പാത്താമുട്ടത്ത്​ കരോൾ സംഘത്തെ ആക്രമിച്ച സംഭവം: ഏഴുപേർക്കെതിരെ കേസ്​

കോട്ടയം: പാത്താമുട്ടത്ത്​ കരോൾ സംഘത്തെ മദ്യപസംഘം ആക്രമിച്ച സംഭവത്തിൽ ഏഴുപേർക്കെതിരെ ​ചിങ്ങവനം ​െപാലീസ്​ കേസെടുത്തു. മദ്യപസംഘത്തി​​​​െൻറ ആക്രമണത്തിൽ മൂന്നു​േപർക്ക്​ പരിക്കേറ്റു. സംഘത്തി​​​​െൻറ കല്ലേറില്‍ പരിക്കേ റ്റ ലിന്‍സി, ആശ, ബോവാസ് എന്നിവർ ജില്ല ആശുപത്രിയിൽ ചികിത്സതേടി. ആക്രമണത്തിൽ വീടുകളുടെ ജനൽചില്ലുകളും പള്ളിയിലെ ഉപകരണങ്ങളും നശിച്ചിരുന്നു.

ഞായറാഴ്​ച രാത്രി 11ന്​ പാത്താമുട്ടം സ​​​െൻറ്​ ഗിറ്റ്​സ്​ കോളജിനു സമീപം മുട്ടുചിറ കോളനിയിലാണ്​ സംഭവം. സ​​​െൻറ്​ പോൾസ്​ ആഗ്ലിക്കന്‍ ചര്‍ച്ചി​​​​െൻറ നേതൃത്വത്തില്‍ നടത്തിയ സ്ത്രീകള്‍ അടക്കമുള്ള കരോള്‍ സംഘത്തിനുനേരെയാണ്​ ആ​ക്രമണമുണ്ടായത്​. കരോള്‍ സംഘം വീടുകളിലെത്തി പാട്ട്​ പാടുന്നതിനിടെ മദ്യപരെത്തി ചോദ്യം ചെയ്തതാണ് പ്രശ്‌നത്തിന് കാരണം. തർക്കത്തെതുടർന്ന്​ കരോള്‍സംഘം മടങ്ങിയെങ്കിലും പിന്തുടർന്ന്​ ആക്രമിക്കുകയായിരുന്നു.

പള്ളിയിലേക്ക്​ എത്തിയതോടെ സാധനങ്ങൾക്ക്​ കേടുപാടുവരുത്തി. തുടർന്ന്​ സമീപത്തെ മൂന്നുവീടിനുനേരെ ആക്രമണമുണ്ടായി. പള്ളിക്കുസമീപത്തെ ഒരു ബൈക്കും നശിപ്പിച്ചു. വിവരമറിഞ്ഞ്​ ചിങ്ങവനം പൊലീസ്​ സ്ഥലത്തെത്തിയപ്പോൾ മദ്യപസംഘം രക്ഷപ്പെട്ടു. പരിക്കേറ്റവരുടെ മൊഴിയെടുത്ത ശേഷമാണ്​ പ്രദേശവാസികളായ ഏഴുപേര്‍ക്കെതിരെ കേസെടുത്തത്​.

പ്രതികളെ പിടികൂടണം -ബി.ജെ.പി
കോട്ടയം: പാത്താമുട്ടം കുമ്പാടി സ​​​െൻറ്​ പോള്‍സ് ആഗ്ലിക്കൻ ചര്‍ച്ച് അടിച്ചുതകര്‍ക്കുകയും സ്ത്രീകളും കുട്ടികളും അടങ്ങുന്ന വിശ്വാസികളെ മർദിക്കുകയും ചെയ്ത സംഭവത്തിലെ പ്രതികളായ ഡി.വൈ.എഫ്‌.ഐ പ്രവര്‍ത്തകരെ അറസ്​റ്റ്​ ചെയ്യണമെന്ന് ബി.ജെ.പി ജില്ല പ്രസിഡൻറ്​ എൻ. ഹരി ആവശ്യപ്പെട്ടു. സഭ നേതാക്കളുമായി കൂടിക്കാഴ്ച നടത്തി.

പ്രതിഷേധിച്ചു
കോട്ടയം: പാത്താമുട്ടം കൂമ്പാടി സ​​​െൻറ് ലൂക്ക്സ് ദേവാലയത്തിന് നേ​െരയും വിശ്വാസികൾക്കു നേരെയുമുണ്ടായ ആക്രമണത്തിൽ ബി.എസ്.പി സംസ്ഥാന സെക്രട്ടറി ഷിബു പാറക്കടവൻ പ്രതിഷേധിച്ചു. പ്രതികളെ അറസ്​റ്റ്​ െചയ്യണമെന്ന്​ ആവശ്യപ്പെട്ടു.