Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightനായാട്ടുസംഘം...

നായാട്ടുസംഘം വനപാലകർക്കുനേരെ വെടിയുതിർത്തു; രക്ഷപ്പെടാനുള്ള ശ്രമത്തിനിടെ തട്ടിവീണ പ്രതി അറസ്റ്റിൽ

text_fields
bookmark_border
attack agaisnt forest officers, one arrested
cancel
camera_altബിനോയ്

കേളകം: ആറളത്ത് നായാട്ടിനെത്തിയ സംഘം വനപാലകർക്കുനേരെ വെടിയുതിർത്തു. സംഭവത്തിൽ ഒരാളെ തോക്കുമായി പിടികൂടി. മറ്റൊരാൾ ഓടിരക്ഷപ്പെട്ടു. ചൊവ്വാഴ്ച രാത്രി 11ഓടെയാണ് സംഭവം. കൊട്ടിയൂർ റേഞ്ച്​ കീഴ്പ്പള്ളി ഫോറസ്​റ്റ്​ സെക്​ഷനിൽപെട്ട ആറളം ഫാമിനുള്ളിൽ ഓടന്തോട് ഫോറസ്​റ്റ്​ ഓഫിസിനു സമീപത്ത്​ രാത്രി പട്രോളിങ്​ നടത്തിയ വനപാലകരാണ്​ രണ്ടുപേരെ കണ്ടത്. വനപാലകരെ കണ്ടതോടെ ഇവർ രക്ഷപ്പെടാൻ ശ്രമിക്കുന്നതിനിടെ ഒരാൾ നാടൻ തോക്കുപയോഗിച്ച് വെടിയുതിർക്കുകയായിരുന്നു. ലക്ഷ്യംതെറ്റിയതിനാൽ വനപാലകർക്കാർക്കും പരിക്കേറ്റില്ല.

വെടിയുതിർത്ത് ഓടിരക്ഷപ്പെടാനുള്ള ശ്രമത്തിനിടെ തട്ടിവീണ പായം സ്വദേശി പരതേപതിക്കൽ ബിനോയിയെയാണ​്​ (43) ​ അറസ്​റ്റ്​ ചെയ്തത്. കൂട്ടാളിയായ മണത്തണ മടപ്പുരച്ചാൽ സ്വദേശി ജോണി ഓടിരക്ഷപ്പെട്ടതായും ഇയാൾക്കെതിരെ കേസെടുത്തതായും അധികൃതർ അറിയിച്ചു.

വന്യമൃഗങ്ങളെ വേട്ടയാടിയിട്ടുണ്ടോ എന്നു വ്യക്തമല്ലെന്നും ഇവരുടെ പക്കൽനിന്ന് മൃഗങ്ങളെയോ മൃഗാവശിഷ്​ടങ്ങളോ കണ്ടെത്താനായിട്ടില്ലെന്നും വനപാലകർ പറഞ്ഞു. തോക്കും തിരകളും കസ്​റ്റഡിയിലെടുത്തു. ബിനോയിയെ മട്ടന്നൂർ കോടതി റിമാൻഡ്​ ചെയ്തു. റേഞ്ച് ഓഫിസർ സുധീർ നരോത്ത്, കീഴ്പ്പള്ളി സെക്​ഷൻ ഫോറസ്​റ്റർ സുരേന്ദ്രൻ, മണത്തണ സെക്​ഷൻ ഫോറസ്​റ്റർ മഹേഷ് എന്നിവരുടെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.

Show Full Article
TAGS:attack forest officers arrest 
News Summary - attack agaisnt forest officers, one arrested
Next Story