പിൻസീറ്റുകാർക്ക്​ ഹെൽമറ്റ്​ ​: ഇളവ് നല്‍കാന്‍ സംസ്ഥാന സര്‍ക്കാറിനാവില്ലെന്ന് ഹൈകോടതി

കൊച്ചി: ഇരുചക്ര വാഹനമോടിക്കുന്നവര്‍ക്കും പിന്നിലിരിക്കുന്നവര്‍ക്കും ഹെല്‍മറ്റ് ധരിക്കുന്നതില്‍ ഇളവ് നല്‍ കാന്‍ സംസ്ഥാന സര്‍ക്കാറിനാവില്ലെന്ന് ഹൈകോടതി. മോട്ടോര്‍ വാഹന നിയമത്തില്‍ കേന്ദ്രസര്‍ക്കാര്‍ കൊണ്ടുവന്ന പു തിയ ഭേദഗതി ആഗസ്​റ്റ്​ ഒമ്പതുമുതല്‍ പ്രാബല്യത്തിലുണ്ടെന്ന് ചൂണ്ടിക്കാട്ടിയാണ് ചീഫ് ജസ്​റ്റിസ് അധ്യക്ഷനായ ബെ ഞ്ച് ഇക്കാര്യം പറഞ്ഞത്.

ഇരുചക്രവാഹനങ്ങളില്‍ സഞ്ചരിക്കുന്ന നാലുവയസ്സിന് മുകളിലുള്ള എല്ലാവര്‍ക്കും ഹെല്‍മറ്റ് നിര്‍ബന്ധമാണെന്നാണ് കേന്ദ്ര മോട്ടോര്‍ വാഹനനിയമത്തിലെ പുതിയ ഭേദഗതി. ഭേദഗതിക്ക്​ മുമ്പുള്ള കേന്ദ്ര മോട്ടോര്‍ വാഹനനിയമത്തിലെ 129ാം വകുപ്പ് ഹെല്‍മറ്റില്‍ ഇളവ് നല്‍കാന്‍ സംസ്ഥാനങ്ങള്‍ക്ക് അധികാരം നല്‍കിയിരുന്നു. 2019ല്‍ നിയമം മാറ്റിയതോടെ ഈ അധികാരം നഷ്​ടപ്പെട്ടു.

പഴയ നിയമത്തി​​െൻറ അടിസ്ഥാനത്തില്‍ ഹെല്‍മറ്റ് ധരിക്കുന്നതിന് ഇളവനുവദിച്ച് 2003ല്‍ കേരള മോട്ടോര്‍ വാഹന നിയമത്തില്‍ ഉള്‍പ്പെടുത്തിയ 347 എ വകുപ്പ് 2015 ഒക്ടോബര്‍ 16ന് ഡിവിഷന്‍ ബെഞ്ച് സ്‌റ്റേ ചെയ്തതും കോടതി ചൂണ്ടിക്കാട്ടി.

347 എ വകുപ്പിനെതിരെ ജോര്‍ജ് ജോണ്‍ എന്നയാള്‍ നല്‍കിയ ഹരജിയും സ്​​േറ്റ ചെയ്തതിനെതിരെ 2015ല്‍ സര്‍ക്കാര്‍ നല്‍കിയ അപ്പീലുമാണ് കോടതി പരിഗണിക്കുന്നത്. ഹരജിയും അപ്പീലും 19ന് വീണ്ടും പരിഗണിക്കും.