തിൽ ആർക്കും തർക്കം ഉണ്ടാവുമെന്ന്​ കരുതുന്നില്ലെന്നും അദ്ദേഹം കത്തിൽ ചൂണ്ടിക്കാട്ടി.

എം.ഡി എം.എസ് കോഴ്​സിലെ അപാകതകൾ ചൂണ്ടിക്കാട്ടി ഈഴവ സമുദായത്തിൽപ്പെട്ട രണ്ടു മെഡിക്കൽ ബിരുദ വിദ്യാർത്ഥികൾ ഹൈകോടതിയെ സമീപിച്ചിരുന്നു. ഇവരുടെ ന്യായമായ ആവശ്യം പരിഗണിച്ച് പിന്നാക്ക സമുദായ വിദ്യാർഥികളുടെ സംവരണ പ്രശ്​നത്തിന്​ നാലുമാസത്തിനകം പരിഹാരം ഉണ്ടാക്കണമെന്നാണ്​ ഡിസംബർ ഏഴിന്​ കേരള ഹൈകോടതി വിധി പുറപ്പെടുവിച്ചത്​. ഈ സാഹചര്യത്തിൽ ഒ.ബി.സി, എസ്.ഇ.ബി.സി വിഭാഗം വിദ്യാർത്ഥികൾക്ക് ഉദ്യോഗ മേഖലയിലേതുപോലെ എല്ലാ കോഴ്സുകൾക്കും ചുരുങ്ങിയത് 40% സംവരണം അനുവദിച്ച് നിലവിലുള്ള വ്യത്യസ്ത നിരക്കുകൾ ഏകീകരിക്കണമെന്നും വി.ആർ. ജോഷി ആവശ്യ​​പ്പെട്ടു.


Show Full Article
TAGS:reservation obc vr joshi ews ews reservation 
News Summary - Backward education reservation should be 40 per cent - VR Joshi
Next Story