ടാറ്റയടക്കം എട്ട്​ കമ്പനികളിൽനിന്ന്​ ഹ്രസ്വകാല വൈദ്യുത കരാറിന്​ ശ്രമം

തി​രു​വ​ന​ന്ത​പു​രം: ടാ​റ്റ​യ​ട​ക്കം എ​ട്ട്​ ക​മ്പ​നി​ക​ളി​ൽ​നി​ന്ന്​ ഹ്ര​സ്വ​കാ​ല വൈ​ദ്യു​ത ക​രാ​റു​ക​ൾ​ക്ക്​ അ​നു​മ​തി തേ​ടി കെ.​എ​സ്.​ഇ.​ബി റ​ഗു​ലേ​റ്റ​റി ക​മീ​ഷ​​നെ സ​മീ​പി​ച്ചു. ഈ​വ​ർ​ഷം ഡി​സം​ബ​ർ​വ​രെ​യും അ​ടു​ത്ത​വ​ർ​ഷം മാ​ർ​ച്ച്​ മു​ത​ൽ മേ​യ്​ 15 വ​രെ​യു​മു​ള്ള വൈ​ദ്യു​തി​ക്ഷാ​മം നേ​രി​ടാ​നാ​ണ്​ ക​രാ​റു​ക​ൾ​ക്ക്​ ശ്ര​മി​ക്കു​ന്ന​ത്. ടാ​റ്റ പ​വ​ർ ട്രേ​ഡി​ങ്​ ക​മ്പ​നി ലി​മി​റ്റ​ഡി​ന്​ പു​റ​മേ ഗ്രീ​ൻ​കോ എ​ന​ർ​ജീ​സ് പ്രൈ​വ​റ്റ് ലി​മി​റ്റ​ഡ്, ജി​ൻ​ഡാ​ൽ പ​വ​ർ ലി​മി​റ്റ​ഡ്, പ​വ​ർ പ​ൾ​സ് ട്രേ​ഡി​ങ്​ സൊ​ല്യൂ​ഷ​ൻ​സ് ലി​മി​റ്റ​ഡ്, എ​ൻ.​ടി.​പി.​സി വി​ദ്യു​ത് വ്യാ​പാ​ർ നി​ഗം ലി​മി​റ്റ​ഡ്, അ​രു​ണാ​ച​ൽ പ്ര​ദേ​ശ് പ​വ​ർ കോ​ർ​പ​റേ​ഷ​ൻ പ്രൈ​വ​റ്റ് ലി​മി​റ്റ​ഡ്, മ​ണി​ക​ര​ൺ പ​വ​ർ ലി​മി​റ്റ​ഡ്, ജെ.​എ​സ്.​ഡ​ബ്ല്യു എ​ന​ർ​ജി ലി​മി​റ്റ​ഡ് എ​ന്നി ക​മ്പ​നി​ക​ളി​ൽ​നി​ന്നാ​ണ്​ വൈ​ദ്യു​തി വാ​ങ്ങാ​ൻ ഉ​ദ്ദേ​ശി​ക്കു​ന്ന​തെ​ന്ന്​ കെ.​എ​സ്​​ഇ.​ബി വ്യ​ക്​​ത​മാ​ക്കി. ഇ​തു​സം​ബ​ന്ധി​ച്ച തെ​ളി​വെ​ടു​പ്പ്​ 23ന്​ ​ന​ട​ത്തും.

ബാ​റ്റ​റി എ​ന​ർ​ജി സ്​​റ്റോ​റേ​ജ്​ പ​ദ്ധ​തി​യു​മാ​യി കെ.​എ​സ്.​ഇ.​ബി​യു​ടെ ​​അ​പേ​ക്ഷ​യും അ​ന്ന്​ പ​രി​ഗ​ണി​ക്കും. അ​തേ​സ​മ​യം പു​ന​രു​പ​യോ​ഗ ഊ​ർ​ജ ച​ട്ട ഭേ​ദ​ഗ​തി സം​ബ​ന്ധി​ച്ച്​ ക​മീ​ഷ​ൻ ന​ട​ത്തു​ന്ന തെ​ളി​വെ​ടു​പ്പ്​ ബു​ധ​നാ​ഴ്ച സ​മാ​പി​ച്ചു. ഓ​ൺ​ലൈ​നാ​യി ന​ട​ന്ന തെ​ളി​വെ​ടു​പ്പി​ൽ സൗ​രോ​ർ​ജ ഉ​ൽ​പാ​ദ​ന മേ​ഖ​ല​യി​ലെ ച​ട്ട​ഭേ​ദ​ഗ​തി​ക്കെ​തി​രെ ക​ടു​ത്ത വി​മ​ർ​ശ​മാ​ണ്​ ഉ​ൽ​പാ​ദ​ക​രും സം​രം​ഭ​ക​രും ഉ​ന്ന​യി​ച്ച​ത്. പു​ര​പ്പു​റ സൗ​രോ​ർ​ജ ഉ​ൽ​പാ​ദ​ന​ത്തെ ത​ക​ർ​ക്കു​ന്ന​താ​ണ്​ ച​ട്ട​ഭേ​ദ​ഗ​തി​യെ​ന്ന വാ​ദം ഉ​ൽ​പാ​ദ​ക​ർ ഉ​യ​ർ​ത്തി​യ​പ്പോ​ൾ സോ​ളാ​ർ വ്യാ​പ​നം 500 കോ​ടി​യോ​ളം രൂ​പ​യു​ടെ ന​ഷ്ട​മു​ണ്ടാ​ക്കു​ന്നെ​ന്ന ക​ണ​ക്ക്​ നി​ര​ത്തി​യാ​യി​രു​ന്നു കെ.​എ​സ്.​ഇ.​ബി ​​പ്ര​തി​രോ​ധം. തെ​ളി​വെ​ടു​പ്പി​ൽ ഉ​യ​ർ​ന്ന വാ​ദ​ങ്ങ​ൾ പ​രി​ശോ​ധി​ച്ച്​ അ​ന്തി​മ​ച​ട്ടം സെ​പ്​​റ്റം​ബ​റോ​ടെ ​പു​റ​ത്തി​റ​ക്കാ​നും ഒ​ക്​​ടോ​ബ​ർ ഒ​ന്നു​മു​ത​ൽ പു​തി​യ ബി​ല്ലി​ങ്​ രീ​തി ന​ട​പ്പാ​ക്കാ​നു​മാ​ണ്​ ക​മീ​ഷ​ൻ ല​ക്ഷ്യ​മി​ടു​ന്ന​ത്.