ഡി-സോൺ കലോത്സവത്തിനിടെ ആക്രമണം; മൂന്ന് കെ.എസ്.യു നേതാക്കൾ അറസ്റ്റിൽ

മാ​ള (തൃ​ശൂ​ർ): കാ​ലി​ക്ക​റ്റ് സ​ർ​വ​ക​ലാ​ശാ​ല ഡി-​സോ​ൺ ക​ലോ​ത്സ​വ​ത്തി​നി​ടെ എ​സ്.​എ​ഫ്.​ഐ പ്ര​വ​ർ​ത്ത​ക​രെ ആ​ക്ര​മി​ച്ച കേ​സി​ൽ മൂ​ന്ന് കെ.​എ​സ്.​യു നേ​താ​ക്ക​ൾ അ​റ​സ്റ്റി​ൽ. കെ.​എ​സ്.​യു തൃ​ശൂ​ർ ജി​ല്ല പ്ര​സി​ഡ​ൻ​റ് കോ​ട്ട​പ്പ​ടി കു​ഴി​ക്കാ​ട്ടി​ൽ വീ​ട്ടി​ൽ ഗോ​കു​ൽ (27), സം​സ്ഥാ​ന ട്ര​ഷ​റ​ർ ക​ണി​മം​ഗ​ലം പ​ന​മു​ക്ക് സ്വ​ദേ​ശി ത​യ്യി​ൽ വീ​ട്ടി​ൽ സ​ച്ചി​ൻ (26), സം​സ്ഥാ​ന എ​ക്സി​ക്യൂ​ട്ടി​വ് അം​ഗം മ​ല​പ്പു​റം പ​ര​പ്പ​ന​ങ്ങാ​ടി അ​രി​യ​ല്ലൂ​ർ പാ​റ​ക്ക​ണ്ണി​ത്ത​റ​യി​ൽ വീ​ട്ടി​ൽ സു​ദേ​വ് (31) എ​ന്നി​വ​രെ​യാ​ണ് മാ​ള എ​സ്.​എ​ച്ച്.​ഒ സ​ച്ചി​ൻ ശ​ശി അ​റ​സ്റ്റ് ചെ​യ്ത​ത്.ഇ​വ​രെ റി​മാ​ൻ​ഡ് ചെ​യ്തു.

മാ​ള ഹോ​ളി ഗ്രേ​സി​ൽ ന​ട​ന്ന ഡി-​സോ​ൺ ക​ലോ​ത്സ​വ​ത്തി​നി​ടെ ന​ട​ന്ന ആ​ക്ര​മ​ണ​ത്തി​ൽ ത​ല​ക്ക് ഗു​രു​ത​ര പ​രി​ക്കേ​റ്റ് മെ​ഡി​ക്ക​ൽ കോ​ള​ജി​ൽ ചി​കി​ത്സ​യി​ലു​ള്ള കേ​ര​ള​വ​ർ​മ കോ​ള​ജ്​ എ​സ്.​എ​ഫ്.​ഐ യൂ​നി​റ്റ്​ സെ​ക്ര​ട്ട​റി ആ​ശി​ഷ് കൃ​ഷ്ണ​യു​ടെ (20) മൊ​ഴി​യു​ടെ അ​ടി​സ്ഥാ​ന​ത്തി​ലാ​ണ് അ​റ​സ്റ്റ്. ആ​ലു​വ യു.​സി. കോ​ള​ജി​ന് സ​മീ​പ​ത്തു​നി​ന്നാ​ണ് ഇ​വ​രെ പി​ടി​കൂ​ടി​യ​ത്. പ​രി​ക്കേ​റ്റ അ​ഗ്നി​വേ​ശ്, നി​ര​ഞ്ജ​ൻ, ജി​തി​ൻ, അ​തു​ൽ കൃ​ഷ്ണ എ​ന്നീ എ​സ്.​എ​ഫ്.​ഐ പ്ര​വ​ർ​ത്ത​ക​ർ മാ​ള​യി​ലെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ലാ​ണ്.

ഗോ​കു​ലി​നു പു​റ​മെ കെ.​എ​സ്.​യു പ്ര​വ​ർ​ത്ത​ക​രാ​യ അ​ശ്വി​ൻ, ആ​ദി​ത്യ​ൻ, അ​ക്ഷ​യ് എ​ന്നി​വ​ർ​ക്കും ക​ണ്ടാ​ല​റി​യാ​വു​ന്ന പ​ത്തു പേ​ർ​ക്കു​മെ​തി​രെ​യാ​ണ് ക​ഴി​ഞ്ഞ​ദി​വ​സം കേ​സെ​ടു​ത്തി​രു​ന്ന​ത്. തി​ങ്ക​ളാ​ഴ്ച രാ​ത്രി 11.30ന് ​മു​ള​വ​ടി, ഇ​രു​മ്പു​പൈ​പ്പ് എ​ന്നി​വ ഉ​പ​യോ​ഗി​ച്ച് ക​ലോ​ത്സ​വ​ത്തി​ന്റെ ഒ​ന്നാം ന​മ്പ​ർ വേ​ദി​യു​ടെ മു​ൻ​വ​ശ​ത്തു​വെ​ച്ച് ആ​ക്ര​മി​ച്ച​താ​യാ​ണ് പ​രാ​തി.