കുരുന്നു മനസ്സിൽ വി​ദ്വേഷം കുത്തിവെക്കാനുള്ള മുതിർന്നവരുടെ ശ്രമം അപകടം: പോപുലർ ഫ്രണ്ട് റാലിയിലെ മുദ്രാവാക്യത്തിൽ പ്രതികരണവുമായി ഷാഫി പറമ്പിൽ

പാലക്കാട്: കുരുന്നു മനസ്സിൽ വി​ദ്വേഷം കുത്തിവെക്കാനുള്ള മുതിർന്നവരുടെ ശ്രമം ഹീനവും അപകടകരവുമാണെന്ന് യൂത്ത് കോൺഗ്രസ് സംസ്ഥാന അധ്യക്ഷൻ ഷാഫി പറമ്പിൽ എം.എൽ.എ.പോപുലർ ഫ്രണ്ട് റാലിയിലെ മുദ്രാവാക്യവുമായി ബന്ധപ്പെട്ട് ഫേസ്ബുക്ക് കുറിപ്പിലൂടെയായിരുന്നു അദ്ദേഹത്തി​ന്റെ പ്രതികരണം.

റാലിയിൽ ആ കൊച്ചുകുഞ്ഞ് വിളിച്ച മുദ്രാവാക്യം എന്തായാലും അവന്റെ സൃഷ്ടിയല്ല. അത് ആരെങ്കിലും പഠിപ്പിച്ചത് തന്നെയാകും. ആ കുഞ്ഞ് അങ്ങനെ വിളിക്കുമ്പോൾ തടയുന്നതിന് പകരം ഏറ്റുപാടി ആഘോഷിച്ച് നടന്ന, വിഭാഗീയതയിൽ ആനന്ദം കണ്ടെത്തുന്നവരെ സമൂഹം ഒറ്റപ്പെടുത്തണമെന്നും കുട്ടിയെ കൊണ്ട് ഇത് പറയിപ്പിച്ചവർക്കെതിരെ കേസെടുക്കണമെന്നും അദ്ദേഹം ആവശ്യ​പ്പെട്ടു.