കിണറ്റിൽവീണ കുട്ടിയാനയെ രക്ഷിച്ചു

കോ​ത​മം​ഗ​ലം: വ​നാ​തി​ർ​ത്തി ക​ട​ന്നെ​ത്തി​യ കു​ട്ടി​യാ​ന കി​ണ​റ്റി​ൽ​വീ​ണു. പൂ​യം​കു​ട്ടി വ​ന​ത്തി​ൽ​നി ​ന്ന്​ എ​ത്തി​യ 10 മാ​സം പ്രാ​യ​മാ​യ പി​ടി​യാ​ന​ക്കു​ട്ടി​യാ​ണ് വ്യാ​ഴാ​ഴ്ച പു​ല​ർ​ച്ച കി​ണ​റ്റി​ൽ​വീ​ണ​ത്. പു​ഴ ക​ട​ന്നെ​ത്തി​യ ആ​ന​ക്കൂ​ട്ട​ത്തി​നൊ​പ്പം വ​ന്ന കു​ട്ടി​യാ​ന​യാ​ണ് വ​ട​ക്കേ മ​ണി​ക​ണ്ഠ​ൻ​ചാ​ലി​ൽ തോ​ൽ​കു​ടി സു​ദ​ർ​ശ​​െൻറ കി​ണ​റ്റി​ൽ​വീ​ണ​ത്. സ​മീ​പ​ത്തെ തെ​ങ്ങ്, റ​ബ​ർ, ക​വു​ങ്ങ്​ തു​ട​ങ്ങി​യ​വ ആ​ന​ക്കൂ​ട്ടം ന​ശി​പ്പി​ച്ചു. കു​ട്ടി​യാ​ന കി​ണ​റി​ൽ വീ​ണ​തോ​ടെ നേ​രം പു​ല​രു​വോ​ളം കി​ണ​റി​നു​ചു​റ്റും കാ​വ​ൽ​നി​ന്ന ആ​ന​ക്കൂ​ട്ടം പു​ല​ർ​ച്ച ആ​ളു​ക​ൾ എ​ത്തി​യ​തോ​ടെ വ​ന​ത്തി​ലേ​ക്ക് മ​ട​ങ്ങി പു​ഴ​ക്ക്​ മ​റു​ക​ര​യി​ൽ നി​ല​യു​റ​പ്പി​ച്ചു.

വി​വ​രം അ​റി​യി​ച്ച​തി​നെ​ത്തു​ട​ർ​ന്ന് കു​ട്ട​മ്പു​ഴ റേ​ഞ്ച് ഓ​ഫി​സ​ർ എ​സ്. രാ​ജ​​െൻറ നേ​തൃ​ത്വ​ത്തി​ൽ വ​ന​പാ​ല​ക​ർ സ്ഥ​ല​ത്തെ​ത്തി. മ​ണ്ണു​മാ​ന്തി​യ​ന്ത്രം ഉ​പ​യോ​ഗി​ച്ച് കി​ണ​റി​ന് സ​മാ​ന്ത​ര വ​ഴി​യു​ണ്ടാ​ക്കി ആ​ന​ക്കു​ട്ടി​യെ ക​ര​ക്കെ​ത്തി​ച്ചു. എ​ന്നാ​ൽ, കാ​ട്ടി​ലേ​ക്ക് പോ​കാ​ൻ കൂ​ട്ടാ​ക്കാ​തെ ആ​ന​ക്കു​ട്ടി കാ​ഴ്ച​ക്കാ​രു​ടെ ഇ​ട​യി​ലേ​ക്ക്‌ ഓ​ടി​ക്ക​യ​റി. നാ​ട്ടു​കാ​രും വ​ന​പാ​ല​ക​രും ചേ​ർ​ന്ന് വ​ന​ത്തി​ലേ​ക്ക് തി​രി​ച്ചു​വി​ടാ​ൻ ശ്ര​മി​ച്ചെ​ങ്കി​ലും പ​രി​ഭ്രാ​ന്തി​യി​ലാ​യ ആ​ന​ക്കു​ട്ടി ഇ​തി​നി​ടെ ആ​ഴം​കു​റ​ഞ്ഞ മ​റ്റൊ​രു കി​ണ​റി​ൽ വീ​ണു. ആ​ളു​ക​ൾ അ​രി​കി​ടി​ച്ചും ക​ല്ലു​ക​ളി​ട്ടും ആ​ഴം കു​റ​ച്ച്​ കി​ണ​റി​ലി​റ​ങ്ങി ക​ര​ക്ക്​ ക​യ​റ്റി​വി​ട്ടു.