കു​ഞ്ഞി​നെ​ ത​ട്ടി​യെ​ടു​ത്ത സംഭവം: മെഡിക്കൽ കോളജിൽ അഡീഷണൽ ചീഫ് സെക്രട്ടറിയുടെ പരിശോധന

കോട്ടയം: ഡോ​ക്ട​ർ ച​മ​ഞ്ഞെ​ത്തി​യ യു​വ​തി ര​ണ്ടു​ ദി​വ​സം പ്രാ​യ​മാ​യ പെ​ൺ​കു​ഞ്ഞി​നെ​ ത​ട്ടി​യെ​ടു​ത്ത സംഭവത്തിന്‍റെ പശ്ചാത്തലത്തിൽ കോ​ട്ട​യം മെ​ഡി​ക്ക​ൽ കോ​ള​ജിൽ അഡീഷണൽ ചീഫ് സെക്രട്ടറി പരിശോധന നടത്തി. ശനിയാഴ്ച അർധരാത്രിയിൽ അഡീഷണൽ ചീഫ് സെക്രട്ടറി ആശ തോമസ് ആണ് പരിശോധന നടത്തിയത്.

ആശുപത്രിയിലെ സുരക്ഷാ സംവിധാനങ്ങളും കുഞ്ഞിനെ തട്ടിയെടുത്ത ദിവസത്തെ സി.സി.ടിവി ദൃശ്യങ്ങളും അഡീഷണൽ ചീഫ് സെക്രട്ടറി പരിശോധിച്ചു. ആശ തോമസും ഉടൻ തന്നെ സർക്കാറിന് റിപ്പോർട്ട് സമർപ്പിക്കുമെന്നാണ് വിവരം.

കുഞ്ഞിനെ ത​ട്ടി​യെ​ടു​ത്ത സം​ഭ​വ​ത്തി​ൽ കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി അ​ധി​കൃ​ത​രു​ടെ​യോ ജീ​വ​ന​ക്കാ​രു​ടെയോ ഭാ​ഗ​ത്ത്​ വീ​​ഴ്ച​യി​ല്ലെ​ന്നാണ്​ ആ​രോ​ഗ്യ​ വ​കു​പ്പി​​ന്‍റെ പ്രാ​ഥ​മി​ക അ​ന്വേ​ഷ​ണ റി​പ്പോ​ർ​ട്ട്. ആ​സൂ​ത്ര​ണ​ത്തി​നു ​ശേ​ഷ​മാ​ണ്​ കു​ട്ടി​യെ ക​ട​ത്തി​യ​ത്. പ്ര​തി​ക്ക്​ ആ​ശു​പ​ത്രി​ക്കു​ള്ളി​ൽ ​നി​ന്ന്​ ആ​രു​ടെ​യും സ​ഹാ​യം ല​ഭി​ച്ചി​ട്ടി​ല്ലെ​ന്നും അ​ന്വേ​ഷ​ണം ന​ട​ത്തി​യ ആ​രോ​ഗ്യ വി​ദ്യാ​ഭ്യാ​സ ജോ​യ​ന്‍റ്​​ ഡ​യ​റ​ക്ട​ർ ഡോ. ​തോ​മ​സ് മാ​ത്യു ചൂണ്ടിക്കാട്ടുന്നത്.

വ്യാ​ഴാ​ഴ്ച വൈ​കീ​ട്ട് മൂ​ന്ന​ര​യോ​ടെ​യാ​ണ് ഡോ​ക്ട​ർ ച​മ​ഞ്ഞെ​ത്തി​യ നീ​തു രാ​ജ് കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി ഗൈ​ന​കോ​ള​ജി വാ​ർ​ഡി​ൽ ​നി​ന്ന് കു​മ​ളി വ​ണ്ടി​പ്പെ​രി​യാ​ർ വ​ലി​യ​ത​റ​യി​ൽ ശ്രീ​ജി​ത്-​അ​ശ്വ​തി ദ​മ്പ​തി​ക​ളു​ടെ ര​ണ്ടു​ ദി​വ​സം പ്രാ​യ​മാ​യ പെ​ൺ​കു​ഞ്ഞി​നെ​ ത​ട്ടി​യെ​ടു​ത്തത്. ഒ​രു​ മ​ണി​ക്കൂ​റി​ന​കം​ കു​ഞ്ഞി​നെ​യും ഇ​വ​രെ​യും ആ​ശു​പ​ത്രി​ക്ക്​ സ​മീ​പ​ത്തെ ബാ​ർ ഹോ​ട്ട​ലി​ൽ​ നി​ന്ന് ഗാന്ധിനഗർ​ പൊ​ലീ​സ്​ ക​​ണ്ടെ​ത്തി.

സംഭവത്തിൽ ക​ള​മ​ശ്ശേ​രി​യി​ൽ താ​മ​സി​ക്കു​ന്ന തി​രു​വ​ല്ല സ്വ​ദേ​ശി​നി നീതു രാജും (30) സുഹൃത്തും ക​ള​മ​ശ്ശേ​രി സ്വദേശി ഇ​ബ്രാ​ഹീം ബാ​ദു​ഷയും (28) റി​മാ​ൻ​ഡി​ലാണ്. തെ​ളി​വെ​ടു​പ്പി​ന്​ നീ​തു​വി​നെ ക​സ്​​റ്റ​ഡി​യി​ലാ​വ​ശ്യ​പ്പെ​ട്ട്​ കോ​ട​തി​യി​ൽ ​തി​ങ്ക​ളാ​ഴ്ച പൊ​ലീ​സ്​ അ​പേ​ക്ഷ ന​ൽ​കും.

നീ​തു​വി​നെ​തി​രെ 10 വ​ർ​ഷം​ വ​രെ ത​ട​വു​ശി​ക്ഷ ല​ഭി​ക്കാ​വു​ന്ന കു​റ്റ​ങ്ങ​ളാ​ണ്​ ചു​മ​ത്തി​യ​ത്. മ​നു​ഷ്യ​ക്ക​ട​ത്ത്​, ആ​ൾ​മാ​റാ​ട്ടം, ത​ട്ടി​ക്കൊ​ണ്ടു​പോ​ക​ൽ തു​ട​ങ്ങി​യ വ​കു​പ്പു​ക​ളാ​ണ്​ ചു​മ​ത്തി​യ​ത്. ഒ​റ്റ​ക്കാ​ണ്​ നീ​തു കു​ട്ടി​യെ ത​ട്ടി​ക്കൊ​ണ്ടു​ പോ​യ​തെ​ന്നും മ​റ്റാ​രു​ടെ​യും സ​ഹാ​യം ല​ഭി​ച്ചി​ട്ടി​ല്ലെ​ന്നും റി​മാ​ൻ​ഡ്​ റി​പ്പോ​ർ​ട്ടി​ലുണ്ട്.