പി. ജയരാജന്‍റെ പേരിൽ തട്ടിപ്പിന്​ ശ്രമം

കണ്ണൂർ: സി.പി.എം സംസ്ഥാന കമ്മിറ്റിയംഗവും ഖാദിബോർഡ്​ വൈസ്​ചെയർമാനുമായ പി. ജയരാജന്‍റെ പേരിൽ വാട്​സ്​ആപ്പിൽ പണം ആവശ്യപ്പെട്ട്​ തട്ടിപ്പ്​. അദ്ദേഹത്തിന്‍റെ ഫോട്ടോ ഉപയോഗിച്ച്​ പ്രൊഫൈൽ തയ്യാറാക്കിയുള്ള വാട്​സ്​ആപ്പ്​ അക്കൗണ്ട്​ ഉപയോഗിച്ച്​ നിരവധി പേരിൽ നിന്ന്​ പണം ആവശ്യപ്പെടുകയായിരുന്നു.

ജയരാജന്‍റെ പരാതിയിൽ കണ്ണൂർ ടൗൺ​ പൊലീസ്​ കേസെടുത്തു. കൊയിലാണ്ടി സ്വദേശിയുടെ നമ്പർ ഉപയോഗിച്ചാണ്​ തട്ടിപ്പിന്​ ശ്രമം നടന്നതെന്ന്​ പൊലീസിന്‍റെ പ്രാഥമികാന്വേഷണത്തിൽ തെളിഞ്ഞു.