എ.എൻ ഷംസീറി​െൻറ വീടിനുനേരെയുള്ള ആക്രമണം ആസൂത്രിതം -ഇ.പി ജയരാജൻ

തിരുവനന്തപുരം: എ.എൻ ഷംസീർ എം.എൽ.എയുടെ വീടിനു നേരെയുണ്ടായ ആക്രമണം ആസൂത്രിതമാണെന്ന്​ മന്ത്രി ഇ.പി ജയരാജൻ. സമാധാ ന ചർച്ചയിൽ പ​െങ്കടുത്ത നേതാവി​​​​​​െൻറ വീടാണ്​ ആക്രമിക്കപ്പെട്ടതെന്നും അദ്ദേഹം പറഞ്ഞു.

ഭീകര സംഘടനയെപ്പോ ലെയാണ്​ ആർ.എസ്.എസി​​​െൻറ പ്രവർത്തനം. അക്രമം അവസാനിപ്പിക്കാൻ സർക്കാർ ഇടപെടും. സമാധാനം ഉറപ്പാക്കാൻ സി.പി.എം ശ്രമ ിക്കുമെന്നും ഇ.പി ജയരാജൻ പറഞ്ഞു. ഇനി ഒരു ഭാഗത്തു നിന്നും അക്രമം ഉണ്ടാകരുത്. സി.പി.എം മാത്രം ഒതുങ്ങിയിട്ട് കാര്യമില്ലെന്നും ജയരാജൻ വ്യക്​തമാക്കി. ഒരു പാട് സ്ത്രീകൾ ശബരിമലയിൽ കയറിയിട്ടുണ്ട് എന്നാണ് താൻ കരുതുന്നതെന്നും അദ്ദേഹം കൂട്ടി​േച്ചർത്തു.

ഹർത്താൽദിനത്തിലെ അക്രമത്തി​​​​​​​െൻറ തുടർച്ചയായി കഴിഞ്ഞ ദിവസം രാത്രിയാണ്​ എ.എൻ. ഷംസീർ എം.എൽ.എയുടെയും സി.പി.എം മുൻ ജില്ല സെക്രട്ടറി പി. ശശിയുടെയും വീടിനുനേർക്ക്​ ബോംബേറുണ്ടായത്​. തലശ്ശേരി മാടപ്പീടികയിലുള്ള ഷംസീറി​​​​​​​െൻറ അമീനാസ്​ എന്ന വീടിനു നേർക്കാണ്​ ഒരുസംഘം ബോ​ംബെറിഞ്ഞത്​. വീടി​​​​​​​െൻറ കോമ്പൗണ്ടിലാണ്​ ബോംബ്​ വീണത്​. സ്​ഫോടനത്തി​​​​​​​െൻറ ശക്തിയിൽ ചെടിച്ചട്ടികളും വാട്ടർടാങ്കും തകർന്നു. സംഭവസമയത്ത്​ ഷംസീർ വീട്ടിലുണ്ടായിരുന്നില്ല. വീട്ടിൽ കുടുംബാംഗങ്ങളുണ്ടായിരുന്നുവെങ്കിലും ആർക്കും പരിക്കില്ല.

ശബരിമലയിൽ സ്​ത്രീകൾ പ്രവേശിച്ചതിനെ തുടർന്നുണ്ടായ ഹർത്താലി​​​​​​​െൻറ ഭാഗമായി തലശ്ശേരി മേഖലയിൽ വ്യാപകമായി അക്രമങ്ങൾ നടന്നിരുന്നു. ഇതി​​​​​​​െൻറ ഭാഗമായാണ്​ ബോംബേറുണ്ടായതെന്ന്​ കരുതുന്നതായി പൊലീസ്​ സൂചിപ്പിച്ചു. പുറത്തുനിന്നുള്ള സംഘമാണ്​ സംഭവത്തിനു പിന്നിലെന്ന്​ കരുതുന്നതായും പൊലീസ്​ പറഞ്ഞു. ആർ.എസ്​.എസ്​ സംസ്​ഥാന നേതൃത്വത്തി​​​​​​​െൻറ അറിവോടെയാണ്​ അക്രമമുണ്ടായതെന്ന്​ എ.എൻ. ഷംസീർ എം.എൽ.എ ആരോപിച്ചിരുന്നു.