അ​ട്ട​പ്പാ​ടി​യി​ൽ വീ​ണ്ടും  ന​വ​ജാ​ത​ശി​ശു​മ​ര​ണം

അഗളി: അട്ടപ്പാടിയിൽ വീണ്ടും നവജാതശിശു മരിച്ചു. പുതൂർ ചീരക്കടവ് ഊരിലെ ശാന്തി^മുരുകൻ ദമ്പതികളുടെ മൂന്നുദിവസം പ്രായമുള്ള ആൺകുഞ്ഞാണ് വെള്ളിയാഴ്ച രാവിലെ കോട്ടത്തറ ട്രൈബൽ ആശുപത്രിയിൽ മരിച്ചത്. ഈ വർഷം മൂന്നാമത്തെ സംഭവമാണിത്. ചൊവ്വാഴ്ച ആനക്കട്ടിയിലെ ബഥനി ആശുപത്രിയിലായിരുന്നു ശാന്തിയുടെ പ്രസവം. ഏഴുമാസം ഗർഭിണിയായിരിക്കെ ഇവരെ ആരോഗ്യകാരണങ്ങളാൽ സ്വകാര്യാശുപത്രിയിൽ പ്രവേശിപ്പിച്ചിരുന്നു. കുഞ്ഞിന് 860 ഗ്രാം മാത്രമായിരുന്നു തൂക്കം. ശാന്തിയുടെ രണ്ടാമത്തെ കുഞ്ഞാണിത്.