എ.ടി.എം തട്ടിപ്പ് പ്രതിയെ തിരുവനന്തപുരത്ത് എത്തിച്ചു

തിരുവനന്തപുരം: തലസ്ഥാനത്തെ എ.ടി.എം തട്ടിപ്പുമായി ബന്ധപ്പെട്ട് ഇന്‍റർപോൾ അറസ്റ്റ് ചെയ്ത പ്രതി മരിയോ അലക്സാണ്ട്രോയെ കേരളത്തിലെത്തിച്ചു. നിക്കാരാഗ്വയിൽ നിന്നാണ് മരിയൊയെ അറസ്റ്റ് ചെയ്തത്. റുമേനിയൻ പൗരനായ ഇയാൾ കേസിലെ ആറാം പ്രതിയാണ്. കെനിയയിൽ നിന്ന്​ നേരത്തെ തന്നെ ഇയാളെ പിടികൂടിയിരുന്നെങ്കിലും നിയമ തടസ്സം മൂലം കൈമാറ്റം വൈകുകയായിരുന്നു. 

2016ലാണ് മരിയോ അടങ്ങുന്ന സംഘം  വെള്ളയമ്പലം ആൽത്തറ ജങ്ഷ്നിൽ സ്ഥാപിച്ചിരുന്ന എ.ടി.എം കൗണ്ടറിൽ പ്രത്യേക ഇലക്ട്രോണിക് ഉപകരണം സ്ഥാപിച്ച് പണം തട്ടിയത്.