കുഞ്ഞിനെ തട്ടിയെടുത്ത സംഭവം: സുരക്ഷാവീഴ്ച നാലംഗ സമിതി അന്വേഷിക്കും

കോട്ടയം: ഡോക്ടർ ചമഞ്ഞെത്തിയ യുവതി കോട്ടയം മെഡിക്കൽ കോളജ് ആശുപത്രി ഗൈനകോളജി വാർഡിൽ നിന്ന് നവജാതശിശുവിനെ തട്ടിയെടുത്ത സംഭവം ആർ.എം.ഒ മേൽനോട്ടത്തിലുള്ള സമിതി അന്വേഷിക്കും. ആർ.എം.ഒ‍യെ കൂടാതെ നഴ്സിങ് ഒാഫീസർ, സുരക്ഷാ തലവൻ, ഫോറൻസിക് വിദഗ്ധൻ എന്നിവരാണ് അന്വേഷണ സമിതിയിലെ മറ്റംഗങ്ങൾ.

നിലവിലെ സുരക്ഷാരീതി പുനപരിശോധിക്കുക കൂടി ലക്ഷ്യമിട്ടാണ് ഇത്തരത്തിൽ ഒരു സമിതിക്ക് രൂപം നൽകിയിട്ടുള്ളത്. സന്ദർശകരെ നിയന്ത്രിക്കുന്ന കാര്യത്തിൽ കർശന നടപടി സ്വീകരിക്കണമെന്നത് അടക്കമുള്ള ശിപാർശകൾ നൽകുമെന്നാണ് ആർ.എം.ഒ വ്യക്തമാക്കിയിട്ടുള്ളത്.

വ്യാ​ഴാ​ഴ്ച വൈ​കീ​ട്ട് മൂ​ന്ന​ര​യോ​ടെ​യാ​ണ് ഡോ​ക്ട​ർ ച​മ​ഞ്ഞെ​ത്തി​യ യു​വ​തി കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി ഗൈ​ന​കോ​ള​ജി വാ​ർ​ഡി​ൽ ​നി​ന്ന് കു​മ​ളി വ​ണ്ടി​പ്പെ​രി​യാ​ർ വ​ലി​യ​ത​റ​യി​ൽ ശ്രീ​ജി​ത്-​അ​ശ്വ​തി ദ​മ്പ​തി​ക​ളു​ടെ ര​ണ്ടു​ ദി​വ​സം പ്രാ​യ​മാ​യ പെ​ൺ​കു​ഞ്ഞി​നെ​ ത​ട്ടി​യെ​ടു​ത്തത്. ഒ​രു​മ​ണി​ക്കൂ​റി​ന​കം​ കു​ഞ്ഞി​നെ​യും ഇ​വ​രെ​യും ആ​ശു​പ​ത്രി​ക്ക്​ സ​മീ​പ​ത്തെ ബാ​ർ ഹോ​ട്ട​ലി​ൽ​ നി​ന്ന്​ പൊ​ലീ​സ്​ ക​​ണ്ടെ​ത്തി.

ക​ള​മ​ശ്ശേ​രി​യി​ൽ താ​മ​സി​ക്കു​ന്ന തി​രു​വ​ല്ല സ്വ​ദേ​ശി​നി നീ​തു​വാ​ണ്​ (30) കു​ഞ്ഞി​നെ ക​ട​ത്താ​ൻ ശ്ര​മി​ച്ച​ത്. പൊലീസ് കസ്റ്റഡിയിലായ നീതുവിനെ വിശദമായി ചോദ്യം ചെയ്ത ശേഷം അറസ്റ്റ് രേഖപ്പെടുത്തി. സംഭവത്തിൽ കളമശേരി സ്വദേശി ഇബ്രാഹിം ബാദുഷ പൊലീസ് കസ്റ്റഡിയിലെടുത്തിട്ടുണ്ട്. കുഞ്ഞിനെ തട്ടിയെടുക്കാൻ പ്രതി നീതുവിനെ സഹായിച്ചത് ബാദുഷയാണെന്ന് പൊലീസ് പറയുന്നു.