കർദിനാളും കന്യാസ്ത്രീയും തമ്മിലുള്ള ഫോണ്‍ സംഭാഷണം പുറത്ത്

കൊച്ചി: ജലന്ധർ ബിഷപ് ഫ്രാങ്കോ മുളക്കൽ കന്യാസ്​ത്രീയെ പീഡിപ്പിച്ചെന്ന പരാതിയിൽ കൂടുതൽ അന്വേഷണത്തിനായി പ്രത്യേക ​െപാലീസ്​ സംഘം ബംഗളൂരുവിൽ. മിഷനറീസ് ജീസസ് സന്യാസിനി സമൂഹത്തിൽനിന്ന്​ അടുത്തിടെ മാറിയ കന്യാസ്ത്രീകളുടെ മൊഴി രേഖപ്പെടുത്തുകയാണ്​ ലക്ഷ്യമെന്ന്​ അന്വേഷണത്തിന്​​ മേൽനോട്ടം വഹിക്കുന്ന ഉന്നത ഉദ്യോഗസ്ഥർ അറിയിച്ചു. ഡി.ജി.പിയുടെ അനുമതി ലഭിച്ചാലുടൻ ജലന്ധറിലെത്തി ബിഷപ് ഫ്രാങ്കോ മുളക്കലിനെ ചോദ്യംചെയ്യാനും തീരുമാനമായി. വെള്ളിയാഴ്​ച അനുമതി കിട്ടുമെന്നാണ്​ പ്രതീക്ഷ. 

അതിനിടെ ലൈംഗിക പീഡനം സംബന്ധിച്ച് പരാതിക്കാരിയായ കന്യാസ്ത്രീ തന്നോട്​ ഒന്നും പറഞ്ഞിട്ടില്ലെന്ന കർദിനാൾ ജോർജ് ആലഞ്ചേരിയുടെ മൊഴി അ​േന്വഷണ സംഘം മുഖവിലയ്​ക്കെടുക്കുന്നില്ല. കന്യാസ്​ത്രീ മൊഴിയിൽ ഉറച്ചുനിൽക്കുന്നതിനാൽ കർദിനാളി​​​െൻറ മൊഴി അപൂർണമാണെന്നും  അവർ പറയുന്നു. മഠത്തിലെ പ്രശ്നങ്ങൾ സംബന്ധിച്ചാണ് തന്നോട് പറഞ്ഞതെന്നും ഇക്കാര്യം മേലധികാരികളെ അറിയിക്കാൻ നിർദേശിച്ചെന്നുമാണ്​ കർദിനാൾ അറിയിച്ചത്​. ബിഷപ് പീഡിപ്പിച്ചതു സംബന്ധിച്ച് കന്യാസ്ത്രീ പരാതി നൽകിയിരുന്നോ എന്നതിൽ  വ്യക്തതവരുത്താനാണ് സംഘം കർദിനാളിനെ കണ്ടത്.

അതീവ രഹസ്യസ്വഭാവം ഉള്ളതെന്ന് കന്യാസ്ത്രീ പരാതിയിൽ രേഖപ്പെടുത്തിയിരുന്നതിനാലാണ് സംഭവത്തെക്കുറിച്ച്​ മറ്റാരോടും പറയാതിരുന്നതെന്നും കർദിനാൾ പറഞ്ഞു. 2014 മേയ് മുതൽ രണ്ടുവർഷത്തിനി​െട 13 പ്രാവശ്യം ലൈംഗികമായി പീഡിപ്പി​െച്ചന്നാണ് കന്യാസ്ത്രീയുടെ മൊഴി. കർദിനാളി​ൽനിന്ന്​ ലഭിച്ച മൊഴി വീണ്ടും പരിശോധിക്കാനാണ്​ ​ഉന്നത ഉദ്യോഗസ്ഥരുടെ നിർദേശം. കേരളത്തിലെ അന്വേഷണത്തി​​​െൻറ പ്രാഥമിക ഘട്ടം പൂർത്തിയായെന്നും അന്വേഷണ സംഘം വ്യക്തമാക്കി. അന്വേഷണ പുരോഗതി കോട്ടയം എസ്.പി വിലയിരുത്തി.

അതേസമയം, കന്യാസ്ത്രീ പീഡനവിവരം അറിയിച്ചിട്ടില്ലെന്ന മാര്‍ ജോര്‍ജ് ആലഞ്ചേരിയുടെ വാദം തള്ളുന്ന ടെലിഫോണ്‍ സംഭാഷണങ്ങള്‍ പുറത്തുവന്നു.  ബിഷപ്​ ഫ്രാ​േങ്കാ മുള​ക്കലിനെതിരെ കന്യാസ്ത്രീ കര്‍ദിനാളിനോട് പരാതി പറയുന്നതെന്ന്​ കരുതുന്ന​ സംഭാഷണങ്ങളാണ്​ ​കന്യാസ്​ത്രീയുടെ ബന്ധുക്കൾ പുറത്തുവിട്ടിരിക്കുന്നത്​.‘പീഡനത്തിന്​ ഇരയായെങ്കില്‍ അത് ശരിയല്ലെന്നും ബിഷപ് തെറ്റ് ചെയ്തിട്ടുണ്ടെങ്കില്‍ പാഠം പഠിക്കട്ടേയെന്നും’ കര്‍ദിനാള്‍ സംഭാഷണത്തിൽ  പറയുന്നു.

കന്യാസ്ത്രീ അംഗമായ സന്യാസിനിസഭ തനിക്കു കീഴില്‍ അല്ലാത്തതിനാല്‍ ഇടപെടാന്‍ പരിമിതിയുണ്ടെന്നും മുംബൈയിലെ കര്‍ദിനാള്‍ ഓസ്വാള്‍ഡ് ഗ്രേഷ്യസിനെക്കണ്ട് പരാതി അറിയിക്കാനും കന്യാസ്ത്രീയെ ഉപദേശിക്കുന്നുണ്ട്​. കേസ് കൊടുക്കാന്‍ പോകുകയാണെന്ന് പറയുമ്പോള്‍ അഭിഭാഷകരോട് ആലോചിച്ചു തീരുമാനിക്കാനാണ്​ മറുപടി​. പൊലീസ് ചോദിക്കുകയാണെങ്കില്‍ ഒന്നും പറഞ്ഞിട്ടില്ലെന്നേ പറയൂവെന്നും കര്‍ദിനാള്‍ വ്യക്തമാക്കുന്നുണ്ട്​. എന്നാൽ, ഇൗ ഫോൺ സംഭാഷണം പ്രചരിപ്പിക്കുന്നത്​ തെറ്റുദ്ധരിപ്പിക്കാനാണെന്ന്​ സീറോ മലബാർ സഭ നേതൃത്വത്തി​​​െൻറ വിശദീകരണം.

അന്വേഷണ സംഘം പാലാ ബിഷപ് ​േജാസഫ്​ കല്ലറങ്ങാട്ടി​​​െൻറ മൊഴിയും എടുത്തിരുന്നു. ഫ്രാങ്കോ മുളക്കല്ലിനെതിരെ കന്യാസ്ത്രീ വാക്കാൽ പരാതിപ്പെട്ടെന്നായിരുന്നു അദ്ദേഹത്തി​​​െൻറ മൊഴി.