അട്ടപ്പാടി കരാർ: അന്വേഷിക്കാൻ റവന്യൂ മന്ത്രിയുടെ നിർദേശം; വരടിമല തിരിച്ചെടുക്കാൻ വനംവകുപ്പ്​ നീക്കം

തി​രു​വ​ന​ന്ത​പു​രം: അ​ട്ട​പ്പാ​ടി​യി​ൽ ആ​ദി​വാ​സി പു​ന​ര​ധി​വാ​സ ഭൂ​മി സ്വ​കാ​ര്യ സ്ഥാ​പ​ന​ത്തി​ന് ക​രാ​ർ ന​ൽ​കി​യ​ത് സം​ബ​ന്ധി​ച്ച് അ​ന്വേ​ഷ​ണം ന​ട​ത്തി റി​പ്പോ​ർ​ട്ട് ന​ൽ​ക​ണ​മെ​ന്ന് മ​ന്ത്രി ഇ. ​ച​ന്ദ്ര​ശേ​ഖ​ര​ൻ ലാ​ൻ​ഡ് റ​വ​ന്യൂ ക​മീ​ഷ​ണ​ർ​ക്ക് നി​ർ​ദേ​ശം ന​ൽ​കി. ആ​ദി​വാ​സി ഭൂ​മി ക​രാ​ർ ന​ൽ​കി​യ​ത് നി​യ​മ​വി​രു​ദ്ധ​മാ​ണെ​ന്ന 'മാ​ധ്യ​മം' വാ​ർ​ത്ത​യു​ടെ അ​ടി​സ്ഥാ​ന​ത്തി​ലാ​ണ് ഇത്. ആ​ദി​വാ​സി​ക​ളു​ടെ ആ​രോ​പ​ണ​ങ്ങ​ൾ അ​ന്വേ​ഷി​ക്കാ​ൻ പ്ര​ത്യേ​ക ഓ​ഫി​സ​റെ നി​യോ​ഗി​ക്ക​ണ​മെ​ന്നും മ​ന്ത്രി ക​ത്തി​ൽ ചൂ​ണ്ടി​ക്കാ​ട്ടി.

അ​ട്ട​പ്പാ​ടി ഫാ​മി​ങ് സ​ഹ​ക​ര​ണ സൊ​സൈ​റ്റി അ​ധി​കൃ​ത​രു​ടെ തീ​രു​മാ​ന​മ​നു​സ​രി​ച്ച് ഒ​റ്റ​പ്പാ​ലം മു​ൻ സ​ബ് ക​ല​ക്ട​ർ ജെ​റോ​മി​ക് ജോ​ർ​ജാ​ണ് 2730 ഏ​ക്ക​ർ ഭൂ​മി 26 വ​ർ​ഷ​ത്തേ​ക്ക്​ ക​രാ​ർ ന​ൽ​കി​യ​ത്. സൊ​സൈ​റ്റി​യു​ടെ മാ​നേ​ജി​ങ് ഡ​യ​റ​ക്ട​റാ​ണ് ഒ​റ്റ​പ്പാ​ലം സ​ബ് ക​ല​ക്ട​ർ. ക​രാ​ർ ന​ൽ​കാ​ൻ സൊ​സൈ​റ്റി​ക്ക് അ​ധി​കാ​ര​മു​ണ്ടെ​ന്നാ​ണ് സെ​ക്ര​ട്ട​റിയുടെ റി​പ്പോ​ർ​ട്ടി​ലെ വാ​ദം. പാ​ല​ക്കാ​ട് ക​ല​ക്ട​റോ​ട് റ​വ​ന്യൂ വ​കു​പ്പ് നേ​ര​ത്തെ റി​പ്പോ​ർ​ട്ട് ആ​വ​ശ്യ​പ്പെ​ട്ടി​രു​ന്നു. എ​ന്നാ​ൽ, സൊ​സൈ​റ്റി സെ​ക്ര​ട്ട​റി ത​യാ​റാ​ക്കി​യ അ​തേ റി​പ്പോ​ർ​ട്ടാ​ണ് ക​ല​ക്ട​റു​ടെ പേ​രി​ൽ ഡെ​പ്യൂ​ട്ടി ക​ല​ക്ട​ർ നൽകിയത്.

ഫാ​മി​ങ് സൊ​സൈ​റ്റി​യു​ടെ പ്ര​സി​ഡ​ൻ​റാ​ണ് ക​ല​ക്ട​ർ. ക​രാ​റി​ൽ സാ​ക്ഷി​യാ​യി ഒ​പ്പു​വെ​ച്ച അ​ട്ട​പ്പാ​ടി ഐ.​ടി.​ഡി.​പി മു​ൻ ഓ​ഫി​ർ കൃ​ഷ്ണ പ്ര​കാ​ശ് നി​ല​വി​ൽ പ​ട്ടി​ക​വ​ർ​ഗ ഡ​യ​റ​ക്ട​റേ​റ്റി​ലെ ഡെ​പ്യൂ​ട്ടി ഡ​യ​റ​ക്ട​റാ​ണ്. ക​രാ​ർ ന​ൽ​കി​യ ഉ​ദ്യോ​ഗ​സ്ഥ​ർ ത​ന്നെ അ​ന്വേ​ഷി​ച്ചാ​ൽ സ​ത്യം പു​റ​ത്ത് വ​രി​ല്ലെ​ന്ന​തി​നാ​ലാ​ണ് അ​ന്വേ​ഷ​ണം ലാ​ൻ​ഡ് റ​വ​ന്യൂ ക​മീ​ഷ​ണ​റെ ഏ​ൽ​പി​ച്ച​ത്. 1999ലെ ​പ​ട്ടി​ക​വ​ർ​ഗ ഭൂ​മി കൈ​മാ​റ്റ​വും നി​യ​ന്ത്ര​ണ​വും പു​ന​ര​വ​കാ​ശ സ്ഥാ​പ​ന​വും നി​യ​മ​പ്ര​കാ​രം ക​രാ​ർ ന​ൽ​കാ​ൻ ക​ഴി​യി​ല്ലെ​ന്ന ആ​ദി​വാ​സി​ക​ളു​ടെ വാ​ദ​മാ​ണ് പ്ര​ധാ​ന​മാ​യും പ​രി​ശോ​ധി​ക്കു​ക.

അ​തേ​സ​മ​യം, ഭൂ​ര​ഹി​ത​രാ​യ ആ​ദി​വാ​സി​ക​ളു​ടെ പു​ന​ര​ധി​വാ​സ​ത്തി​ന് ന​ൽ​കി​യ നി​ക്ഷി​പ്ത വ​ന​ഭൂ​മി​യാ​യ വ​ര​ടി​മ​ല തി​രി​ച്ചു​പി​ടി​ക്കാ​ൻ വ​നം​വ​കു​പ്പ് നീ​ക്കം തു​ട​ങ്ങി. അ​ടി​മ​ത്തം അ​നു​ഭ​വി​ച്ചി​രു​ന്ന ആ​ദി​വാ​സി​ക​ളെ മോ​ചി​പ്പി​ക്കു​ന്ന​തി​ന്​ വേ​ണ്ടി​യാ​ണ് വ​നം​വ​കു​പ്പ് നി​ക്ഷി​പ്ത വ​ന​ഭൂ​മി ന​ൽ​കി​യ​ത്.

ആ​ദി​വാ​സി​ക​ളു​ടെ പു​ന​ര​ധി​വാ​സ​ത്തി​നും അ​വ​രു​ടെ കൃ​ഷി​ക്കും മാ​ത്ര​മേ ഭൂ​മി ഉ​പ​യോ​ഗി​ക്കാ​വൂ എ​ന്ന വ്യ​വ​സ്ഥ​യോ​ടെ​യാ​ണ് ഭൂ​മി അ​നു​വ​ദി​ച്ച​ത്. 1975ൽ ​വ​ര​ടി​മ​ല​യി​ൽ 120 ആ​ദി​വാ​സി കു​ടും​ബ​ങ്ങ​ളെ​യാ​ണ് പു​ന​ര​ധി​വ​സി​പ്പി​ച്ച​ത്. ഇ​വ​രാ​യി​രു​ന്നു ഭൂ​മി​യു​ടെ അ​വ​കാ​ശി​ക​ൾ. എ​ന്നാ​ൽ ഫാ​മി​ങ്​ സൊ​സൈ​റ്റി​യു​ടെ കെ​ടു​കാ​ര്യ​സ്ഥ​ത​മൂ​ലം വ​ര​ടി​മ​ല പു​ന​ര​ധി​വാ​സ​ത്തി​െൻറ താ​ളം​തെ​റ്റി.