ആനയും കടുവയും ക്ലാസ്​ റൂമിൽ; ഇവിടെ പഠനത്തിന്​ ഓഗ്യുമെൻറഡ്​ റിയാലിറ്റിയും

മൂർക്കനാട് (മലപ്പുറം): ഓൺലൈൻ പഠനത്തി​​െൻറ പുത്തൻ സാധ്യതകളുമായി മൂർക്കനാട് എ.ഇ.എം.എ.യു.പി സ്കൂൾ. ‘ഓഗ്യു​മ​െൻറഡ് റിയാലിറ്റി’ എന്ന സാങ്കേതിക വിദ്യയിലൂടെ ക്ലാസ്​റൂമിൽ കടുവയും ആനയുമെല്ലാം അവതരിപ്പിക്കുകയാണ്​ അധ്യാപകർ. 

കേരളത്തിൽ തന്നെ ഒരു പൊതുവിദ്യാലയം ആദ്യമായിട്ടായിരിക്കും ഇത്തരത്തിൽ ഓഗ്യുമ​െൻറഡ് റിയാലിറ്റി വഴി പഠനംപ്രവർത്തനങ്ങൾ ആവിഷ്‌കരിക്കുന്നത്. ക്ലാസ്മുറിയുടെ നാല് ചുമരുകൾക്കുള്ളിൽ കൗതുകങ്ങളുടെ ദൃശ്യവിരുന്നൊരുക്കി പഠനം ആനന്ദപൂർണവും ആകർഷകത്വവുമാക്കുന്ന ഐ.ടി അധിഷ്ഠിത മായാജാലം കൂട്ടികൾക്കായി കാഴ്ചവെക്കുകയാണ് സ്​കൂൾ അധികൃതർ. മൃഗങ്ങളെ കൂടാതെ ഭൂമിയും മറ്റു ഗ്രഹങ്ങളും നക്ഷത്രവുമെല്ലാം പുത്തൻ സാ​ങ്കേതിക വിദ്യ വഴി കുട്ടികൾക്ക്​ മുന്നിൽ ഇവർ എത്തിക്കുന്നു.

ഈ പാഠ്യരീതിയിലൂടെ വിദ്യാലയം ഓൺലൈൻ പഠനരംഗത്ത് വലിയൊരു ചുവടുവെപ്പാണ് നടത്തിയിരിക്കുന്നത്.  ഓഗ്യുമ​െൻറഡ് റിയാലിറ്റി വഴിയുള്ള ക്ലാസുകൾ വിദ്യാലയത്തി​​െൻറ തന്നെ യുട്യൂബ് ചാനൽ വഴിയും വാട്‌സ്ആപ്പ് ഗ്രൂപ്പുകൾ വഴിയുമാണ് കുട്ടികളിലേക്ക് എത്തിക്കുന്നത്. ശാസ്ത്ര വിഷയങ്ങളിലേതടക്കം തയാറാക്കിയ ക്ലാസുകൾ വരും ദിവസങ്ങളിൽ യൂട്യൂബ് ചാനൽ വഴി കുട്ടികൾക്ക് നൽകും​. 

‘അറിവ് നൽകാം, പുതിയ വഴികളിലൂടെ’ എന്ന ആശയത്തെ മുൻനിർത്തി വിദ്യാലയത്തിലെ അധ്യാപകാൻ വി. ശ്യാമി​​െൻറ നേതൃത്വത്തിലാണ്​ ഈ ആശയം പ്രാവർത്തികമാക്കിയത്. സിന്ധു, സുനിത, ജയശ്രീ തുടങ്ങിയ അധ്യാപകർ ആദ്യഘട്ട ക്ലാസുകൾ അവതരിപ്പിച്ചു.