പോക്‌സോ പ്രതി വിവാഹിതനാകാന്‍ ശ്രമിക്കുന്നത് നിയമത്തോടുള്ള വെല്ലുവിളി -അഡ്വ.എം.എസ്. താര

കൊല്ലം: ബലാത്സംഗം ചെയ്​ത യുവതിയെ വിവാഹം കഴിക്കാന്‍ ജാമ്യം അനുവദിക്കണമെന്ന കൊട്ടിയൂര്‍ പോക്‌സോ പീഡനക്കേസിലെ പ്രതി റോബിന്‍ വടക്കുംചേരിയുടെ ഹരജി തള്ളിയ സുപ്രീംകോടതി നടപടിയെ കേരള വനിതാ കമീഷന്‍ അഭിനന്ദിച്ചു. പ്രതി റോബിന്‍ വടക്കുംചേരിയുടെ വാദം നിയമവ്യവസ്ഥയോടുള്ള വെല്ലുവിളിയാണെന്ന് കമീഷന്‍ അംഗം അഡ്വ. എം.എസ്. താര പറഞ്ഞു.

കോടതി ഇത് അനുവദിച്ചിരുന്നെങ്കില്‍ ഇതി​െൻറ ചുവടുപിടിച്ച്, പ്രതികള്‍ ബലാത്സംഗത്തിന്​ വിധേയരാക്കിയവരെ ഭീഷണിപ്പെടുത്തിയും സ്വാധീനിച്ചും നീതിന്യായ വ്യവസ്ഥയെ അട്ടിമറിക്കാന്‍ ശ്രമിക്കുമെന്ന് ആശങ്കപ്പെടുന്നതായും അവർ പറഞ്ഞു.