കായികതാരങ്ങൾ നിരവധി; ചാത്തന്നൂരിൽ കളിസ്ഥലമില്ല

ചാ​ത്ത​ന്നൂ​ർ: ചാ​ത്ത​ന്നൂ​ർ ഗ്രാ​മ​പ​ഞ്ചാ​യ​ത്തി​ൽ കാ​യി​ക​താ​ര​ങ്ങ​ൾ ഒ​രു​പാ​ടു​ണ്ട്. പ​ക്ഷേ, അ​വ​ർ​ക്ക് ഉ​പ​ക​രി​ക്കു​ന്ന ക​ളി​സ്ഥ​ലം പ​ഞ്ചാ​യ​ത്തി​ലെ​ങ്ങു​മി​ല്ല. കാ​യി​ക​മ​ത്സ​ര​ങ്ങ​ൾ സ്വ​കാ​ര്യ മൈ​താ​ന​ങ്ങ​ളി​ലോ സ്വ​കാ​ര്യ വ്യ​ക്തി​ക​ളു​ടെ ഇ​ൻ​ഡോ​ർ സ്റ്റേ​ഡി​യ​ങ്ങ​ളി​ലോ ആ​ണ് സം​ഘ​ടി​പ്പി​ക്കു​ന്ന​ത്.

അ​തു​കൊ​ണ്ടു​ത​ന്നെ പ​ഞ്ചാ​യ​ത്തി​ലെ കാ​യി​ക​പ്രേ​മി​ക​ളു​ടെ സ്വ​ന്ത​മാ​യി ഒ​രു ക​ളി​ക്ക​ളം എ​ന്ന സ്വ​പ്ന​ത്തി​നു​നേ​രെ പ​ഞ്ചാ​യ​ത്ത്‌ അ​ധി​കൃ​ത​ർ മു​ഖം​തി​രി​ക്കു​ന്നു. ദേ​ശീ​യ​ത​ല​ത്തി​ലെ​ത്തി​യ ഏ​ഷ്യാ​ഡ് ശ്യാം​കു​മാ​ർ അ​ട​ക്ക​മു​ള്ള കാ​യി​ക​താ​ര​ങ്ങ​ൾ വ​ള​ർ​ന്നു​വ​ന്ന നാ​ട്ടി​ൽ കാ​യി​ക​താ​ര​ങ്ങ​ൾ ഇ​പ്പോ​ൾ പ​രി​ശീ​ല​ന​ത്തി​നാ​യി നെ​ട്ടോ​ട്ട​മോ​ടു​ക​യാ​ണ്.

കാ​യി​ക​പ്രേ​മി​ക​ളു​ടെ നാ​ടെ​ന്ന ഖ്യാ​തി​കേ​ട്ട ചാ​ത്ത​ന്നൂ​രി​ൽ സ്വ​ന്ത​മാ​യി ഒ​രു ക​ളി​സ്ഥ​ലം എ​ന്ന ആ​വ​ശ്യ​ത്തി​ന് വ​ർ​ഷ​ങ്ങ​ളു​ടെ പ​ഴ​ക്ക​മു​ണ്ട്. ഗ്രാ​മ​പ​ഞ്ചാ​യ​ത്ത് കേ​ന്ദ്രീ​ക​രി​ച്ച് 15 ഓ​ളം യൂ​ത്ത് ക്ല​ബു​ക​ളാ​ണു​ള്ള​ത്. ഇ​വ​രെ​ല്ലാം മ​ത്സ​ര​ങ്ങ​ൾ സം​ഘ​ടി​പ്പി​ക്കാ​റു​മു​ണ്ട്. സ്ഥ​ല​പ​രി​മി​തി​യാ​ണ് കാ​യി​ക​താ​ര​ങ്ങ​ൾ നേ​രി​ടു​ന്ന പ്ര​ധാ​ന പ്ര​ശ്നം. പ​ഞ്ചാ​യ​ത്ത്‌ ത​ല​ത്തി​ൽ നി​ല​വി​ൽ ഒ​രു ഗ്രൗ​ണ്ടു​ള്ള​ത് പ​ഞ്ചാ​യ​ത്തി​ന്റെ തെ​ക്കേ അ​റ്റ​മാ​യ എം.​സി പു​രം വാ​ർ​ഡി​ലാ​ണ്. ചാ​ത്ത​ന്നൂ​രി​ന്റെ വി​വി​ധ ഭാ​ഗ​ത്തു​ള്ള​വ​ർ​ക്ക് ഇ​വി​ടെ​യെ​ത്താ​നു​ള്ള വാ​ഹ​ന​സൗ​ക​ര്യ​വു​മി​ല്ല.

വ​ർ​ഷ​ങ്ങ​ൾ​ക്ക് മു​മ്പ്​ ഫു​ട്ബാ​ൾ മ​ത്സ​രം ന​ട​ത്തി​വ​രു​ന്ന പ​ഞ്ചാ​യ​ത്താ​ണി​ത്. സ്കൂ‌​ൾ കാ​യി​ക​മേ​ള​ക​ൾ​ക്ക് പു​റ​െ​മ വി​വി​ധ ക്ല​ബു​ക​ളു​ടെ നേ​തൃ​ത്വ​ത്തി​ൽ ഒ​ട്ടേ​റെ കാ​യി​ക​മ​ത്സ​ര​ങ്ങ​ളും ഇ​വി​ടെ ന​ട​ന്നി​ട്ടു​ണ്ട്. ദേ​ശീ​യ അ​ന്ത​ർ​ദേ​ശീ​യ ത​ല​ത്തി​ലെ​ത്തി​യ കാ​യി​ക​താ​ര​ങ്ങ​ളും പ​ഞ്ചാ​യ​ത്തി​ലു​ണ്ട്. സ​ർ​ക്കാ​ർ​മേ​ഖ​ല​യി​ലും സ്വ​കാ​ര്യ​മേ​ഖ​ല​യി​ലു​മാ​യി ര​ണ്ട്​ വ​ലി​യ ഹൈ​സ്‌​കൂ​ളു​ക​ളു​ണ്ടെ​ങ്കി​ലും ഇ​വി​ടെ സൗ​ക​ര്യ​പ്ര​ദ​മാ​യ ഗ്രൗ​ണ്ടു​ക​ളി​ല്ല.

സ്വ​കാ​ര്യ​മേ​ഖ​ല​യി​ലെ സി.​ബി.​എ​സ്.​സി സ്കൂ​ളു​ക​ളി​ലെ​യും സ്ഥി​തി വി​ഭി​ന്ന​മ​ല്ല. പ​ഞ്ചാ​യ​ത്തി​ലെ വി​ദ്യാ​ർ​ഥി​ക​ൾ അ​ട​ക്കം പ​ഞ്ചാ​യ​ത്തി​നു​പു​റ​ത്തു​ള്ള ഗ്രൗ​ണ്ടു​ക​ളി​ലോ കൊ​യ്​​ത്തൊ​ഴി​ഞ്ഞ പാ​ട​ങ്ങ​ളി​ലോ പോ​യി വാ​ട​ക​ന​ൽ​കി​യാ​ണ് ഫു​ട്ബാ​ൾ മ​ത്സ​ര​ങ്ങ​ളും പ​രി​ശീ​ല​ന​വും ന​ട​ത്തു​ന്ന​ത്.

എ​ൻ.​എ​സ്.​എ​സ് സ്കൂ​ൾ ഗ്രൗ​ണ്ട്​ സ്വ​കാ​ര്യ​സ്ഥ​ല​മാ​യ​തി​നാ​ൽ പ​ല ആ​വ​ശ്യ​ങ്ങ​ൾ​ക്കും വി​ട്ടു​കൊ​ടു​ക്കാ​റി​ല്ല. വ​യ​ലു​ന​ട ഗ്രൗ​ണ്ട് എ​ന്ന​റി​യ​പ്പെ​ടു​ന്ന വ്യ​വ​സാ​യ വ​കു​പ്പി​ന്റെ സ്ഥ​ലം വ്യ​വ​സാ​യ വ​കു​പ്പ് കെ​ട്ടി​യ​ട​ക്കു​ക​യാ​യി​രു​ന്നു. ഇ​ത് മൂ​ലം ആ ​ക​ളി​സ്ഥ​ല​വും ന​ഷ്ട​മാ​യി.

പ​രി​ശീ​ല​നം ന​ട​ക്കു​ന്നി​ല്ല

കേ​ര​ളോ​ത്സ​വം, ഗ്രാ​മോ​ത്സ​വം, ഫു​ട്ബാ​ൾ, ക്രി​ക്ക​റ്റ്, ഹോ​ക്കി തു​ട​ങ്ങി​യ മ​ത്സ​ര​ങ്ങ​ൾ എ​ല്ലാം പ​രി​മി​ത​മാ​യ സൗ​ക​ര്യ​ങ്ങ​ളി​ലാ​ണ് ന​ട​ത്തു​ന്ന​ത്. ഗ്രാ​മ​പ​ഞ്ചാ​യ​ത്തി​ലെ കാ​യി​ക​താ​ര​ങ്ങ​ൾ​ക്ക് മി​ക​വു​റ്റ പ​രി​ശീ​ല​നം ന​ൽ​കാ​നു​ള്ള സൗ​ക​ര്യ​വും പ​രി​മി​ത​മാ​ണ്. നാ​ളി​തു​വ​രെ ചാ​ത്ത​ന്നൂ​രി​ലെ കാ​യി​ക​താ​ര​ങ്ങ​ൾ പ​ങ്കെ​ടു​ത്തി​ട്ടു​ള്ള മ​ത്സ​ര​ങ്ങ​ളി​ൽ എ​ല്ലാം മി​ക​വാ​ർ​ന്ന വി​ജ​യം കൈ​വ​രി​ക്കാ​നും ക​ഴി​ഞ്ഞി​ട്ടു​ണ്ട്. ഇ​വ​രെ പ്രോ​ത്സാ​ഹി​പ്പി​ക്കു​ന്ന​തി​നും മി​ക​വു​റ്റ പ​രി​ശീ​ല​നം ല​ഭി​ക്കു​ന്ന​തി​നും വ​യ​ലു​ന​ട ഗ്രൗ​ണ്ട് വ്യ​വ​സാ​യ​വ​കു​പ്പി​ൽ​നി​ന്ന്​ ഏ​റ്റെ​ടു​ക്ക​ണ​മെ​ന്ന ആ​വ​ശ്യ​മാ​ണ് ഉ​യ​രു​ന്ന​ത്.