Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightനികുതി ഭീകരതക്ക്​...

നികുതി ഭീകരതക്ക്​ കേരളം കൂ​ട്ടെന്ന്​ ബാബു; പാർലമെന്‍റിലേക്ക്​ സൈക്കിളിൽ പോകാൻ 19 പേരുണ്ടല്ലോയെന്ന്​ ബാലഗോപാൽ

text_fields
bookmark_border
നികുതി ഭീകരതക്ക്​ കേരളം കൂ​ട്ടെന്ന്​ ബാബു; പാർലമെന്‍റിലേക്ക്​ സൈക്കിളിൽ പോകാൻ 19 പേരുണ്ടല്ലോയെന്ന്​ ബാലഗോപാൽ
cancel

തിരുവനന്തപുരം: സംസ്ഥാന സർക്കാർ ഇന്ധനികുതി കുറക്കണമെന്ന്​ ആവശ്യപ്പെട്ട്​ നിയമസഭയിൽ പ്രതിപക്ഷത്തിന്‍റെ അടിയന്തര പ്രമേയ നോട്ടീസ്​. കെ.ബാബുവാണ്​ നിയമസഭയിൽ അടിയന്തര പ്രമേയം അവതരിപ്പിച്ച്​ സംസാരിച്ചത്​. കേന്ദ്രസർക്കാറിന്‍റെ നികുതി ഭീകരതക്ക്​ സംസ്ഥാനം കൂട്ടുനിൽക്കുകയാണെന്ന്​ ബാബു ആരോപിച്ചു. ജനങ്ങൾക്ക്​ ആശ്വാസം നൽകാൻ നികുതിയിൽ ഇളവ്​ വേണമെന്നും ബാബു ആവശ്യപ്പെട്ടു.

വാഹനങ്ങൾ അയൽ സംസ്ഥാനങ്ങളിൽ പോയി ഇന്ധനം നിറക്കുകയാണ്​. ഇതുമൂലം പ്രതിദിനം കേരളത്തിന്​ 1.10 കോടി രൂപയുടെ നികുതി നഷ്​ടമുണ്ടാവുകയാണ്​. ഇന്ധനനികുതിയിൽ യു.ഡി.എഫ്​ 670 കോടിയുടെ ഇളവ്​ നൽകിയത്​ എന്തുകൊണ്ട്​ പറയുന്നില്ലെന്നും ബാബു പറഞ്ഞു.

അതേസമയം, കേ​ന്ദ്രസർക്കാർ തന്നെ നികുതി കുറക്ക​ട്ടെയെന്നാണ്​ സംസ്ഥാനത്തിന്‍റെ നിലപാടെന്ന്​ ധനമന്ത്രി കെ.എൻ.ബാലഗോപാൽ വിശദീകരിച്ചു. സംസ്ഥാന ആറ്​ വർഷമായി നികുതി കൂട്ടിയിട്ടില്ല. പാർലമെന്‍റിലേക്ക്​ സൈക്കിളിൽ പോകാൻ 19 പേരുണ്ടല്ലോ ? അവർ എന്താണ്​ പോകാത്തതെന്നും ധനമന്ത്രി ചോദിച്ചു. അടിയന്തര പ്രമേയത്തിന്​ അനുമതി നിഷേധിച്ചതിനെ തുടർന്ന്​ പ്രതിപക്ഷം സഭയിൽ നിന്നും ഇറങ്ങിപ്പോയി. സംസ്ഥാനസർക്കാർ ഇന്ധനനികുതി കുറക്കാത്തതിനെതിരെ എം.എൽ.എ ഹോസ്റ്റലിൽ നിന്നും നിയമസഭയിലേക്ക്​ സൈക്കിളിലെത്തിയാണ്​ പ്രതിപക്ഷം പ്രതിഷേധിച്ചത്​.

Show Full Article
TAGS:k babu K N Balagopal 
News Summary - Babu accuses Kerala of tax terrorism; Balagopal says there are 19 people to cycle to Parliament
Next Story