പാൽ വിതരണത്തിന്​ ഇനി എ.ടി.എമ്മും

കോഴിക്കോട്​: ഇനി പണത്തിന്​ മാത്രമല്ല, പാൽ വിതരണത്തിനുമുണ്ട്​ എ.ടി.എം. മിൽമയാണ്​ പാൽ വിതരണത്തിനായി എ.ടി.എം സ​െ ൻററുകൾ ആരംഭിക്കുന്നത്​. അടുത്ത ഒരു മാസത്തിനുള്ളിൽ മിൽമ പാൽ വിതരണത്തിനായി എ.ടി.എം സ​െൻററുകൾ തുടങ്ങാനാണ് തീരുമാ നം. സംസ്ഥാന സർക്കാരും ഗ്രീൻ കേരള കമ്പനിയുമായി ചേർന്നാണ് പദ്ധതി ഒരുക്കുന്നത്.

ആദ്യ ഘട്ടത്തിൽ പരീക്ഷണാർത്ഥം തിരുവനന്തപുരം നഗരത്തിലെ അഞ്ച് കേന്ദ്രങ്ങളിൽ പാൽ വിതരണ എ.ടി.എം സെന്‍ററുകൾ സ്ഥാപിക്കും. പദ്ധതി വിജയകരമായാൽ മറ്റ്​ ജില്ലകളിലേക്കും പദ്ധതി വ്യാപിപ്പിക്കാനാണ് തീരുമാനം. ക്ഷീര വിപണന മേഖല പ്ലാസ്റ്റിക് വിമുക്തമാക്കുന്നതിന്‍റെ ഭാഗമായാണ് പുതിയ നടപടി.

പാക്കിങ്ങ് ചാർജ്ജിലടക്കം വരുന്ന അധിക ചാർജ് ഇല്ലാതാകുമെന്നതും പദ്ധതിയു​ടെ നേട്ടമാണ്​. ഓരോ ദിവസവും എ.ടി.എമ്മിൽ പാൽ നിറക്കുന്ന രീതിയിലാണ്​ ക്രമീകരണം.